Ylli Manjani në rolin e analistit  shprehet se çdo vend me një minimum normaliteti krizat politike i zgjidh me votë.

Sipas tij vetëm në Shqipëri nuk ndodh kështu.

“Kudo në Europë votohet.  

Edhe në ballkan votohet. Popullsia, grupet politike e sociale votojnë për të zgjidhur një krizë vendimmarrëse.  

Votohet në Bosnje, Kosovë, Maqedoni, në BE po e po.  

Votohet dhe zgjidhet çdo krizë që nuk e zgjidhin dot përfaqësuesit e zgjedhur.  Kjo është rutina e çdo demokracie. Vota është esenca e demokracisë.  Dita e votimit është bekim.  Është shpresë. Qejf. Atmosferë e këndshme gjithandej”, shkruan Manjani në rrjete sociale.

Manjani shprehet më tej se në Shqipëri të përmendësh votën është thirrje për luftë.

“Të shkon mendja të ruhesh. (Le pastaj po të lexosh edhe thirrjet e ambasadës për të mos u afruar eventeve të tilla).

Kur përmendet vota mendja të shkon tek gazi lotsjellës, druri që ha, dhuna që shperthen gjithandej. Lajmet që buçasin sikur po vjen fundi i botës. Bah, çfarë terrori”, shkruan ish-ministri.

Edhe zgjedhjet e parakohshme, sipas tij  janë qartësisht luftë.

“Dy herë i kemi bërë dhe literalisht me pushkë në krah, duke vrarë njëri-tjetrin.  Votimet nëpër parti janë njësoj.

Ngjarje dhune, diktati, presioni…  Vota e parakohshme quhet luftë e pastër. Krijohen skalione, barriera, blinda. Armatosen palët. Shtohen mercenarët. Përplasen njerëzit. Ironikisht partia ku ndodhin këto ngjarje quhet demokratike! Partia tjetër që ka harruar si votohet, trashet duke u vetëquajtur socialiste. Sociale posi! Sociale pa votën e shoqërisë… Sundon rehat, ç’i duhet vota!?

Ama, të gjitha partitë shqiptare që vrasin votën janë me Amerikën. Ose janë amerikane…!!!

Si përfundim demokracia është ende diktat midis nesh.

Ideja mbi lirinë ngjan më shumë si eksitim kolektiv… Ai që votohet ndjehet pronar i çdo gjëje. Kush kërkon rivotim është armik dhe duhet eleminuar. E kështu cikli përsëritet…

Fundi i historisë është:

Kemi një opozitë që e ruan pushteti me bodyguardë dhe një pushtet që sundon me pantallona të shkurtra i pa shqetësuar nga asgjë. Një pushtet që emëron opozitën për inat të votes. Nëse nuk pranojmë votën si themel të demokracisë, nuk kemi fare lidhje me demokracinë”, përfundon reagimin Manjani./E.S-CNA.al

Sot është shënuar 31 vjetori i demonstratës antikomuniste në qytetin e Shkodrës.

Përmes një postimi në rrjetin social Facebook, ish kryeministri Sali Berisha ka dalë me një mesazh të rëndësishëm, ku ka shprehur mirënjohje ndaj të gjithë atyre që morën pjesë.

Reagimi i Berishës:

Sot, 14 janar, 31 vjetori i demostratës antikomuniste të Shkodrës!

Të dashur miq, grupet antikomuniste, qytetarët dhe studentët e Shkodrës, inauguruan Vitin e Ri 1990 në Shqipëri me një betejë të ashpër me diktaturën komuniste, demostratat e  fuqishme të datave 13-14 Janar 1990, për rrëzimin e bustit të diktatorit komunist, Josif Stalin.

Më datë 13 dhe veçanërisht më datë 14 Janar të vitit 1990, mijra qytetarë të Shkodrës iu përgjigjën thirrjes së grupeve antikomuniste, mbushën dhe dolën në një demonstrat të fuqishme për të çliruar qytetin e tyre nga kulti i njërit prej diktatorëve me gjaksor të kohrave, Josif Stalin dhe për të hequr bustin e tij nga qendra e qytetit.

Diktatura staliniste e Ramiz Alisë përdori kundër demostruesve ushtrinë dhe mjetet e saj, sigurimin e shtetit dhe policinë e batalionin famkeq të sambistëve për të shtypur demonstratën e parë antikomuniste.

Rregjimi diktatorial e shtypi me egërsi dhe brutalitet me të gjitha mjetet e dhunës demostratën e 14 Janarit dhe arrestoi, torturoi dhe dënoi me dënime të rënda për veprimtari antishtetërore terroriste organizatorët e saj Ded Kasnecin, Rin Monajken, Flamur Elbasnani, Gjergj Livadhin, Ndoc Liqejzen vëllezërit Haxhi, Ndoc Liqejza, Gjovalin Ralba, Viktor Martini, Nikolin Thana, Tonin Dema, Nikolin Margjini, Bac Bilali, Ylli Gërshana, Klaudio Daka, Aldo Perizi, vëllezërit Alibali, Hana Kraja etj.

Por jehona e saj brenda dhe jashtë vendi ishte e madhe dhe hapi siparin e një seri ngjarjesh të mëdha të vitit 1990, që do kurorëzoheshin me vendosjen e pluralizmit politik në Shqipëri me Lëvizjen Studentore të Dhjetorit të vitit  1990.

Sot, në këtë 31 vjetor, le të shprehim ne të dashur miq nderimin dhe mirënjohjen tonë më të thellë për qytetarët pjesëmarrës dhe organizatorët e demostratës së 14 Janarit 1990 të Shkodrës, Rozafës së Lirisë.

Rroftë Shkodra! sb./CNA.al

Koordinatori i Bindjes Demokratike është shprehur se Lulzim Basha është një humbës serial.

Në një intervistë për Merita Haklajn në A2, Patozi theksoi se Basha është produkti më i keq në politikë i Trekëndëshit të Bermudës.

“Si mund ta durosh që një humbës serial si Lulzim Basha, të flasë për trekëndëshin e Bermudës? Në një kohë që ai është produkti më kallp i të keqes politike, që ky e quan trekëndëshi i Bermudës. Sali Berishën e ka pasur tutor dhe ka qenë i nënshtruari i tij prej vitesh, ndërsa me Ilir Metën ka qenë bashkëpunëtor i ngushtë në shumë raste. Mbi të gjitha, me këta të dy e ka lidhur edhe miqësia familjare, gjë që nuk më ka pëlqyer kurrë”, tha ai./CNA.al