Kronika
Nga Amerika në Shqipëri me një pistoletë COLT me 125 fishekë/ Artan Hoxha zbardh itinerarin e Renato Hajmelit
Gazetari Artan Hoxha itinerarin e Renato Hajmelit, i cili është arrestuar së fundmi në Rinas pistoletë model COLT dhe 125 fishekë.
Ai ishte nisur sipas Hoxhës nga Teksas me 12 Janar në drejtim të Britanisë së Madhe dhe një ditë më pas ka flutuar drejt Tiranës.
Hoxha ngre pikëpyetje se si Hajmeli ka kaluar pistoletën në tre aroporte pa u vënë re.
Sipas gazetarit, edhe në Rinas, Hajmeli është ndalur rastësisht në vijën e dytë, pasi kishte marrë valixhen nga terminali i bagazheve dhe për pak metra do të largohej qetësisht nga aeroporti.
Zbardhja e ngjarjes nga gazetari Artan Hoxha,.
U nis nga Teksasi me pistoleten me te njohur ne bote, kapet rastesisht ne Rinas.
Renato Hajmeli, ishte nisur ne daten 12 janar nga Teksasi ne drejtim te Britanise se Madhe. Ka bere tranzitin ne Luton Airport te Londres dhe ne mengjesin e dates 13 janar, ka fluturuar drejt Tiranes.
Ne fakt duket e habiteshme sesi ka kaluar pa u zbuluar, kontrollin e aeroportit ne Teksas, pastaj ne Luton te Londres dhe ne fund ne Rinas.
Pistoleta e markes COLT, e kalibrit 45, bashke me 125 fisheket e saj, jane vendosur ne valixhe dhe kane kaluar ne bagazh te avionit qe ne Teksas.
Hajmeli e ka kaluar pa probleme ne te treja aeroportet, pistoleten dhe fisheket.
Ai u ndalua rastesisht ne vijen e dyte te kontrollit ne Rinas, pasi kishte marre valixhen nga terminali i bagazheve dhe per pak metra do te largohej qetesisht nga aeroporti.
Gjate kontrollit fizik te valixhes u zbulua pistoleta dhe fisheket.
Pistoleta COLT, e calibrit 45 mm, eshte arma e brezit legjende, qe nga viti 1911, kur u fut ne perdorim nga oficeret e Ushtrise Amerikane.
Edhe pse ka vetem 7 fisheke ne karikator, eshte nje pistolete e rende ne dore per shkak te permasave dhe materialit qe eshte ndertuar, pistoleta COLT mbetet pistoleta me nje preçizion perfekt, me e sigurt ne perdorim dhe me e mira arme e lehte per me shume se nje shekull.
Mesa duket keto parametra te armes legjende ne SHBA, e kane joshur Hajmelin te tentoje futjen e saj ne Shqiperi.
Renato Hajmeli ka lindur ne Tirane, ai zoteron edhe pasaporte italiane, nderkohe qe ka leje qendrimi ne Shtetet e Bashkuara…
Policia po heton mbi motivin, pse Hajmeli ka udhetuar i armatosur nga SHBA drejt Tiranes, dhe ku do ta dergonte pistoleten.
Policia e Shtetit deklaroi se:
Shërbimet e Policisë Kufitare të Rinasit, si rezultat i shtimit të kontrolleve, në hyrje dhe në dalje, më qëllim kapjen e personave në kërkim dhe të atyre që mbajnë sende të kundërligjshme me vete, kanë kaluar për kontroll më të imtësishëm, valixhen e 51 vjeçarit, i cili ishte nisur nga SHBA për në Shqipëri.
Gjate kontrollit ne valixhe, u gjeten nje pistolet model COLT dhe 125 fisheke.
Materialet i kaluan Prokurorisë së Rrethit Gjyqësor Tiranë, për veprat penale “Trafikimi i armëve dhe i municionit” dhe “Armëmbatja pa leje”.
Ne foton e pare, pistoleta model COLT dhe 125 fisheket e kapur ne Rinas.
Ne fotot, 2, 3 dhe 4, eshte 51 vjeçari Hajmeli
Kronika
“Fast & Furious” në Kamëz/ “Benzi” me targa të vjedhura le me “gisht në gojë” policinë
Policia është alarmuar gjatë orëve të vona të natës nga një makinë tip “Benz”, në të cilin udhëtonin dy persona.
Sipas Abcnews, makina në fjalë është pikasur nga një patrullë policie në zonën e Qafës së Kasharit në Tiranë, ndërsa më pas është larguar me shpejtësi në drejtim të Kamzës dhe më pas në drejtim të Fushë Krujës.
Pasi kanë konstatuar shpejtësinë e mjetit, policia raportohet se është vënë në ndjekje të “Benzit”.
Duke mos mundur ta ndalojnë, policia ka bërë një kontroll të targave që më pas rezultuan të vjedhura dhe të denoncuar. Ndjekja mësohet se ka vijuar për disa kilometra por më pas dy të rinjtë me “benz”, kanë mundur të shpëtojnë në zonën e Fushë Krujës.
Policia ka dyshime se mund të kenë pasur qëllim përdorimin e tyre në ndonjë ngjarje kriminale.
Kujtojmë se në Shqipëri, skema të tilla me targa të vjedhura janë të përsëritura. Kriminelët përdorim makina po ashtu të vjedhura, më pas vendosin targat e vjedhura nga automjete të tjera dhe kryejnë ekzekutimet. Pas krimit arratisen, i vendosin flakën makinës së përdorur dhe kështu zhdukin çdo gjurmë, duke e bërë thuajse të pamundur gjetjen e tyre.
Kronika
Kontrabandonin naftë/ Prangosen tre persona
Tre persona në Dibër janë arrestuar pasi tregtonin naftë kontrabandë dhe furnizonin automjetet e transportit të udhëtarëve, duke shmangur detyrimet doganore, vihen në pranga 3 shtetas.
Nga operacioni policor i koduar “Evazioni”, kanë rënë në pranga shtetasi A. C., 54 vjeç, banues në Njësia Administrative Kostriot, Bashkia Dibër, administrator i një subjekti privat, me fushë të veprimtarisë në transport udhëtarësh, I.M., 36 vjeç, banues në Njësia Administrative Kastriot, Bashkia Dibër, menaxher i subjektit dhe A.L., 32 vjeç, banues në Peshkopi, Bashkia Dibër, me punë shofer në subjektin privat.
Nga veprimet hetimore të kryera ka rezultuar se këta shtetas kishin instaluar dy serbatorë për naftë në një automjet në përdorim të këtij subjekti dhe në mënyrë të vazhdueshme e sistematike merrnin lëndë djegëse (gazoil), në Dibër të Madhe dhe më pas e depozitonin në një depozitë nafte në afërsi të ambienteve tregtare të subjektit të tyre.
Ky subjekt duke qënë se disponon mjete të transportit të udhëtarëve nëpërmjet kësaj skeme dyshohet se kryenin kontrabandë me mallra për të cilat paguhet akcizë dhe evazion fiskal duke shmangur detyrimet doganore të hidrokarbureve nga pika e kalimit kufitar Bllatë ku më pas u furnizonin mjetet e transportit.
Si rezultat i veprimeve hetimore si dhe gjatë kontrollit të ushtruar në ambientet e magazinës së këtij subjekti u gjet një depozitë e mbushur me lëndë djegëse (gazoil) në sasinë rreth 800 litra e dyshuar se është grumbulluar nga veprimtaria kriminale e kontrabandës së kryer nga personat e mësipërm./CNA.al
Kronika
Trafikonin emigrantët/ 51 vjeçari dhe bashkëpunëtorja e tij kapen mat në Paskuqan
Specialistët e Seksionit për Hetimin e Trafiqeve të Paligjshme në DVP Tiranë, në bashkëpunim me Komisariatin e Policisë Nr. 5, në bazë të informacioneve të siguruara në rrugë operative se disa shtetas, në bashkëpunim me njëri-tjetrin, transportonin emigrantë të paligjshëm, nga Tirana në drejtim të Kukësit, me qëllim kalimin në vendet fqinje, me destinacion final vendet e BE-së, organizuan dhe finalizuan operacionin “Midnight”, për goditjen e kësaj veprimtarie kriminale.
Në kuadër të këtij operacioni u bë arrestimi në flagrancë i shtetasit I. M., 51 vjeç, banues në Babrru, Tiranë, dhe u procedua penalisht bashkëpunëtorja e tij, shtetasja I. N., 35 vjeçe, për veprën penale “Ndihma për kalim të paligjshëm të kufijve”, kryer në bashkëpunim.
Shtetasi I. M. është kapur nga shërbimet e Policisë, në mesnatë, në zonën e Paskuqanit, duke transportuar 2 emigrantë, të cilëve iu ishte premtuar kalimi drejt vendeve të BE-së, kundrejt shpërblimit monetar.
Në vijim të veprimeve u proceduan penalisht dhe 2 shtetasit e huaj, për veprën penale “Kalim i paligjshëm i kufirit shtetëror”. Po punohet për dokumentimin e plotë të kësaj veprimtarie kriminale dhe identifikimin e personave të tjerë të implikuar në të./CNA.al
