Kryetarja e LSI-së, Monika Kryemadhi ka reaguar në lidhje me inceneratorëte Fierit dhe të Tiranës, ndërsa pyet publikisht se pse nuk sekuestrohen.

Përmes një mesazhi në rrjetet sociale, Kryemadhi thekson se SPAK kreu një punë shumë të mirë në fund të vitit 2021, duke vendosur sekuestro preventive mbi kompanitë në administrim të Stela Gugallja dhe Klodian Zoto.

Kryemadhi i “ka ardhur në ndihmë” edhe SPAK, teksa ka publikuar dy tabela që tregon se si janë përfituar para përmes kompanive fiktive, të hapura në funlsion grabitjes nëpërmjet skemës korruptive të inceneratorëve.

“Pse nuk janë sekuestruar Inceneratori i Tiranës dhe Fierit, ashtu siç është sekuestruar Albtek Energy dhe ITS të Inceneratorit të Elbasanit?

SPAK kreu një punë shumë të mirë në fund të vitit 2021, duke vendosur sekuestro preventive mbi kompanitë në administrim të Stela Gugallja dhe Klodian Zoto, të dyshuar në lidhje me rastin e inceneratorit të Elbasanit, për kryerjen e veprave penale “Korrupsioni aktiv i funksionarëve të lartë shtetërorë ose i të zgjedhurve vendorë”, kryer në bashkëpunim, si dhe “Pastrimi i produkteve të veprës penale apo i veprimtarisë kriminale”, kryer në bashkëpunim, të parashikuara nga nenet 245 e 25 dhe 287/2 i Kodit Penal.

Albtek Energy dhe ITS, kanë zhvilluar aktivitet financiar me kompani fiktive, të krijuara nga Ish Ministri i Mjedisit Koka dhe njerëz të lidhur me të, për të grabitur paratë e qytetarëve.

Mirëpo, të njejtat kompani fiktive kanë ndërvepruar edhe me Inceneratorët e Tiranës dhe Fierit. Tabela e mëposhtme të shërbejë si një rikujtesë për organet e drejtësisë, pasi koha nuk premton dhe duhet vepruar sa më shpejt, për të shpëtuar sa më shumë nga taksat e qytetarëve”, shkruan Kryemadhi./CNA.al

Te një kullë me 21 kate pa leje në zonën e ish-bllokut në Tiranë, ku janë shtuar edhe 5 kate të tjera, ndodhen zyrat e pronarëve të inceneratorëve.

Kështu shprehet anëtari i Kryesisë dhe Këshillit Kombëtar të Partisë Demokratike, Jamarbër Malltezi, duke shtuar se dy prej tyre, Klodian Zoto dhe Stela Gugallja, janë në kërkim ‘në drejtim të paditur’ nga policia, jo për grup të strukturuar kriminal dhe aferën 430 mln euro, por për një akuzë të sfumuar, për dhënie ryshfeti Lefter Kokës.

Gjithashtu, Malltezi thotë se dy ditë më parë në këtë godinë është parë të hynte zv/kryeministri Arben Ahmetaj.

“Tek kjo ndërtesa (21 kate pa leje por tani me leje për shtesë 5 kate mbi 21 kateshin pa leje) kanë zyrat Mirel Mertiri, Stela Gugallja dhe Klodian Zoto. Siç dihet këta dy të fundit janë në kërkim “në drejtimin e paditur” nga policia por jo për krijim grupi të strukturuar kriminal për vjedhjen e 430 miljonë € duke shpikur mafien e plehrave, por për rryshfete të paligjshme të dhëna Lefter Kokës që i mashtruan si për shpenzime ndërtimi. Tek kjo ndërtesa u pa parmbrëme Miku i ngushte i Mirel Mertirit, Arben Ahmetaj. Nuk dihet nëse po i çonte ushqim të ngujuarve apo mbyll pazaret e rradhës pasi sado vjedhje e rëndë dhe korrupsion ashiqare të jetë me inceneratorët, Rama-Ahmetaj-Agaçi-Veliaj-Bllako (dhe gjithë 90% të mediave që blenë me paratë publike që përlanë) na garantuan se do vijojnë pagesat qindra miljona euroshe për inceneratorët! Meqë ra fjala, a di njeri nëse kuklla e Soros ka deklaruar ndonjë fjali të vetme për vjedhjen e 430 miljone € me këta që rregjistrojnë kompani guacka, fallsifikojne kinse eksperienca dhe blejnë heshtjen e 90% të mediave me paratë që vjedhin? Apo ç’e deshe?

“Fajin e ka Saliu!”

(P.S. Kjo është pamja nga kryeministria. A ka ndonje arkitekt që ti duket e bukur kjo pamje me arkitekturë sovjetike të kombinuar me utilitariste KÇK dhe utopistë/ufo majë saj? Po ndonjë psikiatër e shpjegon dot përveç nevojës për të përlarë para e asgjë tjetër?)”, shkruan Malltezi./CNA.al

Pas marrjes në pyetje në Prokurori, Lulzim Basha në një deklaratë për media, është shprehur se sot demokratët duhet të ishin në një betejë kundër regjimit të Edi Ramës.

Përsa i përket deklaratve se ai është shoqëruar nga mercenarë dhe grup kriminelësh në datën e 8 Janarit, Basha është shmangur duke thënë se këto janë gënjeshtra, duke shtuar se është i gatshëm të marrë çdo përgjegjësi.

“Jemi të vendosur që të mos lëshojmë pe dhe të mos pranojmë për asnjë çast që pakica 30 vjeçare e tranzicionit të b ëhet e përhershme por që shumica e shqiptarëve dhe dëshira për ndryshim të marrë formë përmes zgjedhjeve të lira. E sot,ja si 8 janari kanë hyrë në histori si ditë të dhimbshme për shqiptarët që duan institucione të pavarura , t’i japin fund dhunës, korrupsionit dhe rruag për ta bërë këtë është të qëndrojmë së bashku.

Pse e fortifikuat seliinë dhe a dhatë shpjegime për personat e supozuar të armatosur brenda selisë? Si do ta kërkoni vitën e demokratëve?

Unë jam i gatshëm të marr përgjegjësitë që më takojnë dhe fjalët të përkthehen në vepra.  Valltarët e tranzicionit duan ta shkatërrojnë Partinë Demokratike që është një pengesë për ta.  Është një mison siç nuk mund të braktis fëmijët e mi, nënën time. Historian a ka vendosur në ballë të kësaj beteje. E di që shumica e shqiptarëve e duan ndryshimin. Nuk preferoj të kalojmë në metafora të tilla. PD ishte e përgatitur për çdo skenar dhe kishim një qëllimi, të shmangnim gjakderdhjen me 8 janar.Nuk kërkon prova për të rrëzuar gënjeshtrën. Gënjeshtrat e Sali Berishës kanë vazhduar me 9 shtator”, është shprehur Basha./ CNA.al