Politikë
Gati tre orë para prokurorëve/ Gazment Bardhi “rrëfen” dhunën në organin e akuzës
Gazment Bardhi ka qëndruar rreth tre orë në Prokurorinë e Tiranës, duke iu përgjigjur pyetjeve të prokurorëve për dhunën në protestën e 8 Janarit.
Bardhi është proceduar penalisht nga prokuroria për veprat penale “Shkelja e rregullave mbi lëndët plasëse dhe djegëse dhe radioaktive” dhe “Stërvitja për prodhimin dhe përdorimin e paligjshëm të armëve e lëndëve të tjera të rrezikshme”.
Për mediat, pas dëshmisë, Bardhi ka thënë se i jam përgjigjur Prokurorisë për çdo gjë që ajo ka pyetur dhe kërkuar.
“Sot jam përgjigjur dhe kam dhënë përgjigje për çdo çështje të kërkuar nga prokuroria, duke nisur me momentin kur protestuesit mësyjnë PD, kontaktet që kam pasur me policinë dhe çfarë ka ndodhur në katin e dytë të selisë së PD. Kam kërkuar dhe vijoj të kërkoj zbardhjen e plotë të cështjes dhe vënien para drejtësisë të autorëve. Një grusht njerëzish me në krye Sali Berishën sulmuan selinë e tyre. Autorët as nuk fshihen, as nuk skuqen, as nuk zverdhen. Sali Berisha ka marrë përgjegjësinë e një akti të dhunshëm ndaj PD. Pres nga prokuroria pa asnjë hezitim të vendosë para përgjegjësisë penale autorët e atij krimi të paprecedentë”, ka thënë Bardhi për mediat/CNA.al
Politikë
Prokuroria i prish gjumin Bashës/ Rreth dy orë me vonesë shkon të dëshmojë dhunën ndaj demokratëve
Lulzim Basha ka shkuar rreth dy orë me vonesë në Prokurorinë e Tiranës për të dëshmuar mbi dhunën në protestën e 8 Janarit.
Basha ishte thirrur nga organi i zkuës në orën 12.00 por ai i është drejtuar Prokurorisë rreth orës 12.45.
Duje tentuar të hiqej i qetë para kamerave dhe me një buzëqeshje mashtruese, vesh më vesh, ka hyrë në oborrin e prokurorisë.
Prokuroria nuk e di se Basha nuk zgjohet dot herët që e thërret në 12. Duhet ta kishin menduar paraprakisht këtë gjë. Basha vijon, luftën, betejat dhe nuk duhet të zgjohet herët./CNA.al
Politikë
“Inceneratorët blenë dhe analistët”/ Meta “fsheh” emrat
Presidenti Ilir Meta sot është kujtuar të reagojë edhe në lidhje me aferën e koncesionit të inceneratorëve.
Në një deklaratë për mediat nga Presidenca, Meta e cilësoi koncesionin e inceneratorëve si aferë, në kurriz të taksapaguesve.
Sipas tij me këto para janë paguar edhe analistë.
“Inceneratorët, është denoncuar dhe më para këtu. Po e shikoni vetë. Janë paratë e taksapaguesve. Janë paguar dhe analistë.”-tha Meta.
Por, presidenti nuk tha asnjë emër, se kush janë këta analistë që paguhen nga afera korruptive./CNA.al
Politikë
“Situata në PD, alarmante”/ Meta zbulon mesazhet me deputetin demokrat
Presidenti Ilir Meta, e ka cilesuar alarmante situaten ne PD.
Ne një deklaratë për mediat, ka treguar bisedën që ka bërë me deputetin Belind Këlliçi ditën e protestës së Sali Berishës në Selinë e PD.
Ai tregon si e ka këshilluar Këlliçin për të mos rënë ‘pre e provokimeve’.
“Jam i shqetësuar për përshkallëzimin e panevojshëm brenda partisë më të madhe opozitare që duhet ët ketë vetëm një zgjidhje, votën e lirë dhe respektimin e votës së shumicës. Përdorimi i forcës është i papranueshëm dhe i dënueshëm. Akuzat për infiltrimin e qëllimshëm për persona me precedent kriminal brenda godinës së PD, janë alarmante. E papranueshme të mohohet çdo mekanizëm demokratik zgjidhje, duke nxitur revoltën. Përdorimi i dhunës nuk duhet të jetë mekanizmi që të legjitimojë marrjen e pushtetit, është po ka i dënueshëm përdorimi i dhunës për mbajtjen e pushtetit apo godinës. Mjetet fizike dhe policeske nuk duhet të jetë zgjidhja. Zhvillimet e 8 janarit sollën edhe ndonjë shembull pozitiv që bën thirrje për reflektim si dorëheqja e rojës së selisë së PD për të mos qenë dëshmitar i dhunës. Uroj që të gjithë të ngrihen në nivelin e përgjegjshmërisë së tij.
I kërkoj Belindit falje, kur kam parë makinat tek oborri e vlerësova si moment provokativ që mund të bënin edhe ndonjë akt dhune, e mora s’ma hapi. Më mori më pas më tha sa mbarova mbledhje me të rinjtë, i thash të mos preket asnjë makinë në oborr se është provokim, ‘po po s’bëhet fjalë më tha’. Tani në 11.10, 20 minuta para se të hapej dera atje, i them: ‘mos humbni kontrollin’ paqësor të protestës’- ‘po me thotë’. Presidenti nuk bën lojëra të dyfishta, as të trefishta. Dhuna ka qenë nga të dyja anët”, tha Meta./CNA.al
