Kronika
E fundit në Shkodër/ Lokali përfshihet nga flakët
Lokali “Bujtina” në fshatin Reç të Shkodrës është përfshirë nga flakët. Paraprakisht dyshohet se shkaku ka qenë një shkëndijë elektrike.
“Rreth orës 20:20, jemi njoftuar në sallën operative nga shtetasi Xh. M., se në lokalin e tij të quajtur “Bujtina” në fshatin Reç, Bashkia Malësi e Madhe, ka rënë zjarr. Paraprakisht dyshohet se shkaku ka qenë një shkëndijë elektrike. Grupi hetimor vijon punën për sqarimin e rrethanave të ngjarjes“, njofton policia./ CNA.al
Kronika
Motorristja merr përpara biçikletën/ I riu përfundon në spital
Një aksident ka ndodhur pasditen e sotme në qytetin e Elbasanit, motorri që krejtohej nga shtetasi I.E 32 vjeç ka marr përpara shtetasin K.S 33 vjeç.
Sipas policisë, ky i fundit ka marrë disa dëmtime, ndërsa është nisur në spital për të marrë ndihmën mjekësore, ku ndodhet jashtë rrezikut për jetën.
“Më datë 14.01.2022, rreth orës 19: 20, në lagjen Emin Matraxhiu, motomjeti me drejtues shtetasen I. E., 32 vjeçe, ka aksidentuar biçikletistin, shtetasin K. S., 33 vjeç.
Për pasojë është dëmtuar shtetasi K. S., i cili ndodhet jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të ngjarjes”, thuhet në njoftimin e policisë./CNA.al
Kronika
E rëndë në Tiranë/ I moshuri humb jetën në lokal, policia jep detaje
Një ngjarje e rëndë është regjistruar mbrëmjen e sotme në zonën e Freskut në Tiranë. Sipas policisë, një 70 vjeçar ka humbur jetën në një lokal. Uniformat blu bëjnë me dije se nuk janë konstatuar shenja dhune, ndërsa dyshohet se shkak ka qenë arresti kardiak.
“Tiranë/Informacion paraprak
Më datë 14.01.2022, te Fresku, në një lokal, ka ndërruar jetë shtetasi F. M., 70 vjeç.
Nga këqyrja paraprake nuk janë konstatuar shenja dhune dhe dyshohet se vdekja ka ardhur si pasojë e një arresti kardiak.
Grupi hetimor ndodhet në vendngjarje dhe po punon për sqarimin e rrethanava të ngjarjes”, thuhet në njoftim./CNA.al
Kronika
Aksioni “blic” i policisë/ Kapen persona me armë zjarri dhe kokainë
Policia e Shtetit ka kryer askione blic në shumë qytete të Shqipërisë, për kapjen e personave që qarkullojnë me armë pa leje dhe lëndë narkotike.
Gjatë aksionit është kapur 1 shtetas që qarkullonte me armë zjarri pistoletë, si dhe u vunë në pranga 2 shtetas që posedonin kokainë dhe kanabis. Gjithashtu u sekuestruan një shumë e madhe në euro që një shtetas i transportonte nga Tirana për në Shkodër.
Ndër të tjera janë kontrolluar 1872 automjete dhe 134 ambiente të ndryshme, pasi Policia dispononte informacione operative me risk. Janë shoqëruar për verifikim në ambientet e Komisariateve të Policisë në të gjithë vendin, 112 shtetas, ndër ta 32 persona me precedent penal/kriminal.
Njoftimi i Policisë
Kontrolle blic në të gjithë vendin, për kapjen e personave të kërkuar, atyre që qarkullojnë me armë zjarri pa leje apo me lëndë narkotike. Kontrollet nga shërbime operacionale civile dhe me uniformë. Gjatë kontrolleve u kapën dhe arrestuan 3 persona në kërkim për vepra të ndryshme penale.
U kap 1 shtetas që qarkullonte me armë zjarri pistoletë, si dhe u vunë në pranga 2 shtetas që posedonin kokainë dhe kanabis. Gjithashtu u sekuestruan një shumë e madhe në euro që një shtetas i transportonte nga Tirana për në Shkodër.
U kontrolluan 1872 automjete dhe 134 ambiente të ndryshme, pasi Policia dispononte informacione operative me risk. Janë shoqëruar për verifikim në ambientet e Komisariateve të Policisë në të gjithë vendin, 112 shtetas, ndër ta 32 persona me precedent penal/kriminal.
Gjatë kontrolleve në Fier, nga shërbimet e DVP Fier, në bashkëpunim me FNSH Fier, u kap dhe u arrestua shtetasi E. H., 28 vjeç, banues në Tiranë, pasi gjatë kontrollit të automjetit, në çantën e tij të krahut, Policia gjeti dhe sekuestroi një armë zjarri tip pistoletë dhe municion luftarak.
Në Shkodër, gjatë kontrollit të automjetit me drejtues shtetasin B. S., 22 vjeç, Policia gjeti dhe sekuestroi shumën 31200 euro. Këtë shumë eurosh, drejtuesi i mjetit deklaroi se e kishte sjellë nga Tirana, për llogari të një shtetasi në Shkodër. Vijon puna për kapjen dhe shoqërimin e tij.
Në Vlorë, nga shërbimet e DVP Vlorë, në bashkëpunim me FNSH u kontrolluan banesa të personave në kërkim, njëri nga të cilët u kap në Vlorë, konkretisht shtetasi P. N., me masë sigurie “Arrest në burg” për veprën penale “Kultivimi i bimëve narkotike”.
Nga Policia Kufitare në Qafë Botë, Sarandë, u kap shtetasi në kërkim M. S., banues në Dhërmi, Himarë, të cilit Gjykata i ka caktuar masën e sigurisë “Arrest në burg” për veprën penale “Falsifikimi i dokumenteve” kryer në bashkëpunim më shumë se një herë dhe “Falsifikimi i vulave dhe stampave” kryer në bashkëpunim më shumë se një herë. Ky shtetas ishte shpallur në kërkim gjatë operacionit policor të koduar “Himara”, pasi dyshohet se nëpërmjet falsifikimit të dokumenteve, vulave, stampave e formularëve, ka tjetërsuar dhe përfituar sipërfaqe të konsiderueshme toke, në bregdetin e Himarës dhe Dhërmiut, të cilën më pas e ka kaluar në pronësi të tij ose e ka shitur tek persona të tjerë.
Në Kukës u kap shtetasi A. D., 35 vjeç, banues në Shtiqen, i shpallur në kërkim për “Dhunë në familje”.Në Tiranë u kapën dhe u shoqëruan për veprime të mëtejshme, shtetasit D. S. dhe Sh. H., pasi u konstatuan me lëndë narkotike kokainë dhe cannabis sativa të ndarë në doza.
Njëkohësisht, në të gjithë vendin u bllokuan edhe 33 automjete pa dokumentacion dhe disa të shpallura alert.Kontrollet e befasishme me intervale të shkurtra kohore dhe në lëvizje do vijojnë në të gjithë vendin, edhe në ditët në vijim.
