Solli nga SHBA armë dhe municione luftarake/ Arrestohet 51 vjeçari në Rinas

13 Janar 2022, 15:20, Aktualitet CNA
Solli nga SHBA armë dhe municione luftarake/ Arrestohet 51 vjeçari

Policia Kufitare e Rinasit ka vënë në pranga një 51 vjeçar, i cili tentoi të fuste në Shqipëri arme dhe municione luftarake.

Përmes një njoftimi për media, policia bën me dije se shtetasi me iniciale R.H ishte nisur nga SHBA drejt vendit tonë, dhe në alixhen e tij u gjetën një armë zjarri pistoletë dhe 125 fishekë.

Njoftimi i plotë:

Policia Kufitare parandalon dhe godet një rast të tentativës për të futur armë zjarri në Shqipëri.

Arrestohet në flagrancë 51-vjeçari që udhëtoi drejt vendit tonë, me armë zjarri pistoletë dhe municion luftarak me vete. 

Shërbimet e Policisë Kufitare të Rinasit, si rezultat i shtimit të kontrolleve, si në hyrje dhe në dalje, më qëllim kapjen e personave në kërkim dhe të atyre që mbajnë sende të kundërligjshme me vete, kanë kaluar për kontroll më të imtësishëm, valixhen e shtetasit R. H., i cili ishte nisur nga SHBA për në Shqipëri.

Shërbimet e Policisë, gjatë kontrollit në valixhen e këtij shtetasi, kanë gjetur dhe sekuestruar në cilësinë e provës materiale një armë zjarri pistoletë dhe 125 fishekë. 

Në vijim të veprimeve, nga specialistët për Hetimin e Krimeve në Komisariatin e Policisë Rinas u arrestua në flagrancë shtetasi R. H., 51 vjeç, banues në Tiranë.

Materialet i kaluan Prokurorisë së Rrethit Gjyqësor Tiranë, për veprat penale “Trafikimi i armëve dhe i municionit” dhe “Armëmbatja pa leje”./CNA.al

Lajmet e fundit nga