Ishte viti 2020 kur Radio SOL u krijua për të sjellë një trend të ri e gjithmonë më pranë audiencws. Sot, thuajse dy vite më pas, mund të thuhet se SOL-i është rritur dhe jo vetëm me kalimin e viteve, por është bërë më e madhe, numëron dëgjues besnikë. Ky rezultat falë punës së stafit për të sjellë muzikë të mirë, artistët më në zë të momentit, albumet e fundit të lançuara nga artistë shqiptarë e ndërkombetarë, informacion të pasur, të shkurtër, tinguj ritmik si dhe programe të veçanta plot risi.

Transmetimet në 89.0 fm, gjithmonë të përcjella me shumë kujdes nëpërmjet një teknologjie të fjalës së fundit. Një vend rinor, plot ngjyra për këdo që punon palodhur, i organizuar me disa hapësira të bollshme që të japin energji të mirë e pozitive. Një investim gjigand në shumë pak kohë, ku mund të thuhet se nuk mungon asgjë. Radio SOL ka një qëllim që çdo ditë arrin ta përmbushë me hapësirat që vendos në dispozicion për dëgjuesit e saj. Albumet e reja të artistëve të cilat gjithmonë janë në fokus përzgjidhen me kujdes dhe transmetohen për të qenë sa më pranë rinisë së sotme. Kësaj rinie që çdo ditë e më shumë është nën ndikimin e teknologjisë duke vënë në konkurencë internetin me radion apo televizionin.

Playlist-a e radios sonë përfshin çdo ditë e më shumë muzikë të ndryshme. Këngë të para viteve 2000, rryma të reja, e këngë që kanë frymëzuar një brez të tërë, janë vetëm disa nga kategoritë që SOL ka në vëmendje. Gjithashtu programet e realizuara deri më sot janë programe të cilat kanë gjetur audiencë për të marrë afirmime si: rinore, argëtuese, të pëlqyera e të orientuara gjithmonë drejt botës perëndimore. Informacioni po ashtu është një shtyllë e rëndësishme e radios. Fillimisht tre herë në ditë e tanimë plot 4 herë, edicioni i lajmeve sjell gjithmonë lajmet e fundit nga vendi, rajoni e bota, pa thrillim apo ndikim të jashtëm.

Ky shkrim sigurisht që nuk mjafton për të kuptuar Radio SOL. Të duhet vetëm të kërkosh në web ose ne kasetofonin tend 89.0 dhe çdo udhëtim, ecje, stërvitje, xhiro në park në një natë vere, do shijohej më shumë falë tingujve fantastikë.

Radio SOL, ende shumë rrugë për të bërë bashkë, gjithmonë me qëllimin për të iu argëtuar./ CNA.al

Forumi Rinor Socialist  feston sot 30 vjetorin e themelimit.

Gjatë një aktiviteti që po mbahet me këtë rast, ministrja për Marrëdhëniet me Parlamentin Elisa Spiropali, tha se Partia Socialiste është e vetmja parti që punon për të ndryshuar vendin dhe se sot është më e mira në skenën politike.

“PS nuk është e keqja më e vogël. Është sot e mira e vetëm në skenë  politike shqiptare. Kundërshtarët tanë formal, brava dhe shuli, tokmamu dhe blindi kanë mbyllur shoqërisë dhe Shqipërisë derën në fytyrë. Lufta e brendshme është kthyer në një skenë tallëse dhe pa qëllime kombëtare. Partia që lindi 31 vite më parë nga aspirata për lirinë , PD ka sot Sali Berishën ofertë dhe kundër ofertë nënproduktin e tij që nuk arrin ti nxjerrë asnjë thinjë vetes së tij le më punë që nuk di të bëjë. Edhe kur braktisën parlamentin në bëmë çmos që të gjejnë gjuhën si bijë dhe bija të të njëjtës tokë”, është shprehur Spiropali.

Duke vijuar më akuzat nddaj Berishës, Spiropali u është drejtuar të rinjve duke thënë, se  jini krenarë sepse për ne kundërshtarët nuk janë armiq.

“Ne nuk fyejmë nuk linçojmë nuk denigrojmë dhe nuk godasim me ç’të na vijë për dorë,. Ne armë kemi vetëm të vërtetën. ne nuk e vëmë partinë mbi Shqipërinë  dhe as veten për gjithçka. Opozita jonë e vertetë jeni ju, shpresa dhe të rinjtë e këtij vendi. PS ka fituar garën me kundërshtarin politik. Ambiciet tona janë të pafundme, gara jonë është vetëm e ëndrrën tuaj. Opozita më e dha jeni ju dhe kryeministri Edi Rama. Ne jemi vetëkritikë, opozitë e vetes, vetëkorrektohemi. Është misioni ynë që të na thërrasin Ne duhet tëngjizim një bashkim të ri që shkon përtej këtyre kritikave.

Ne do t’ja japin dorën të gjithë shqiptarëve ka dallim. Ne duhet të punojmë për ëndrrën tuaj, pushteti për ne nuk është qëllim por mjet për të arritur qëllime më të larta”, është shprehur ndër të tjera Spiropali./CNA.al

Të hënën Presidenti Ilir Meta do të shpallë zgjedhjet e parakoshshme vendore, për shtatë bashkitë pa kryetar.

Sipas afateve ligjore, pas datës së shpalljes së zgjedhjeve nga Presidenti në afatin prej 45 ditësh si dhe procedurat që duhet të kryejë KQZ, i bie që zgjedhjet të mbahen në pranverë, dikur tek tre javët e para të muajit Mars.

Një ditë më parë Presidenti Meta u shfaq në media duke deklaruar se do t’i jepte një zgjidhje bashkive pa kryetar, por duket se të hënën do të jetë më konkret.

7 Bashkitë pa kryetar

Në zgjedhjet e vitit 2019 shkodranët ia besuan Valdrin Pjetrit drejtimin e Bashkisë Shkodër, ai dha dorëheqjen nga marrja e detyrës, për shkak se prekej nga ligji i dekriminalizimit. Për pasojë Voltana Ademi, me mandat të përfunduar kushtetues prej gati dy vjetësh, vazhdon të drejtojë bashkinë më të madhe në Veri të vendit.

Pak ditë pas tërmetit të 26 nëntorit, për shkak të një deklarate të pakujdesshme, kryetarja e zgjedhur e Bashkisë së Durrësit, Valbona Sako, dha dorëheqjen. Ajo u zëvendësua fillimisht në postin e nënkryetares e më pas atë të kryetares nga Emirjana Sako.

Po ashtu, edhe Vora po drejtohet nga një kryetar i pazgjedhur me votë, pas largimit të ish-kryebashkiakut Agim Kajmaku.

Ndërkohë, kryetari i Bashkisë Rrogozhinë, Haxhi Memolla u nda nga jeta dhe kjo solli një tjetër bashki që drejtohet nga kryetar i zgjedhur pa votë.

Dionis Imeraj, ish-kryetari i Bashkisë Dibër, dha dorëheqjen pak javë më parë për shkak të kandidimit të tij për deputet në zgjedhjet e 25 prillit. Aktualisht kryetar i bashkisë në detyrë është Shkëlqim Murrja.

Ndërsa lidhur me bashkinë e Lushnjës, ish-kryebashkiaku Fatos Tushe u arrestua nga policia për shpërdorim detyre dhe falsifikim dokumentesh.

Në vend të Tushes, është  emëruar Eriselda Sefa, nënkryetarja e Bashkisë, pasi ka marrë votat e Këshillit Bashkiak./E.S-CNA.al