Connect with Us

COVID-19 lë me pasoja serioze mbrojtësin e Bayernit

BundesLiga

COVID-19 lë me pasoja serioze mbrojtësin e Bayernit

Publikuar

-

/

Mbrojtësi i Bajernit të Mynihut, Alfonso Dejvis, është diagnostikuar me miokardit të lehtë pasi u shërua nga COVID-19. Kanadezi nuk do të bashkohet me ekipin e parë për një periudhë të pacaktuar. Bajerni i Mynihut ka zbuluar ditën e sotme se 21-vjeçarit i janë shfaqur shenja të inflamacionit të muskujve të zemrës. Kanadezi sapo u rikuperua nga COVID-19 dhe duket se kjo i ka lënë pasoja mbrojtësit.

“Gjatë një ekzaminimi që ne bëjmë me çdo lojtar që ka qenë i infektuar, zbuluam shenja të miokardit të butë te Dejvis. Ai ka ndërprerë stërvitjen për tani dhe nuk do të jetë pjesë e ekipit për javët e ardhshme. Ky miokardit nuk është dramatik, por janë thjesht shenja të një inflamacioni. Gjithsesi ai duhet të shërohet dhe kjo do të marrë pak kohë” u shpreh trajneri i Bajern, Julian Nagelsman, në një intervistë për shtyp.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

BundesLiga

Zbrazet infektivi në Mynih, tre lojtarët e Bajernit në stërvitje

Publikuar

-

Manuel Nojer zbriti dje në orën 12:55 në fushën stërvitore të kampionëve. Portieri gjerman u infektua me COVID gjatë kohës që ishte me pushime dhe u detyrua të qëndronte në karantinë në ishujt Maldive. Kapiteni u rikthye dhe pasi rezultoi negativ në testin e kryer, u stërvit me trajnerin e portierëve, Toni Tapaloviç.

Nojer pritet të jetë në fushë në fundjavë në ndeshjen e fundit. “Jam mirë, tani nuk dua të mungoj më asnjë minutë dhe të nis punën sa më shpejt. Humbjen ndaj Gladbahut e përjetova shumë keq. Nuk jam mësuar ta ndjek Bajernin nga televizori, për më tepër nga Maldivet.



Ishte një humbje që edhe mund të ishte evituar, por duke parë mungesat e shumta, nuk mund të fajësoj askënd”, tha kapiteni në fund të seancës stërvitore. Ndërkohë që në sfidën e radhës në kampionat trajneri Julian Nagelsman pritet të ketë në dispozicion dhe disa lojtarë të tjerë që kanë munguar për shkak të COVID-it.

Omar Riçards, Josip Stanisiç dhe Kingslei Koman kanë rezultuar negativ në tamponët e kryer dhe janë stërvitur së bashku me skuadrën. Nuk ka munguar dhe Korentin Toliso, i cili gjithashtu ka kryer një stërvitje të plotë me grupin. Ndërkohë që trajneri i Bajernit shpreson në një rikthim të Leroi Sanesë, i cili ende nuk ka përfunduar karantinën. Gjermani pritet të kryejë një tampon sot për të parë nëse është çliruar nga virusi.

LEXO TE PLOTE

BundesLiga

Bayerni përgatitet për një “mega transfer”, gati të zbarkojë Erling Haland

Publikuar

-

Në Mynih janë rikthyer sërish zërat për Erling Halandin. Ishte ish-drejtori sportiv i skuadrës së Bajernit, Mikael Reshke, ai që lëshoi bombën për sulmuesin norvegjez. Në një lidhje direkte për “Bild”, Reshke tha se kampionët në fuqi janë duke kursyer para për të bërë një superblerje në merkaton e verës.

“Gjërat duken në plan të parë sikur janë të qeta, por e vërteta është ndryshe, sa herë ka heshtje vjen një goditje e madhe. Tifozët bavarez duhet të durojnë dhe pak pasi në verë në skuadër do të afrohet një lojtar i madh. Një “mega transfer!”

Sigurisht që Reshke nuk përmendi emra, por të gjithë e dinë se për kë bëhet fjalë. Është pikërisht Erling Haland i zgjedhuri i drejtuesve bavarez për të ardhmen. Në garë për Halandin janë edhe Mançester Siti me Real Madridin.



“Kur bëhet fjalë për një transferim të tillë nuk mund të mendojmë për lojtarë si Rafinja apo Virc”, vazhdoi Reshke.

“Sigurisht që rroga e tij është e madhe dhe për një klub të pasur siç është Bajerni, por po flasim për një sulmues që garanton minimumi 20 gola në sezon. Nuk mendoj që Reali do të ketë mundësi për të transferuar Halandin dhe Mbapenë njëkohësisht, kjo është e pamundur financiarisht nga spanjollët dhe nga të gjitha klubet e tjera”.

LEXO TE PLOTE

BundesLiga

Myler: Gladbah mace e zezë për ne, ndeshja nuk duhet të luhej

Publikuar

-

Humbja me Gladbahun nuk ka kaluar pa pasoja te skuadra e Bajernit, e cila iu nënshtrua mungesave të 13 lojtarëve, shumë prej tyre titullarë. Mesfushori i kampionëve, Tomas Myler, e quajti të vështirë situatën që po kalon klubi i tij duke thënë se:

“Një 90 minutësh ku gjithçka ishte kundër nesh. Pjesa e parë ishte disi e çuditshme për nga mënyra se si shkuan gjërat. Mund të kishim shënuar 3-4 gola, por në fund e pamë veten në disavantazh. Mbrojtja ishte shumë pasive në aksionet e kundërshtarit, kjo dhe jo për faj të tyre. Kimish nuk ka luajtur kurrë në atë pozicion. Më pas humbëm shumë zotërimin e topit duke gabuar në pasime elementare. Nuk duhet të ndodhte kurrsesi”, tha Myler.



“Duket se nuk po arrijmë të fitojmë ndaj tyre (Gladbah). Është çështje psikologjike mendoj edhe pse në ndeshjen e fundit ishim të detyruar të përballeshim në kushte jo të barabarta. Na kanë penalizuar shumë mungesat,. Është e çuditshme që ka pasur kaq shumë raste duke parë që lojtarët i janë përmbajtur rregullave anti-COVID. Shpresoj që këto të jenë rastet e fundit. Detyra ime është të luaj futboll. Më thanë të zbres në fushë dhe atë bëra, por nuk mendoj që ishte normale që u luajt në kushte të tilla. Nuk i shërbeu askujt”, tha Myler.

LEXO TE PLOTE