Connect with Us

Sfida me Laçin, Memelli: Do jetë një ndeshje e egër

Sport

Sfida me Laçin, Memelli: Do jetë një ndeshje e egër

Publikuar

-

/

Skënderbeu rikthehet të luajë në kampionat pas pauzës së festave. Ekipi korçar do të ketë përballë një kundërshtar të vështirë si Laçi. Në një konferencë për shtyp, trajneri Migen Memelli ka folur për gjendjen e ekipit, por dhe për merkaton.

“Kemi bërë nja dy afrime, të cilat i kemi parë të arsyeshme për të plotësuar vendet vakante ehe pse ngelen edhe 15 ditë nga përfundimi i merkatos. Gjithsesi besoj se do të plotësojmë një repart tjetër në mundësinë që të kemi një grup sa më të fort dhe të kemi alternativa në të gjitha repartet e fushës. Por skuadra është ndërtuar mirë që nga fillimi i sezonit dhe baza e lojtarëve është dhe do të jetë deri në fund të sezonit.”

Merkato

“Edhe pse është një periudhë që nuk sjell shumë cilësi, sepse skuadrat kërkojnë t’i mbajnë lojtarët më të mirë në kontingjentin e tyre. Besoj që pritshmëritë do të jenë. Presim të mbyllim një marrëveshje tjetër në një repart që është më vakant dhe pastaj çdo gjë do të jetë e qartë për ne.  Bashkërisht me klubin do të plotësojmë vendet vakante, të cilat janë të domosdoshme. Janë 2-3 lojtarë me dëmtime dhe besoj se periudha kampionatit që mbetet, do të jetë një luftë e egër dhe mjaft e gjatë.”

Gjendja e ekipit

“Berisha dhe Vitija do të jenë jashtë, duke parë verdiktin e stafit mjekësor. Të gjithë lojtarët që do të aktivizohen nesër në fushë, kanë besimin tonë. Në këto 12 ditë përgatitje kanë bërë jashtëzakonisht mirë. Shpresoj të bëjnë një performancë të mirë, si në javët e kaluara, por dhe të marrim rezultat në fund”

Përballja me Laçin

“Laçi është një skuadër shumë cilësore dhe ndër katër më të mirat në kampionatin tonë.”

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Sport

Shkëndija e Tetovës pranë akordit me Erald Çinarin

Publikuar

-

Merkato e dimrit ka nisur dhe skuadrat po hedhin “tentakulat” për të marrë lojtarë të vlefshëm për organikën e klubit. Shkëndija është ndër ato ekipe, e cila mesa duket është gati të bëjë një afrim të bujshëm.



Kampionët e Maqedonisë kërkojnë të bëjnë një goditje të madhe në sulm dhe Eraldo Çinari është opsioni i duhur.  Ish-futbollisti i Vllaznisë së Shkodrës dhe Partizanit të Tiranës sezonin e fundit ishte pjesë e Samsunsporit në Turqi, ndërsa duket se drejtuesit e Shkëndijës e kanë bindur të transferohet në Tetovë.

LEXO TE PLOTE

Sport

Kristian Eriksen nuk heq dorë: Dua të jem në Botërorin e Katarit

Publikuar

-

Kristian Eriksen duket se ka harruar tmerrin e përjetuar në verë gjatë Europianit (Danimarkë-Finlandë 12.6.2021) ku rrezikoi jetën dhe tani gjithnjë e më shumë po mendon për kthimin në fushë.

Pavarësisht se me aparat në zemër, për mesfushorin danez nuk mungon interesi, ku një ndër klubet që është gati t’i ofrojë një kontratë është Bajerni i Mynihut. Objektivi madhor i tij është të grumbullohet me kombëtaren daneze për kampionatin e ardhshëm botëror në Katar, ku nordikët janë kualifikuar drejtpërdrejt.



“Dua të jem në Katar” ka thënë ndër të tjera ai për radion daneze “DR”. Por për ta arritur qëllimin atij i nevojitet një skuadër e dorës së parë. Klubeve si Ajaksi dhe Totenhemi, në orët e fundit u është shtuar dhe Bajerni i Mynihut.

LEXO TE PLOTE

Seria A

Elseid Hysaj nuk duket në stërvitjen e Lazios, çfarë ka ndodhur me shqiptarin?

Publikuar

-

Elseid Hysaj nuk po duket askund. Më saktësisht, mbrojtësi ka munguar dje në stërvitjen e skuadrës së Lacios dhe nuk ka qenë i vetmi, duke bërë që të ngrihet alarm në mediat italiane ku qartësisht janë hedhur dyshimet për ndonjë infektim të mundshëm me COVID.

Raportohet se në seancën e sotme të stërvitjes, Hysaj ka munguar ashtu si Andre Anderson, Bashiç dhe Pepe Reina. Klubi nuk ka dalë me asnjë komunikatë rreth situatës së tyre dhe deri tani nuk ka dhënë asnjë lloj shpjegimi.



Kjo ka bërë që në Itali të mendohet për një tjetër valë infektimesh në klubin e Lacios, ku në të kaluarën situatat e lojtarëve me COVID kanë krijuar jo pak probleme. Shembulli konkret është Strakosha, i cili në një pjesë të testeve rezultonte pozitiv e në një pjesë negativ, duke bërë që lojtari të humbte një muaj larg fushave të lojës e si pasojë edhe vendin e tij në formacionin titullar.

LEXO TE PLOTE