Connect with Us

Pas hetimit nga SPAK/ Prokurori i drogës vihet në lëvizje

Aktualitet

Pas hetimit nga SPAK/ Prokurori i drogës vihet në lëvizje

Publikuar

-

/
cna aktualitet

Në muajin Korrik të vitit të kaluar, KLP me 10 vota pro vendosi për pezullimin e prokurorit Maksim Sota pasi ishte nën arrest shtëpie,e  vendosur nga Gjykata e Posaçme Kundër Korrupsionit dhe Krimit të Organizuar.

KLP në mbledhjen e sotme ka marrë vendimin për të pranuar dorëheqjen e Prokurorit Maksim Sota, e cila do të japë efekt me datë 31.01 2022.

Bazuar në kërkesën për dorëheqje nga detyra të z. Maksim Sota, prokuror në Prokurorinë pranë Gjykatës së Shkallës së Parë Vlorë, paraqitur pranë KLP më datë 13.12.2021, Këshilli vendosi deklarimin e mbarimit të statusit të magjistratit për shkak dorëheqjeje. Dorëheqja jep efekt më datë 31.01.2022”, thuhet në njoftim.

LEXO EDHE:  “Bie” Arta Marku?/ Zbulohet emri i zëvendësit të saj

Kujtojmë se Maksim Sota u arrestua në kuadër të Operacionit “Shpirti”. Ai akuzohet për shpërdorim detyre dhe trafik droge.

Prokurori i Vlorës, dështoi në tentativën e tij për të ndryshuar masën në arrest shtëpie në Apelin  E GJKKO-së. Sota kërkoi  Sota ka kërkuar zëvendësim mase me pretendimin se ka problem  arsye shëndetësore. Por, është lënë në arrest shtëpie nga shkalla e parë e GJKKO-së, vendim i cili u la sot në fuqi nga Apeli i të njëjtës Gjykatë./ CNA.al

 

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

“Do sjellim autobus lëvizës për Operan dhe Teatrin”/ Rama prezanton nismën ‘Micro Folie’

Publikuar

-

Nga

Kryeministri Edi Rama së bashku me kryetarin e Bashkisë së Tiranës, Erion Veliaj, kanë përuruar hapësirën më të re të industrisë kreative, “Micro Folie”, në kryeqytet, e cila synon të afrojë më shumë të rinjtë dhe fëmijët me teknologjinë dhe artin.

Sipas Ramës, ky projekt, dedikuar industrisë kreative është krijuar në Francë por tashmë do të hap siparin në Tiranë si Kryeqyteti Europian i Rinisë.

“Më vjen jashtëzakonisht mirë që u arrit të hapet tamam në fillim të këtij vitit që është viti i Tiranës, “Kryeqyteti i Rinisë” e që është viti të cilin ne duam t’ia dedikojmë në tërësi rinisë dhe fëmijëve. Kjo strukturë e cila vjen nga Franca ka pasur një sukses të jashtëzakonshëm në Francë duke ju krijuar mundësi të gjithë fëmijëve dhe më të rinjve që të mund të vizitojnë kryeveprat e artit botëror dhe kryeveprat e artit që gjenden në muzeumet e Francës, përmes një vizite dixhitale e cila sjell tek fëmijët, sjell tek më të rinjtë ato të cilat jo të gjithë kanë mundësi të shkojnë t’i vizitojnë edhe në Francë e jo më ne që jemi larg që aty, por kjo është e para.

Ne do të krijojmë një zinxhir hapësirash, strukturash të tilla ku siç e shikoni përzihet bashkë me mundësinë e vizitës digjitale, në korridoret më të magjishme të artit edhe mundësia për të bashkëvepruar për gjithë këto mikroaktivitete që gjenden në të gjithë këndet e kësaj strukture dhe që krijon e tëra një mundësi të re shoqërizimi, një mundësi të re ndërveprimi për fëmijët dhe për më të rinjtë.



Ne po punojmë që paralelisht me strukturat e “micro folive” të sjellim dhe një risi tjetër me Ministrinë e Lulturës, që është risia e një autobusi të madh lëvizës për spektakle në komunitete, një autobus i madh lëvizës që çon në komunitete operan, që çon në komunitete muzikën, teatrin, veprat, duke i bërë ato më të aksesueshme por dhe më të afërta me njerëzit në komunitet. Së shpejti do të sjellim autobusin e parë, por jo të vetmin dhe me “micro folitë” nga njëra anë e me autobusët e spektakleve besoj që do t’i japim një shtysë gjallërie hapësirës mes fundit të mësimit dhe vajtjes në shtëpi, hapësirës së kohës së lirë, që kemi vendosur që të bëjmë çmos që ta mbushim me sa më shumë aktivitete e me sa më shumë mundësi për fëmijët dhe për më të rinjtë.

Për ata që na ndjekin, “micro folia” e parë është këtu në parkun e Kryeministrisë, mbrapa godinës së Kryeministrisë. Jam i bindur që do ketë shumë kërkesa sepse kështu ka ndodhur dhe në Francë dhe siç e tha Erioni, do bëhet e gjitha e organizuar me rezervime në mënyrë që të jetë sa më e bukur dhe sa më e jetueshme në momentin kur vijnë fëmijët dhe të mos bëhet një rrëmujë e atillë që pastaj askush të mund të mos bëj dot asnjë aktivitet dhe ndërkohë tu jepet mundësia sa më shumë fëmijëve që ta vizitojnë dhe pse jo edhe të rikthehen pasi ta kenë vizituar.

Faleminderit për organizmin dhe për vënien në lëvizje pa humbur kohë të kësaj nisme dhe ka shumë besim që më shpejt se sa vonë, do shikojmë dhe “micro folinë” e dytë, të tretën e kështu me radhë edhe në pjesë të tjera të Tiranës por dhe në qytete të tjera të Shqipërisë”, tha Rama./CNA.al

LEXO TE PLOTE

Aktualitet

Emërohet prokurorja e Apelit në Korçë/ Zbulohet emri

Publikuar

-

Nga

Këshilli i Lartë i Prokurorisë ka marrë vendimin që Irena Çunoti të emërohet prokurore e përkohshme në Prokurorinë pranë Gjykatës së Apelit Korçë.

Ky vendim është marrë gjatë mbledhjes së sotme, ndërsa në një njoftim për media, KLP bën me dije se Çunoti do të jetë në këtë detyrë nga data 20 janar deri në 19 prill.

Këshilli i Lartë i Prokurorisë zhvilloi sot, më 14.01.2022, mbledhjen plenare të radhës në praninë e të gjithë anëtarëve.



Me votë unanime, Këshilli vendosi caktimin e përkohshëm të znj. Irena Çunoti, prokurore në Prokurorinë pranë Gjykatës së Shkallës së Parë Korçë, në Prokurorinë pranë Gjykatës së Apelit Korçë, për periudhën nga 20.01.2022 – 19.04.2022.

Këshilli vijoi me vendimin për miratimin e raportit për analizimin e aftësive profesionale të subjektit të rivlerësimit, znj. Vitjuna Mata, prokurore në Prokurorinë pranë Gjykatës së Shkallës së Parë Vlorë, e cila aktualisht është e komanduar pranë Këshillit të Lartë të Prokurorisë. Një kopje e këtij Raporti i dërgohet Komisionit të Pavarur të Kualifikimit dhe Operacionit Ndërkombëtar të Monitorimit”, thuhet në njoftim./CNA.al

LEXO TE PLOTE

Aktualitet

Vala e Omicron, Manastirliu pret homologun nga Kosova: Forcojmë survejancën ndërkufitare

Publikuar

-

Nga

cna shendet aktualitet

Ministrja e Shëndetësisë dhe Mbrojtjes Sociale, Ogerta Manastirliu, ka pritur ditën e sotme Ministrin e Shëndetësisë së Republikës së Kosovës, dr. Rifat Latifi, në kuadër të forcimit të bashkëpumimit në fushën e shëndetit publik, të shkëmbimit të stafeve mjekësore dhe trajtimit të sëmundshmërisë, me synim rritjen e cilësisë së shërbimit shëndetësor në të dy anët e kufirit.

Në fjalën e saj, Ministrja Manastirliu ka ndarë disa nga pikat e bashkëpunimit, të cilat kanë nisur të implementohen, por që kërkohet intensifikimi i tyre i mëtejshëm.

Synojmë forcimin e kapaciteteve dhe shkëmbimin e eksperiencave të përbashkëta, përsa i përket dy Instituteve reciproke të Shëndetit Publik, të kontrolleve dhe inspektimeve në të dy anët e kufirit, për të garantuar që qytetarët, të cilët hyjnë në pikën kufitare, të jenë të gjithë të vaksinuar dhe të disponojnë ato masa të cilat janë të përcaktuara në rregulloret e të dy vendeve” tha Manastirliu.

Një tjetër pikë që Manastirliu e konsideroi me rëndësi gjatë bashkëbisedimit me homologun nga Kosova ishte bashkëpunimi në fushën e telemjekësisë.

Besoj se edhe në kuadër të shkëmbimit të informacioneve, në kuadër të rritjes së marrëdhënieve përsa i përket eskperiencave që lidhen me kërkimin klinik, projekteve të përbashkëta, artikujve të përbashkët për raste specifike, të vështira, duam t’i tregojmë jo vetëm brenda nesh, por edhe jashtë kufinjve tanë. Do të duhet që t’i përdorim këto instrumenta digjitalë që kemi në dorë për të mundësuar më shumë afërsi me njëri-tjetrin, më shumë shpejtësi informacioni dhe sigurisht një kanal informacioni i cili të siguron që çdo gjë që transmetohet të jetë e ruajtur, siç duhet dhe nga ana tjetër e çertifikuar me të gjitha parametrat”, tha Manastirliu.

Ministrja e Shëndetësisë Ogerta Manastirliu tha se do të forcohet bashkëpunimi mes dy shërbimeve të Neurologjisë së dy vendeve, duke çelur kështu një erë të re të krijimit të qendrave të përbashkëta të ekselencës, këtej dhe andej kufirit.

“Do të doja që të ndaja me ju një tjetër iniciativë në kuadër të bashkëpunimit dypalësh që ne do ta marrim shumë shpejt së bashku, që është pikërisht bashkëpunimi mes dy Klinikave Universitare të Neurokirurgjisë, si qendra ekselencë, për shërbime të nivelit të lartë”, bëri me dije Manastirliu.

LEXO EDHE:  “Arjan Ndoja zbardh përplasjet”/Arta Marku i tregon dhëmbët KLP-së

LEXO EDHE:  Votimi për KLGJ dhe KLP/ Kuvendi miraton projektligjet e rëndësishme



Një ndër pikat e diskutimit gjatë bashkëbisedimit mes dy ministrave të shëndetësisë së dy vendeve, ishte edhe krijimi i një instrumenti të ri, siç është auditimi klinik, që synon rritjen e cilësisë së shërbimit për qytetarët, përmes kontrollit të cilësisë.

Po ndërtojmë një instrument të rëndësishëm, instrumentin e auditimit klinik në Shqipëri. Ligji për shërbimet e kujdesit shëndetësor na përfshin në krijimin e këtij mekanizmi të ri të auditimit klinik. Ne jemi duke hapur një thirrje për profesionistët e shëndetësisë për të aplikuar, për t’u bërë auditues klinik dhe për të siguruar që protokollet mjekësore realizohen ashtu sikurse janë të miratuara dhe sigurisht me synimin e rritjes së cilësisë së shërbimit. Këtë thirrje publike ne do ta bëjmë gjithashtu edhe për Kosovën, për mjekët e Kosovës, pra shkon përtej kufijve duke ftuar edhe profesionistët në Kosovë, por gjithashtu edhe profesinistët në Tetovë të Maqedonisë së Veriut”, tha Manastirliu.

Ministri i Shëndetësisë së Kosovës, Dr. Rifat Latifi në fjalën e tij e vuri theksin tek unifikimi i protokolleve të përbashkëta shëndetësore dhe që bashkëpunimi të jetë në shumë nivele.

Bashkëpunimi mund të jetë në shumë nivele e një prej atyre është të kemi ligjet përkatëse përafrim ndaj BE, në fushën e Shëndetësisë; krijimin e qendrave ekselente klinike edhe shkencore, për të konkuruar për projekte të SHBA dhe BE bashkë; krijimi i një platforme të përbashkët për edukimin post-diplomik të mjekëve tanë. Edhe unë mendoj që na duhet një grup punues që mban dhe përcjell të gjithë këto pika”, tha Latifi.

Takimi mes dy delegacioneve të Ministrive të Shëndetësisë së Shqipërisë dhe Kosovës vjen në kuadër të implementimit të marrëveshjes së përbashkët mes dy vendeve, që synon thellimin e bashkëpunimit në fushën e shëndetësisë.

Gjatë vizitës në Tiranë, Ministri i Shëndetësisë i Republikës së Kosovës Rifat Latifi ka vizituar edhe  Spitalin e Ri Pediatrik të QSUT-së si dhe Qendrën e Telemjekësisë, ku së bashku me Ministren Manastirliu theksuan nevojën e forcimit të shkëmbimit digjital, për të maksimalizuar burimet dhe për të rritur cilësinë e shërbimit mjekësor për qytetarët./ CNA.al

LEXO TE PLOTE