Aktualitet
FNSH dhe “Shqiponjat” zbarkojnë në jug të vendit/ Kapet një i ri, çfarë iu gjet gjatë kontrollit
FNSH dhe Shqiponjat kanë zbarkuar mbrëmjen e sotme në qytetin e Sarandës, ku kanë ngritur disa postoblloqe në hyrje dhe dalje të qytetit.
Aksioni në fjalë ka nisur që prej mesditës së sotme, ndërsa vijon ende.
Nga ajo që raportohet në media, bëhet me dije se nga kontrolli i ushtuar nga forcat Shqiponja dhe FNSH në vendin e quajtur Ura e Kranesë u kap një i ri nga Gjirokastra. Këtij të fundit iu gjetën disa doza me lëndë narkotike.
Postblloqet vazhdojnë për kapjen e personave të armatosur, apo në kërkim./CNA.al
Politikë
Kriza në PD/ Minarolli: Zgjedhje në degë, kryetari pas 22 marsit
As me vendimet e Kuvendit të 11 dhjetorit dhe referendumin e shkarkimit e as me protestën e 8 janarit Lulzim Bashën nuk e larguan nga zyra. Por Komisioni i Rithemelimit i Partisë Demokratike thotë se protesta ishte vetëm hapi i parë për të marrë selinë.
Ervin Minarolli tregoi se ka nisur puna për riorganizimin e strukturave të partisë në çdo qelizë në mënyrë që të gjithë vendimet e Kuvendit të përmbyllen deri më 22 mars.
“Ne nuk jemi një parti e re, ne e kemi eksperiencën, kemi ngritur grupe pune. Janë po ato grupe që mblodhën firmat për të krijuar strukturat e reja”, tha Minarolli për A2CNN.
Në respekt të statutit të miratuar në kuvendin e 11 dhjetorit, Minarolli shpjegoi edhe mënyrën e zgjedhjes së strukturave të reja, si dhe rikonfigurimin e ri të Kuvendit Kombëtar të partisë.
“Është futur parimi 1 anëtar, 1 votë për drejtuesit e degëve. Delegatët e Kuvendit do të zgjidhen nga kuvendit i degës dhe nga 7 mijë anëtarë, do të kemi kuvendin me 1000 e ca delegatë.
Me bindjen se shumica është në anën e tyre, mohoi që krijimi i një partie të re nga mbështetësit e Sali Berishës të jetë opsion.
“Do të kishim frikë nga ndarja nëse forcat dhe bazat do të ishin të barabarta, por baza është dukshëm në favorin tonë”.
Pas Kuvendit të 22 marsit, rithemeluesit i hapin rrugë garës për kryetarin e ri të partisë.
Aktualitet
Stërvitja e NATO në Adriatik/ Peleshi nxjerr pamjet
Ministri i Mbrojtjes Niko Peleshi ka nxjerrë pamje nga stërvitja në ujërat territoriale shqiptare në aeroplanmbajtësen amerikane “Harry S. Truman”.
Peleshi shkruan se në stërvitjen e NATO-s në detin Adriatik po marrin pjesë edhe forcat tona detare.
“Nga stërvitja e sotme e NATOS në detin Adriatik ku marrin pjesë edhe Forcat tona Detare. Kaluam disa orë me partnerët tanë të çmuar amerikanë në aeroplanmbajtësen amerikane “Harry S. Truman”.
Krenarë për aleancën tonë në NATO dhe partneritetin strategjik me SHBA. NATO. USA”, ka shkruar ai./CNA.al
Aktualitet
Certifikata e fiskalizimit gjenerohet për 60 minuta në e-Albania
Nga janari i këtij viti, bizneset që do të paguajnë online, me kartë debiti ose krediti për marrjen e shërbimit, do të pajisen me certifikatën elektronike të fizkalizimit brenda 60 minutave.
Para se e-Albania të ofronte këtë shërbim bizneset duhet të prisnin për t’u pajisur me certifikatën.
Kjo procedurë do të jetë lehtësuese vetëm nëse pagesa bëhet online. Bizneset që gjatë aplikimit për certifikatë elektronike zgjedhin opsionin e pagesës nëpërmjet shkarkimit të mandat pagesës, për të vijuar fizikisht në bankë, nuk mund të përfitojnë.
“Ndërkohë që për pagesat online me anë të kartës, sistemi kryen automatikisht trajtimin e kërkesës dhe gjenerimin e certifikatës,” – thuhej në njoftimin e e-Albania./euronews
