Connect with Us

Edon Zhegrova transferohet te skuadra e madhe franceze

Sport

Edon Zhegrova transferohet te skuadra e madhe franceze

Publikuar

-

/

Edon Zhegrova i ka dhënë lamtumirën kampionatit zviceran të futbollit, duke bërë hapin e madh të karrierës. Sulmuesi i përfaqësueses së Kosovës, sot ka firmosur kontratën me skuadrën kampione në fuqi të Francës, Lilën, duke u bërë pjesë e ekipit që theu hegjemoninë e titujve të PSG-së.

Zhegrova kishte shkëlqyer me Bazelin në vitet e fundit dhe për të kishin shfaqur interes disa klube jashtë Zvicrës. Por ai ka pranuar menjëherë ofertën e Lilës, që ka krijuar emër në këto vite edhe në arenën ndërkombëtare dhe aktualisht është në garë në Ligën e Kampioneve, ku në fazën me eliminim direkt do të ndeshet me Çelsin.

“Një përforcim për të ardhmen”, e ka shpjeguar vetë klubi francez firmën deri në vitin 2026 me futbollistin e Kosovës, i cili pritet të jetë protagonist që në javët në vijim me klubin. “Jam krenar që jam këtu. Është një ditë e madhe për mua, një etapë e madhe në karrierën time, në një kampionat të madh, në një klub me lojtarë të mëdhenj falë të cilëve do të mund të bëj progres. Dëshiroja shumë të vija këtu, ndaj jam shumë i lumtur. Do të jap maksimumin tim për Lilën”, ishin fjalët e para të Zhegrovës si futbollisti më i ri i klubit francez.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Sport

“Kinezi” rikthehet te Skënderbeu pas 11 vitesh: Erdha në shtëpinë time

Publikuar

-

Skënderbeu ka përforcuar ekipin me lojtarë të rinj, por dhe me rikthime në ekip. Korçarët kanë prezantuar sot mbrojtësin Erlis Frashëri, i njohur nga tifozët korçarë si “kinezi”. 33 vjeçari në një konferencë për shtyp, u shpreh i lumtur për rikthimin tek Skënderbeu. Mbrojtësi u rikthye në Superiore pas aventurës që pati në Kosovë me Gjilanin.



“Rikthehem pas shumë vitesh tek Skënderbeu. Erdha tek shtëpia ime, tek qyteti im i dashur. Ne e dimë që Skënderbeu është një ekip i madh në Shqipëri, dhe erdha të jap ndihmën time që ekipi të jetë sa më lart. Kontrata ime është afatgjate dhe shpresoj të jap maksimumin tim. Që ditën e parë jam ambientuar shumë mirë me ekipin. Shikoj djem të rinj që luajnë me shpirt. Kam parë një staf shumë të përkushtuar bashkë me presidentin dhe shpresoj që ta arrijmë sa më lart. Nuk mund të them që Skënderbeu do të jetë për mbijetesë, sepse i dimë vlerat e ekipit dhe do të japim maksimumin që të mos rrezikojmë.”

LEXO TE PLOTE

Sport

Nis shtrimi i fushës, Partizani për pak ditë bëhet me shtëpi të re

Publikuar

-

Prej vitesh Partizani është në pritje të ndërtimit të “shtëpisë” së re dhe duket se më në fund skuadra do të mund të vrapojë e të gjuajë topin në kompleksin e ri privat të klubit në zonën e Tufinës. Burime brenda klubit të kuq bëjnë me dije se aktualisht është drejt fundit procesi i shtrimit të fushës dhe në harkun e disa ditëve, të ndihmuar edhe nga moti me diell që pritet në vijim, lojtarët do të nisin stërvitjen në kompleksin e ri. Aktualisht po punohet vetëm me fushën e stadiumit, e cila aktualisht do të jetë e gatshme vetëm për stërvitje dhe jo për ndeshje, siç është parashikuar të përdoret ky impiant.



Ky është pa dyshim një lajm shumë i mirë për të kuqtë, të cilët prej disa vitesh stërviten në fusha private, që kanë qenë me bar artificial. Kjo ndikon drejtpërdrejt në paraqitjen e ekipit në fushën e lojës, por pa dyshim ky faktor është edhe një nga shkaqet e dëmtimeve të shumta që skuadra ka pasur këtë sezon. Fusha e impiantit të ri është hibride, e përbërë me përqindjen më të madhe nga bari natyral, i ndërthurur me atë artificial. Në vijim do të nisë edhe funksionimi i ambienteve të tjera të kompleksit.

LEXO TE PLOTE

BundesLiga

COVID-19 lë me pasoja serioze mbrojtësin e Bayernit

Publikuar

-

Mbrojtësi i Bajernit të Mynihut, Alfonso Dejvis, është diagnostikuar me miokardit të lehtë pasi u shërua nga COVID-19. Kanadezi nuk do të bashkohet me ekipin e parë për një periudhë të pacaktuar. Bajerni i Mynihut ka zbuluar ditën e sotme se 21-vjeçarit i janë shfaqur shenja të inflamacionit të muskujve të zemrës. Kanadezi sapo u rikuperua nga COVID-19 dhe duket se kjo i ka lënë pasoja mbrojtësit.



“Gjatë një ekzaminimi që ne bëjmë me çdo lojtar që ka qenë i infektuar, zbuluam shenja të miokardit të butë te Dejvis. Ai ka ndërprerë stërvitjen për tani dhe nuk do të jetë pjesë e ekipit për javët e ardhshme. Ky miokardit nuk është dramatik, por janë thjesht shenja të një inflamacioni. Gjithsesi ai duhet të shërohet dhe kjo do të marrë pak kohë” u shpreh trajneri i Bajern, Julian Nagelsman, në një intervistë për shtyp.

LEXO TE PLOTE