Connect with Us

Stop denoncon si u manipuluan rezultatet e testimit për policët e rinj në Akademinë e Sigurisë

Denoncim

Stop denoncon si u manipuluan rezultatet e testimit për policët e rinj në Akademinë e Sigurisë

Publikuar

-

/
cna denoncim

Emisioni Stop në Tv Klan ka denoncuar manipulimin që u është pikëve të policëve të rinj për të kaluar testin gjatë Akademisë së Sigurisë.

Në Dhjetor 2021 Akademia e Sigurisë hapi konkursin për patrullë të përgjithshme, ku morën pjesë shumë të rinj. Në fund të kësaj procedure që përmbante testin me shkrim dhe testin fizik, u kualifikuan 443 policë të rinj.

Por shumë denoncime mbërritën në redaksinë e emisionit “Stop” për manipulim të rezultateve të testit me shkrim të konkursit.

Njëri nga konkurrentët e këtij testimi ka pranuar të flasë publikisht duke shprehur zhgënjimin për mënyrën e vlerësimit, por dhe ngre dyshime.

“Në datën 1 Dhjetor kemi kryer testimin me shkrim për patrullë të përgjithshme afër Pallatit të Kongreseve. Unë kam qenë grupi i dytë. Testimi çdo gjë normal, e kam kryer testimin brenda 1 orë e gjysmë, i kam kryer të gjitha dhe si përfundim prisja datën, i nxorrën për 24 orë. Shikoj dhe kisha marrë 49 pikë. S’di ku të ankohem se e kam për herë të tretë. Të rishikohet testimi se aty mund të jetë bërë çdo gjë. Unë nuk jam dakord me pikët, unë s’di ku të ankohem. Deri sa doli testimi fizik, aty e kam parë që çdo gjë ishte manipulim, duke filluar nga 0 pikë, nga 40 pikë. Vjen personi me 0 pikë që shkruan emër/mbiemër ose s’ka qenë fare prezent të marri 52 pikë, unë me 49 pikë të ngel. S’ka mundësi, është e padrejtë. Ta thonë troç, duam miqësi t’ju fusim polic. Unë drejtorit të përgjithshëm, Gledis Nanos, i kërkoj që të rishikohet testimi ose të ritestohen përsëri se është hera e tretë që aplikoj, është hera e tretë që ndihem i shtypur në këtë pozicion, unë e kam pasion punën e policisë”, tha ai.

LEXO EDHE:  “Largimi i shqiptarëve jashtë vendit/ Në shtatë vite u mbyllën 30 shkolla”

Emisioni Stop ka siguruar listat e testit me shkrim për policët e rinj, ku duket sesi u janë shtuar pikët disa prej kandidatëve për Akademinë e Sigurisë.

Konkretsht, Lierjo Seferi nga 48 pikë ka kaluar me 55 pikë. Kristi Çerçizaj nga 0 pikë i janë shtuar 52 pikë. Aleksi Brahja nga 43 pikë ka kaluar me 57 pikë dhe Aleksandër Kreci nga 47 pikë ka kaluar me 56 pikë. /tvklan.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Denoncim

Fiks Fare/ Nëna më tre fëmijë të mitur hidhet në rrugë nga Qendra e Grave të Dhunuara, kishte dhe urdhër mbrojtje

Publikuar

-

Nga

cna denoncim

Një grua e dhunuar me 3 fëmijë ankohet në emisionin Fiks Fare se ishte hedhur në mes të rrugës bashkë me fëmijët e saj të mitur.

Ajo u tregon gazetarëve se qendra ku ajo ishte strehuar e ka detyruar që të mos qëndrojë më aty. Nëna me 3 fëmijë thotë se fillimisht ka kërkuar ndihmë nga kisha në Don Bosko.

Më pas kisha e ka drejtuar tek Qendra e Grave të Dhunuara Kamëz ku ka qëndruar vetëm për 10 ditë pavarësisht se ka urdhër mbrojtje nga komshiu i saj. Në datë 15 dhjetor 2021 ajo së bashku me fëmijët është larguar nga qendra, pasi e ka detyruar drejtuesja e institucionit dhe stafi me pretendimin se zonja mbante telefon në dhomë. Nga ana tjetër zonja e mohon të ketë patur telefon, pasi kontrollohej nga stafi në çdo hyrje. Ndërkohë i kanë thënë që e kanë kapur kamerat e sigurisë për të cilat zonja ka kërkuar të shohë filmimet, por nuk e kanë lejuar. Firmën për të dalë nga qendra e ka hedhur për shkak të presionit të ushtruar nga drejtuesja dhe stafi. Momentalisht atë bashkë me 3 fëmijët e ka strehur dikush që ka njohur në kishë ndaj kërkon ndihmën e Fiksit.

Emisioni Fiks Fare i drejtohet Shërbimit Social Shtetëror me anë të një e-maili ku kërkon arsyet e largimit të viktimës nga Qendra e Grave të Dhunuara edhe pse ka urdhër mbrojtje deri në muajin mars 2022.Gjithashtu pyet edhe nëse qendra ka lajmëruar institucione të tjera mbikqyrëse si bashkia apo policia. Ky email mban datën 23 dhjetor 2021 dhe Shërbimi Social kthen përgjigje në datë 28 dhjetor 2021. Në përgjigje thuhet se zonja ka dalë me dëshirën e saj nga qendra dhe në momentin e daljes është lajmëruar Bashkia Kavajë, ku zonja është rezidente. Për këtë Fiksi merr dhe një shkresë që mban datën 16 dhjetor 2021 me numër protokolli 134.

LEXO EDHE:  Shefi i fushatës elektorale të PD nxjerr pamjet/ Si po ndahen miell dhe oriz në zyrat e PS

LEXO EDHE:  “Largimi i shqiptarëve jashtë vendit/ Në shtatë vite u mbyllën 30 shkolla”



Pra Shërbimi Social thotë se qendra është në rregull me procedurat. Gazetarët kërkojnë informacion në Bashkinë Kavajë nëse shkresa u kishte shkuar dhe çfarë kanë bërë me rastin? Bashkia thotë se shkresa ka mbërritur në datë 23 dhjetor ditë në të cilën gazetarët kërkuan informacion në Shërbimin Social me numër protokolli 142.Pra qendra nuk ka dërguar asnjë shkresë në datën 16 dhjetor dhe këtë shkresë e ka hartuar vetëm për Fiksin për të justifikuar punën. Gazetarët për dy ditë me radhë janë munduar të takojnë drejtoreshën e qendrës, dhe pas shumë përpjekjesh nga ana e gazetarëve më në fund bindet që t’i presë. Gazetarët i kërkojnë të shohin protokollin pasi shkresat janë fiktive. Drejtoresha nuk pranon duke u justifikuar se janë të dhëna konfidenciale.

Për këto shkresa Fiksi vë në dijeni sërish Shërbimin Social Shtetëror.Brenda ditës ky i fundit thërret drejtoreshën e qendrës në komision të disiplinës. Në këtë komision i jepet vërejtje me shkrim jo vetëm drejtoreshës, por edhe të gjithë stafit të cilat kishin emrin dhe firmën në shkresat fiktive.Gjithashtu shërbimi social e ka nën monitorim prej ditësh Qendrën e Grave të Dhunuara për të dalë më pas në një masë dhe raport përfundimtar.

Përveç këtyre Shërbimi Social ftoi të dhunuarën të kthehej në qendër bashkë me tre fëmijët e saj të mitur./tch

LEXO TE PLOTE

Denoncim

Policia e Pogradecit të rreh e ‘të jep kafe’!/ Efektivët i nxjerrin shpatullën qytetarit dhe i kërkojnë të mos flasë

Publikuar

-

Nga

Një qytetar nga Pogradeci ka denoncuar në emisionin Stop në Tv Klan dhunën e ushtruar ndaj tij nga disa punonjës të policisë.

Qytetari Elton Muço thotë për mikrofonin e Stop se ka qenë në një festë të organizuar nga Bashkia e Pogradecit në ambient publik, kur disa punonjës policie pasi e vëzhgojnë disa herë, i kërkojnë që të shkojë me ta dhe të futet në furgonin e policisë.

Mirëpo aty nisi edhe dhuna ndaj tij. Policët i shkaktuan fraktura të rënda, ndërsa në pasi e shoqëruan në komisariat i nxorrën edhe shpatullën pasi i përplasën derën.

Elton Muço thotë se i njeh disa prej policëve që e dhunuan.

“Në datë 3 Tetor në festën e verës këtu në Pogradec ka qenë një moment që siç mblidhen të gjithë me organizimin e bashkisë për festën që bëhet çdo vit, ka ardhur në një moment duke konsumuar diçka që kemi porositur për të pirë, ka kaluar polici mbrapa meje dhe më ka tërhequr vëmendjen një kushëriri im. Në një moment është afruar patrulla policore afër meje dhe më kanë tërhequr të shkoj pak me ta. Në moment që kam ecur drejt furgonit, ju kam thënë zotëri nuk hipi në furgon, më thuaj një arsye.

Nga ai moment kur i kam thënë më thuaj arsyen, janë kthyer me fjalë banale dhe njëri nga policët më ka goditur, pastaj më kanë goditur komplet. Njërin e njoha direkt, Kejsit Balliun edhe Emrat Dervishin, edhe gjatë rrugës, në momentin që hipi në furgon, polici përdorte fjalë banale.

Kur kam zbritur në degë jam dhunuar po në të njëjtën kohë deri sa jam shoqëruar te dhoma dhe në një moment nga dhuna e kryer, për vetëmbrojtje jam munduar që të mbështetem mbrapa derës të shmang dhunën ndaj meje, në atë moment jam goditur me shkelma dhe më kanë përplasur me derën duke më nxjerrë shpatullën. Në moment që kam kërkuar spitalin, dëgjoja policët që thonin aty të vdesësh. Dikush nga këta thoshte aman më ler 5 minuta sa të hyj t’ia shkul dhëmbët”, tregon Elton Muço.

Pasi e dhunuan, Policia e Pogradecit përpiloi dokumentacionin ku shkruante se Elton Muço ishte rrëzuar nga shkallët dhe për këtë arsye kishte nxjerrë shpatullën. Eltoni nuk pranoi ta firmoste këtë proces-verbal. Por në vend të tij firmosi kushëriri i Eltonit pasi donte vetëm që të nxirrte nga komisariati dhe ta dërgonte në spital. Në këtë rast Policia e Pogradecit ka falsifikuar firmën e Elton Muços në raportin e shërbimit dhe ndalimit.

“Në momentin që kam dalë po mundoheshin të më detyronin të firmosja edhe po më mbanin dorën. Kam dalë, ka firmosur djali i tezes thjesht nga keqardhja që kishte se më ishin nxjerrë damarët e qafës. Firmosi deklaratën që bënin policët gjasme sikur i kam fajet unë dhe rrena. Unë nuk pranova. Ata shkruanin sikur unë isha gjasme i pirë dhe që rashë u pengova tek shkallët. Domethënë çfarë dëshironin ata”.

Kurse kushëriri i Eltonit tregon se gjithçka ndodhi për një keqkuptim.

LEXO EDHE:  Shefi i fushatës elektorale të PD nxjerr pamjet/ Si po ndahen miell dhe oriz në zyrat e PS

LEXO EDHE:  I kërkoi favore seksuale studentes/ Universiteti merr vendimin drastik ndaj pedagogut

“Unë jam djali i tezes së Erton Muços. Në festën e verës në Pogradec, ka ndodhur një keqkuptim midis kushëririt tim dhe Policisë së Pogradecit. Në ato momente e kanë shoqëruar për komisariat. Më pas kam vajtur unë. E shoh në gjendje tepër të rënduar, psikologjikisht, fizikisht. Ishte ushtruar dhunë ndaj tij dhe kam qënë i detyruar të firmos për ta çuar tek Spitali i Pogradecit. Arsyeja dihet, sepse ai nuk ishte më në gjendje të qëndronte atje dhe dua, që të vihet drejtësia në vend për atë”.

Mjeku ligjor i ka klasifikuar dëmtimet e Eltonit si të rënda dhe ka lëshuar raportin 9-ditor. Elton Muco tregon gjithashtu se ka pasur ndërhyrje për ta mbyllur këtë çështje dhe i janë ofruar edhe para për të mbyllur gojën. Ndërhyrja është bërë nga punonjës të tjerë të Policisë së Pogradecit, të cilët Eltoni i njeh.

“Më kanë ardhur shumë miq, më kanë ofruar si ta mbyllim këtë muhabetin. Polica janë edhe miqtë, që i kanë dërguar miqtë e tyre të brendshëm dhe më kanë ardhur në shtëpi dhe më kanë thënë po qe se mendohesh mirë na merr në telefon e na thuaj sa do dhe ta mbyllim këtë çështje. Normale që s’do pranoj, nesër-pasnesër mund t’i ndodhë dikujt tjetër”.

Emisioni “Stop” ka siguruar një regjistrim mes punonjësit të policisë Guxim Hamzallari dhe Eltonit, ku polici kërkon që ky incident të konsiderohet i mbyllur.

Erton Muça- Ty ç’a të thanë?



Polici, Guxim Hamzallari- Ata çunat thanë: mirë është, mos të merremi me ato, kjo është ideja, unë hyra në mes, që ti të mos kesh probleme, e ato mos të kenë probleme. Më kupto situatën! Ça mendje ke ti Erton, më thuaj mua, që mos të lozim, mos të luajmë me lojra fjalësh koti?

Erton Muça- Ju kemi shtet juve, ju duhet të na mbroni ne, jo të na rrihni!

Polici, Guxim Hamzallari– Logjika është kështu siç thua ti më, unë jam 100%.

Erton Muça– Se po ta zësh nga një anë, ti thua kështu…

Polici, Guxim Hamzallari– Jam 100% me ty.

Erton Muça- Po pra!

Polici, Guxim Hamzallari– Jo 100, po 1000% me ty.

Erton Muça– Unë, po qe ashtu..

Polici, Guxim Hamzallari- Ajo iku, u harrua, këshilla ime kjo është: takohemi me ata çunat, t’i themi të të japim një kafe, një drekë, si t’ia marri mendja atyre, që dhe unë mos të ngatërrohem fare! Mua mos më keqkupto, sepse..

Erton Muça- Kjo është për një vetë, pse t’i ndodhi atij? Më kupton?

Polici, Guxim Hamzallari– E marr vesh.

Erton Muça- Vëre veten në atë situatë!

Polici, Guxim Hamzallari- Jam 100% me ty. Iku tani, u harrua.

Çështja shkoi edhe në Prokurorinë e Pogradecit për shkak të kallzimit që bëri Eltoni në SHÇBA në Korçë. Por prokurori i çështjes, Gazment Frengu, pa hetuar vendosi mosfillimin e procedimit penal për këtë ngjarje. /tvklan.al

 

LEXO TE PLOTE

Denoncim

Skandali në Fiks Fare/ Përmbaruesja shtetërore, 300 mijë rryshfet për të “fshirë” gjobën e vitit 2008

Publikuar

-

Nga

Fiks Fare denoncoi mbrëmjen e së mërkurës një skandal që ndodh në zyrat e shtetit, ku një përmbaruese shtetërore, i mori ryshfet një qytetari 300 mijë lekë të vjetra me qëllim që t’i “fshinte” një gjobë të marrë në vitin 2008.

Një minator nga Burreli u ankua në emisionin Fiks Fare se Zyra e Përmbarimit Shtetëror të Tiranës i kërkonte që të paguajë një gjobë të 13 viteve më parë. Në vitin 2008, qytetari ka qenë emigrant në Francë ku dhe është deportuar. Gjatë këtyre viteve, ai nuk është lajmëruar asnjëherë për hetimet e prokurorisë apo gjobën e vendosur nga Gjykata e Tiranës.

Në muajin nëntor 2021 i është ndërprerë paga në bankë si minator, duke i lënë pa bukë dy fëmijët e mitur. Ka pyetur në bankë dhe ka mësuar se urdhri i bllokimit ishte lëshuar nga përmbaruesja shtetërore e Tiranës, Laureta Kusi. Ai ka kontaktuar me këtë përmbaruese në telefon, ku i është kërkuar një ryshfet prej 300 mijë lekësh të vjetra. Dhe, pasi paguan këtë shumë, gjoba e 2008-ës amnistohet!

Minatori Gëzim Gjeta thotë se para 13 vitesh e ka ndaluar policia në Francë. “Me depërtojnë në Rinas. Unë tani punoj në minierë. Më del rroga. Shkoj ta marr dhe më del e bllokuar, më thanë se ta ka bllokuar Përmbarimit se ke kaluar kufirin në Francë. Kishin vendosur një gjobë 2 milionë e 100 mijë lekë, ma kishte vendosur gjykata” thotë ai. Më tej pohon se i kishin bllokuar pagën që ushqente fëmijët. “Ishte paga e muajit nëntor 2021. Fola me përmbaruesen Laureta Kusi. Nuk e njihja më parë. Ishte marrë vendim para 13 vitesh. S’më kishin lajmëruar, as prokuroria, as gjykata dhe as përmbarimi. Unë e kontaktova se ia gjeta numrin në bankë” pohon ai, teksa tregon se përmbaruesja i tha sa kishte një gjobë dhe duhet të vinte në Tiranë “të bëjmë një marrëveshje ta paguaja avash-avash”. “Ose më tha mua, më sill 300 mijë lekë ta mbyll unë me këta të përmbarimit të gjykatës se i kam rreshtat vetë” pohon ai. Denoncuesi thotë se me përmbaruesen ka shkëmbyer mesazhe në rrjete sociale. “Në momentin që më shkroi se kam miq në gjykatë dhe prokurori, në përmbarim më sill 300 mijë lekë, i fshinte mesazhet. Aty dyshova dhe iu drejtova Fiks Fare se diçka ishte këtu. S’ishte punë gjobë, pasi ishte amnistuar. 300 mijë lekshin ma kërkoi në formë ryshfeti, me mbyll problemet” tha ai.

Më tej pohon se ajo i tha të vinte në Tiranë. “I thashë më zhblloko lekët te banka dhe pastaj të vij në Tiranë. Por i thashë nuk vij dot ditë jave se jam në punë. Mirë më tha hajde ditë të dielë, s’ka problem. Sot është ditë e diel dhe sot erdha” pohon ai. Pas kësaj bisede, qytetari takoi përmbaruesen në zyrën e saj, ditë të dielë, në afërsi të zonës së 21 dhjetorit në Tiranë. “Ajo i thotë se ka shkruar në një dokument që kriter ndalues për përfitimin e amnistisë. më tej shkruan se vepra penale kundër fallsifikimit të dokumentave të parashikuar neni 186 neni 189, 181/A, 136 / 1 kështu që kriter nuk përfitojn nga amnistia të gjithë këto këtu. Amnistia më shumë është çështje mediatike se sa përfituese. Më kupton dhe ato u rikujtokan” i tha ajo. “Ajo ka shkuar goxha (gjoba) po s’ka gjë, ne e mbyllem siç folëm. Është mbyllur pra tani. Të ma kuptosh fjalën sepse jeni i pastër në prokurori nuk ke gjë asnjë gjë penale. Nuk të thërret njeri s’bëhet fjalë. Sepse ato i kam sqaruar unë. Kështu që je në rregull arshivohet e kjo ikën. Nuk ke më asgjë asnjë problem” i thotë përmbaruesa. Më pas, denoncuesi e pyet: aq sa folëm në telefon? “Po, po në rregull tani. Aq të fola, të thashë minimumin për Zotin” i thotë ajo, ndërsa denoncuesi i pyet “te 300 mijë lekshi?”. “Sa të duash ti tani? Të gjitha atje do ti çoj. Që të jenë në rregull ato se për mua nuk është ndonjë problem” i përgjigjet ajo.

Më pas, denoncuesi i jep përmbarueses 300 mijë lekë të vjetra me qëllim që t’i mbyllte të gjitha problemet. “Mos e vrit mendjen se e pashë se je hallexhi e prandaj të ndihmova. E magjino vetëm minimumin. Gjithë këtë luftë për aq pak lekë. Po të thashë mo hajt se po e ndihmoj se të tjerët për Zotin janë në dëmë të shtetit ato lekë” i thotë ajo, ndërsa i jep edhe një dokument. Denoncuesi thotë se takimi me përmbaruesen ndodhi në datën 19 dhjetor 2021. “E prita te zyra e Përmbarimit, te 21-shi, u ngjitëm në katë të tretë, në zyrën e saj. Ishte vetëm roja, unë dhe kjo përmbaruesja. Ma saktësoi shumën, i thashë siç e kemi bërë muhabet, po më tha te 300 mijë lekshi se s’donte me fol shumë. Dhe pastaj më tha këtë letrën, këtë vendim. Je i pastër më tha. Të gjitha lekët do ti çoj atje te shefi, tani je i pastër s’ke asnjë problem. Ta kesh si dokument. Mbarova punë” thotë ai.



Denoncuesi Gëzim Gjeta ka marrë një dokument nga zyra përmbarimor, ku në këtë dokument thuhet; Zyra e Përmbarimit Tiranë ka lëshuar këtë dokument, ‘vendim i pushimit të urdhrit të ekzekutimit’, datë 10 dhjetor 2021, dhe shkruan; Unë përmbaruesja Laureta Kusi, përmbarues gjyqësor pranë Zyrës Përmbarimore Tiranë, pasi studiova materialet e dosjes përmbarimore me numër 1167, bazuar në urdhrin e ekzekutimit me numër 2015, të protokolluar, datë 28.10.2008, të Prokurorisë së Tiranës, konstatova; është depozituar pranë Zyrës së Përmbarimit kërkesa e kreditorit sëbashku me vendimin 1351 të protokolluar në datë 17.10.2008 të Gjykatës së Rrethit Gjyqësor Tiranë me palë e objekt. Kreditor Prokuroria Tiranë, debitor Gëzim Gjeta me objekt gjobë penale. Pasi janë kryer një serë procedurash, pala debitore ka përfituar kriteret për të përfituar nga amnistia, sipas nenti 3, të ligjit me numër 5 të vitit 2020 për “dhënie emnistie”. Për këtë arsye urdhri i ekzekutimit është shfuqizuar. Sa më sipër, vendosa: Pushimin e urdhrit të ekzekutimit me numër 2015, të protokolluar, datë 28.10.2008 të Prokurorisë së Tiranës, për palën debitore Gëzim Azis Gjeta. Dosja të arkivohet, duke u bërë veprimet përkatëse nga sekretaria.

LEXO EDHE:  I kërkoi favore seksuale studentes/ Universiteti merr vendimin drastik ndaj pedagogut

LEXO EDHE:  Stop publikon skandalin/ 50 euro për provim, sekseri nxjerr zbuluar pedagogun

Në fund të dokumentit është firma dhe vula e përmbarueses Laureta Kusi, ndërkohë që siç e thamë pak më parë, data e lëshimit të këtij dokumenti është 10.12.2021. Ndërkohë që z.Gëzim e ka marrë këtë dokument ditën e sotme, më datë 19.12.2021. Pra, pasi pagoi shumën prej 30 mijë lekësh, mori këtë dokument, dosja e tij është pushuar dhe amnistruar. Prej ditës së sotme, Gëzimi nuk ka asnjë çështje në Përmbarimin e Tiranës. “Falënderoj shumë Fiksin, për gjithçka që më ndihmuan se s’kisha mundësi ekonomike, unë thjesht punëtor miniere, rrogë miniere, s’kisha mundësi të ushqeja fëmijët e mi, s’kisha mundësi më shumë” përfundoi qytetari.

Qytetari shkon të takojë përmbaruesen Laurta Kusi, e cila i lë takim në zyrën e Përmbarimit, në zonën e 21 dhjetorit në Tiranë.

Denoncuesi – Ça bahet si e kalove?
Roja – Si e kalove ti?
Përmbaruesja – Si e kalove?
Denoncuesi – Si e kalove ti? Nuk kishte trafik shyqyr Zotit nuk u vonova se ajo pjesë …
Përmbaruesja – E pashë se sot nuk kishte trafik. Hajde. Sekuestro tu hoq Ë?
Denoncuesi – Po i mora lekët unë. A i ke bërë kështu…
Përmbaruesja – Një sekondë ta shpjegoj Laura ty . Ta shikoj një herë shkresën.
Denoncuesi – S ka mundësi pas gjithë kësaj kohe?
Përmbaruesja – E po I kërkon prokuroria I konverton me burg prandaj.
Denoncuesi – Si kap amnistia, si ka kapur amnistia?
Përmbaruesja – Jo, jo si ka kapur fare. Shife kriter ndalues për përfitimin e amnistisë që të jemi në rregull ë?
Denoncuesi – Po, po
Përmbaruesja –Vepra penale kundër falsifikimit të dokumenteve të parashikuar neni 186 neni 189, 181/A, 136 / 1 kështu që kriter nuk përfitojnë nga amnistia të gjithë këto këtu
Denoncuesi – Po, po
Përmbaruesja – Nuk përfitojnë. Amnistia më shumë është çështje mediatike se sa përfituese. Më kupton dhe ato u rikujtokan
Denoncuesi – Tani ka kamat sa më the ti se ishte gjithsej?
Përmbaruesja – Ajo ka shkuar goxha pos ka gjë ne e mbyllem siç folëm u fut Laura.
Denoncuesi – E ke mbyllur?
Përmbaruesja – Është mbyllur pra tani
Denoncuesi – Tani më ke bërë ndonjë letër që ta dorëzoj tek banka? Të mos ma bllokojnë më se më than mua.
Përmbaruesja – Jo nuk të duhet tek banka. Se banka e ke kështu . Këta do ta mbash gjithë jetën për veten tënde.
Denoncuesi – Po që jam i pastër domethënë.
Përmbaruesja – Të ma kuptosh fjalën sepse jeni I pastër në prokurori nuk ke gjë asnjë gjë penale. Nuk të thërret njeri zbehet fjalë. Sepse ato I kam sqaruar unë. Kështu që je në rregull arshivohet e kjo ikën. Nuk ke më asgjë asnjë problem.
Denoncuesi – Ok dakord. Tani sa e patëm lënë?
Përmbaruesja –Po, po në rregull tani aq të fola të thashë minimumin për Zotin.
Denoncuesi – Ke 300 ( mijë lekë) ë?
Përmbaruesja – sat ë duash ti tani?
Denoncuesi – Po jo sat ë dua unë, do edhe ti.
Përmbaruesja – Të gjitha atje do ti çoj. Që të jenë në rregull ato se për mua nuk është ndonjë problem.
Denoncuesi – 1,2,3,4,5,6,7,8,9,10…100
Përmbaruesja –Mos e vrit mendjen.
Denoncuesi – 1,2,3,4,5,6,7,8,9,10…200, 5,6,7,8,9,10…300 ( mijë lekë) ta mbaj edhe unë këtë se nuk kam më për Zotin veç për rrugën kam.
Përmbaruesja –Qyqja, për atë Zot lart je shumë në rregull. Mirupafshim.
Denoncuesi – Ta kisha lënë edhe një kafe vetëm për ty po për Zotin nuk kam ma.
Përmbaruesja – Mos e vrit mendjen se e pashë se je hallexhi e prandaj të ndihmova. E imagjino vetëm minimumin. Gjithë këtë luftë për as pak lekë pot hash ma hajt se po e ndihmoj se të tjerët për Zotin janë në dëm të shtetit ato lekë.
Denoncuesi – Po nejse ma mirë me këtë 300 mijëshe e mbyllem ketë punë se sa …
Përmbaruesja – Nuk bëhet fjalë. Mbaj atë gjithmonë numrin time e ke për çdo gjë.
Denoncuesi – Dakord shumë faleminderit, po s’ke nevojë nuk është duke me dalë më besoj ja kemi kryer punët tamam.
Përmbaruesja – As bëhet fjalë.
Denoncuesi – Ok, kalofsh mirë. Gëzuar për shumë vjet.
Përmbaruesja – Pafshim, gjithë të mirat
Denoncuesi – Qofsh mirë.
Përmbaruesja – Mirupafshim./TCH

 

LEXO TE PLOTE