Connect with Us

Emërohet prokurorja e Apelit në Korçë/ Zbulohet emri

Aktualitet

Emërohet prokurorja e Apelit në Korçë/ Zbulohet emri

Publikuar

-

/

Këshilli i Lartë i Prokurorisë ka marrë vendimin që Irena Çunoti të emërohet prokurore e përkohshme në Prokurorinë pranë Gjykatës së Apelit Korçë.

Ky vendim është marrë gjatë mbledhjes së sotme, ndërsa në një njoftim për media, KLP bën me dije se Çunoti do të jetë në këtë detyrë nga data 20 janar deri në 19 prill.

Këshilli i Lartë i Prokurorisë zhvilloi sot, më 14.01.2022, mbledhjen plenare të radhës në praninë e të gjithë anëtarëve.

Me votë unanime, Këshilli vendosi caktimin e përkohshëm të znj. Irena Çunoti, prokurore në Prokurorinë pranë Gjykatës së Shkallës së Parë Korçë, në Prokurorinë pranë Gjykatës së Apelit Korçë, për periudhën nga 20.01.2022 – 19.04.2022.

Këshilli vijoi me vendimin për miratimin e raportit për analizimin e aftësive profesionale të subjektit të rivlerësimit, znj. Vitjuna Mata, prokurore në Prokurorinë pranë Gjykatës së Shkallës së Parë Vlorë, e cila aktualisht është e komanduar pranë Këshillit të Lartë të Prokurorisë. Një kopje e këtij Raporti i dërgohet Komisionit të Pavarur të Kualifikimit dhe Operacionit Ndërkombëtar të Monitorimit”, thuhet në njoftim./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Aktualitet

Vala e Omicron, Manastirliu pret homologun nga Kosova: Forcojmë survejancën ndërkufitare

Publikuar

-

Nga

cna shendet aktualitet

Ministrja e Shëndetësisë dhe Mbrojtjes Sociale, Ogerta Manastirliu, ka pritur ditën e sotme Ministrin e Shëndetësisë së Republikës së Kosovës, dr. Rifat Latifi, në kuadër të forcimit të bashkëpumimit në fushën e shëndetit publik, të shkëmbimit të stafeve mjekësore dhe trajtimit të sëmundshmërisë, me synim rritjen e cilësisë së shërbimit shëndetësor në të dy anët e kufirit.

Në fjalën e saj, Ministrja Manastirliu ka ndarë disa nga pikat e bashkëpunimit, të cilat kanë nisur të implementohen, por që kërkohet intensifikimi i tyre i mëtejshëm.

Synojmë forcimin e kapaciteteve dhe shkëmbimin e eksperiencave të përbashkëta, përsa i përket dy Instituteve reciproke të Shëndetit Publik, të kontrolleve dhe inspektimeve në të dy anët e kufirit, për të garantuar që qytetarët, të cilët hyjnë në pikën kufitare, të jenë të gjithë të vaksinuar dhe të disponojnë ato masa të cilat janë të përcaktuara në rregulloret e të dy vendeve” tha Manastirliu.

Një tjetër pikë që Manastirliu e konsideroi me rëndësi gjatë bashkëbisedimit me homologun nga Kosova ishte bashkëpunimi në fushën e telemjekësisë.

Besoj se edhe në kuadër të shkëmbimit të informacioneve, në kuadër të rritjes së marrëdhënieve përsa i përket eskperiencave që lidhen me kërkimin klinik, projekteve të përbashkëta, artikujve të përbashkët për raste specifike, të vështira, duam t’i tregojmë jo vetëm brenda nesh, por edhe jashtë kufinjve tanë. Do të duhet që t’i përdorim këto instrumenta digjitalë që kemi në dorë për të mundësuar më shumë afërsi me njëri-tjetrin, më shumë shpejtësi informacioni dhe sigurisht një kanal informacioni i cili të siguron që çdo gjë që transmetohet të jetë e ruajtur, siç duhet dhe nga ana tjetër e çertifikuar me të gjitha parametrat”, tha Manastirliu.

Ministrja e Shëndetësisë Ogerta Manastirliu tha se do të forcohet bashkëpunimi mes dy shërbimeve të Neurologjisë së dy vendeve, duke çelur kështu një erë të re të krijimit të qendrave të përbashkëta të ekselencës, këtej dhe andej kufirit.

“Do të doja që të ndaja me ju një tjetër iniciativë në kuadër të bashkëpunimit dypalësh që ne do ta marrim shumë shpejt së bashku, që është pikërisht bashkëpunimi mes dy Klinikave Universitare të Neurokirurgjisë, si qendra ekselencë, për shërbime të nivelit të lartë”, bëri me dije Manastirliu.



Një ndër pikat e diskutimit gjatë bashkëbisedimit mes dy ministrave të shëndetësisë së dy vendeve, ishte edhe krijimi i një instrumenti të ri, siç është auditimi klinik, që synon rritjen e cilësisë së shërbimit për qytetarët, përmes kontrollit të cilësisë.

Po ndërtojmë një instrument të rëndësishëm, instrumentin e auditimit klinik në Shqipëri. Ligji për shërbimet e kujdesit shëndetësor na përfshin në krijimin e këtij mekanizmi të ri të auditimit klinik. Ne jemi duke hapur një thirrje për profesionistët e shëndetësisë për të aplikuar, për t’u bërë auditues klinik dhe për të siguruar që protokollet mjekësore realizohen ashtu sikurse janë të miratuara dhe sigurisht me synimin e rritjes së cilësisë së shërbimit. Këtë thirrje publike ne do ta bëjmë gjithashtu edhe për Kosovën, për mjekët e Kosovës, pra shkon përtej kufijve duke ftuar edhe profesionistët në Kosovë, por gjithashtu edhe profesinistët në Tetovë të Maqedonisë së Veriut”, tha Manastirliu.

Ministri i Shëndetësisë së Kosovës, Dr. Rifat Latifi në fjalën e tij e vuri theksin tek unifikimi i protokolleve të përbashkëta shëndetësore dhe që bashkëpunimi të jetë në shumë nivele.

Bashkëpunimi mund të jetë në shumë nivele e një prej atyre është të kemi ligjet përkatëse përafrim ndaj BE, në fushën e Shëndetësisë; krijimin e qendrave ekselente klinike edhe shkencore, për të konkuruar për projekte të SHBA dhe BE bashkë; krijimi i një platforme të përbashkët për edukimin post-diplomik të mjekëve tanë. Edhe unë mendoj që na duhet një grup punues që mban dhe përcjell të gjithë këto pika”, tha Latifi.

Takimi mes dy delegacioneve të Ministrive të Shëndetësisë së Shqipërisë dhe Kosovës vjen në kuadër të implementimit të marrëveshjes së përbashkët mes dy vendeve, që synon thellimin e bashkëpunimit në fushën e shëndetësisë.

Gjatë vizitës në Tiranë, Ministri i Shëndetësisë i Republikës së Kosovës Rifat Latifi ka vizituar edhe  Spitalin e Ri Pediatrik të QSUT-së si dhe Qendrën e Telemjekësisë, ku së bashku me Ministren Manastirliu theksuan nevojën e forcimit të shkëmbimit digjital, për të maksimalizuar burimet dhe për të rritur cilësinë e shërbimit mjekësor për qytetarët./ CNA.al

LEXO TE PLOTE

Politikë

“Po sakrifikohem për demokratët”/ Lazaj “shpërthen” ndaj Bashës: Ke 8 vjet po i përdor për përfitime financiare

Publikuar

-

Nga

cna lajme politike

Sekretarja e Burimeve Njerëzore në PD Minushe Lazaj ka reaguar ashpër ndaj deklaratës së kryetarit të shkarkuar Lulzim Basha, i cili pas dhënies së dëshmisë në prokurori u shpreh se po sakrifikohet duke qëndruar në krye të PD dhe këtë e bën për demokratët.

Por për Lazaj, Basha ka 8 vjet që demokratët i ka lënë rrugëve, duke theksuar se gjatë kësaj kohe i ka shfrytëzuar për përfitime financiare.

Në një postim në rrjetin social Facebook, ajo shkruan se Basha duhet të dëgjojë vullnetin e demokratëve që e shkarkuan dhe të largohet nga drejtimi i partisë.

Aman se na çudite fare tani!!!



Po sakrifikohem thotë!? Ky që ka 8 vjet që sakrifikon çdo demokrat, çdo mund, sakrificë e investim të tyre për interesat e tij kryesisht financiare. Ky që karrigen e kryetarit të opozitës e ka përdorur vetëm të ngrejë një perandori marramëndëse pasurie. Ky që i shfrytëzoi me çdo betejë të lënë në rrugë.

Nëse do të bësh diçka të vetme dhe reale për demokratët hiq dorë nga uzurpimi i karriges, i godinës se tyre qëndrore, liroi nga kriza që vet shkaktove duke hapur rrugën e zgjedhjeve dhe rithemelimit të PD.

Nëse do vërtet të bësh diçka për demokratët dëgjo zërin dhe verdiktin e tyre që të kanë shkarkuar me 44 mijë vota.

Këtë “sakrificë” bëj ti. Kaq”, shkruan ajo./CNA.al

LEXO TE PLOTE

Politikë

PD i përgjigjet Metës/ Po vepron njësoj si Rama, ndërhyn në punët e brendshme të partisë

Publikuar

-

Nga

cna news, cna lajme, lajme cna, lajme flash cna, cna.al, cna lajme politike,

Partia Demokratike u është përgjigjur deklaratave të presidentit Ilir Meta.

Në një reagim për media, PD thekson se Meta nuk e fshehu aleancën me Sali Berishën për të shkatërruar partinë.

Reagimi i PD:



Qëndrimi i sotëm i Ilir Metës, ku nuk fshehu aleancën me Sali Berishën kundër Partisë Demokratike dhe rolin e tij aktiv në sulmin ndaj selisë qendrore të Partisë Demokratike, është e vërteta tronditëse që po kuptojnë dita-ditës demokratët.

Sali Berisha dhe Ilir Meta janë në një aleancë për të shkatërruar Partinë Demokratike, vetëm për faktin se ajo nuk bëhet bunker ku strehohen ata që kanë halle personale. Partia Demokratike ripërsërit kërkesën që Ilir Meta dhe njerëzit e tij të qëndrojnë larg selisë së Partisë Demokratike. Koha kur PD përdorej si mburojë nga Ilir Meta ka përfunduar në 9 Shtator, kur PD u distancua nga Sali Berisha.

Ndërhyrja e Presidentit të Republikës, njëlloj si Edi Rama, në një debat të brendshëm në Partinë Demokratike, tregon atë që kemi thënë që në nisje, që trekëndëshin Berisha-Rama-Meta e bashkon një hall i madh, por që nuk është as halli i Partisë Demokratike dhe as halli i qytetarëve shqiptarë./CNA.al

LEXO TE PLOTE