Connect with Us

Nis shtrimi i fushës, Partizani për pak ditë bëhet me shtëpi të re

Sport

Nis shtrimi i fushës, Partizani për pak ditë bëhet me shtëpi të re

Publikuar

-

/

Prej vitesh Partizani është në pritje të ndërtimit të “shtëpisë” së re dhe duket se më në fund skuadra do të mund të vrapojë e të gjuajë topin në kompleksin e ri privat të klubit në zonën e Tufinës. Burime brenda klubit të kuq bëjnë me dije se aktualisht është drejt fundit procesi i shtrimit të fushës dhe në harkun e disa ditëve, të ndihmuar edhe nga moti me diell që pritet në vijim, lojtarët do të nisin stërvitjen në kompleksin e ri. Aktualisht po punohet vetëm me fushën e stadiumit, e cila aktualisht do të jetë e gatshme vetëm për stërvitje dhe jo për ndeshje, siç është parashikuar të përdoret ky impiant.

Ky është pa dyshim një lajm shumë i mirë për të kuqtë, të cilët prej disa vitesh stërviten në fusha private, që kanë qenë me bar artificial. Kjo ndikon drejtpërdrejt në paraqitjen e ekipit në fushën e lojës, por pa dyshim ky faktor është edhe një nga shkaqet e dëmtimeve të shumta që skuadra ka pasur këtë sezon. Fusha e impiantit të ri është hibride, e përbërë me përqindjen më të madhe nga bari natyral, i ndërthurur me atë artificial. Në vijim do të nisë edhe funksionimi i ambienteve të tjera të kompleksit.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

BundesLiga

COVID-19 lë me pasoja serioze mbrojtësin e Bayernit

Publikuar

-

Mbrojtësi i Bajernit të Mynihut, Alfonso Dejvis, është diagnostikuar me miokardit të lehtë pasi u shërua nga COVID-19. Kanadezi nuk do të bashkohet me ekipin e parë për një periudhë të pacaktuar. Bajerni i Mynihut ka zbuluar ditën e sotme se 21-vjeçarit i janë shfaqur shenja të inflamacionit të muskujve të zemrës. Kanadezi sapo u rikuperua nga COVID-19 dhe duket se kjo i ka lënë pasoja mbrojtësit.



“Gjatë një ekzaminimi që ne bëjmë me çdo lojtar që ka qenë i infektuar, zbuluam shenja të miokardit të butë te Dejvis. Ai ka ndërprerë stërvitjen për tani dhe nuk do të jetë pjesë e ekipit për javët e ardhshme. Ky miokardit nuk është dramatik, por janë thjesht shenja të një inflamacioni. Gjithsesi ai duhet të shërohet dhe kjo do të marrë pak kohë” u shpreh trajneri i Bajern, Julian Nagelsman, në një intervistë për shtyp.

LEXO TE PLOTE

Sport

Skënderbeu prezanton blerjen e re, Alin: Ja pse zgjodha Skënderbeun

Publikuar

-

Skënderbeu prezantoi blerjen më të re nga Shkupi. Klubi afroi Ramin Aliin për të përforcuar organikën për pjesën e mbetur të sezonit. Në një konferencë për shtyp mesfushori u shpreh i lumtur për këtë lëvizje si dhe tregoi arsyen përse iu bashku korçarëve.

Karrriera

“Kam qenë tek të rinjtë e Shkëndijës dhe pastaj tek klubi i Shkupit, ku kam luajtur disa ndeshje. Firmosja me Skënderbeun mendoj se është një hap i mirë për të ardhmen time. Shpresoj të eci mirë.”

Kontrata

“Kam firmosur një kontratë dy vjeçare dhe të shohim pastaj.”



Pozicioni në fushë

“Luaj mesfushor me këmbën e majtën në të gjithë pozicionet e mesfushës. Për ndeshjen e nesërme vendos trajneri.”

Përse Skënderbeun?

“Projekti dhe fakti që luajnë lojtarë të rinj. Mendoj se mund të bëj diçka këtu. Këtu gjej Bekim Rexhepin dhe Leart Sadriun. Të dy kanë luajtur tek Shkëndija e Tetovës.”

LEXO TE PLOTE

Sport

Novak Xhokoviç rrezikon dënimin ekstrem në Australi

Publikuar

-

Tenisti serb, Novak Xhokoviç, nuk po gjen “paqe” në Australi. Pas refuzimit të vizës, tenisti tani rrezikon 3 vite për të mos shkelur më në atë shtet.

Ky është ligji që Ministri australian i Emigracionit motivoi duke thënë të veprohet në interesin publik për arsye shëndetësore. “Qeveria Morrison është e vendosur për të mbrojtur kufijtë e Australisë, veçanërisht në lidhje me pandeminë COVID-19” u shpreh ai.



Avokatët e Xhokoviç tani do të bëjnë një apel për sa i përket çështjes së vizës në Gjykatën Federale të Qarkut. Qëllimi është të merren dy urdhra. I pari është të shmang riatdhesimin. I dyti, më i ndërlikuar se i pari, është të urdhërojnë Ministrin e Emigracionit, t’i japë tenistit një vizë për të luajtur.

LEXO TE PLOTE