Kronika
Kapet benzi me 17 kg drogë/ Tre të rinj përfundojnë në pranga
Policia e Lezhës ka arrestuar tre persona për trafikim të lëndëve narkotike në Mirditë. A.P., 31 vjeç, Sh.P., 32 vjeç dhe Ç.P., 35 vjeç, banues në fshatin Bisakë, Mirditë janë vënë në pranga.
Të njëjtëve iu është sekuestruar edhe 17 kilogramë lëndë narkotike cannabis sativa.
Policia njofton se, në vendin e quajtur “Gëziq”, Mirditë, kanë ndaluar automjetin e dyshuar tip “Benz” dhe gjatë kontrollit të automjetin me drejtues shtetasin A. P. dhe pasagjerë vëllain dhe kushëririn e tij, u gjetën 17 kilogramë lëndë narkotike cannabis sativa.
Njoftimi i policisë:
Operacioni nga Sektori për Hetimin e Krimeve kundër Narkotikëve, Forca Operacionale dhe Forca e Posaçme “Shqiponja” në DVP Lezhë, në bashkëpunim me Komisariatet e Policisë Lezhë dhe Mirditë, për goditjen e veprimtarisë kriminale në fushën e narkotikëve.
Sekuestrohen 17 kilogramë lëndë narkotike cannabis sativa.
Arrestohen në flagrancë 3 shtetasit që transportonin lëndën narkotike.
Në vijim të punës për parandalimin, evidentimin dhe goditjen e veprimtarisë kriminale në fushën e prodhimit dhe shitjes së lëndës narkotike cannabis sativa, nga shërbimet e Policisë Lezhë u bë i mundur finalizimi me sukses i operacionit të koduar “Bisakë”, në kuadër të të cilit u bë kapja dhe arrestimi në flagrancë i shtetasve:
-A.P., 31 vjeç, Sh.P., 32 vjeç dhe Ç.P., 35 vjeç, banues në fshatin Bisakë, Mirditë.
Shërbimet e Policisë Lezhë kishin marrë informacione se këta shtetas po transportonin lëndë narkotike nga Mirdita në drejtim të Lezhës. Bazuar në këto informacione, në vendin e quajtur “Gëziq”, Mirditë, shërbimet e Policisë kanë ndaluar automjetin e dyshuar tip “Benz”.
Gjatë kontrollit të automjetin me drejtues shtetasin A. P. dhe pasagjerë vëllain dhe kushëririn e tij, shërbimet e Policisë gjetën 17 kilogramë lëndë narkotike cannabis sativa, të cilat u sekuestruan cilësinë e provës materiale, së bashku me automjetin.
Nën drejtimin e Prokurorisë vijon puna për identifikimin dhe kapjen e personave të tjerë të përfshirë në këtë veprimtari kriminale.
Materialet procedurale i kaluan për ndjekje të mëtejshme, Prokurorisë së Rrethit Gjyqësor Lezhë, për veprën penale “Prodhimi dhe shitja e narkotikëve”, kryer në bashkëpunim./CNA.al
Kronika
Adoleshenti lëvizte i armatosur ma kallash/ 17 vjeçari bie në “kurthin” e Policisë
Shërbimet e Komisariatit të Policisë Kukës, si rezultat i kontrolleve blic për kapjen e personave në kërkim dhe atyre që qarkullojnë me armë zjarri pa leje, bazuar dhe në informacionet e siguruara nga qytetarët, se një adoleshent qarkullonte me armë zjarri, kanë organizuar punën për lokalizimin dhe kapjen e tij.
Në drejtim të fshatit Shishtavec, shërbimet e Policisë kanë konstatuar duke ecur shtetasin e mitur B. P.
Pas ndërhyrjes profesionale për të mos krijuar reagime apo dëmtime të palëve, është bërë kapja dhe arrestimi i 17-vjeçarit, i cili mbante me vete një armë zjarri kallashnikov me karikator me fishekë./CNA.al
Kronika
Motorristja merr përpara biçikletën/ I riu përfundon në spital
Një aksident ka ndodhur pasditen e sotme në qytetin e Elbasanit, motorri që drejtohej nga shtetasja I.E 32 vjeç ka marr përpara shtetasin K.S 33 vjeç.
Sipas policisë, ky i fundit ka marrë disa dëmtime, ndërsa është nisur në spital për të marrë ndihmën mjekësore, ku ndodhet jashtë rrezikut për jetën.
“Më datë 14.01.2022, rreth orës 19: 20, në lagjen Emin Matraxhiu, motomjeti me drejtues shtetasen I. E., 32 vjeçe, ka aksidentuar biçikletistin, shtetasin K. S., 33 vjeç.
Për pasojë është dëmtuar shtetasi K. S., i cili ndodhet jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të ngjarjes”, thuhet në njoftimin e policisë./CNA.al
Kronika
E rëndë në Tiranë/ I moshuri humb jetën në lokal, policia jep detaje
Një ngjarje e rëndë është regjistruar mbrëmjen e sotme në zonën e Freskut në Tiranë. Sipas policisë, një 70 vjeçar ka humbur jetën në një lokal. Uniformat blu bëjnë me dije se nuk janë konstatuar shenja dhune, ndërsa dyshohet se shkak ka qenë arresti kardiak.
“Tiranë/Informacion paraprak
Më datë 14.01.2022, te Fresku, në një lokal, ka ndërruar jetë shtetasi F. M., 70 vjeç.
Nga këqyrja paraprake nuk janë konstatuar shenja dhune dhe dyshohet se vdekja ka ardhur si pasojë e një arresti kardiak.
Grupi hetimor ndodhet në vendngjarje dhe po punon për sqarimin e rrethanava të ngjarjes”, thuhet në njoftim./CNA.al
