Connect with Us

Nga kombëtarja te finalja e Conference League, FSHF zbardh eventet e vitit 2022

Kombëtare

Nga kombëtarja te finalja e Conference League, FSHF zbardh eventet e vitit 2022

Publikuar

-

/

Kombëtarja shqiptare e të gjitha moshave do të luajnë ndeshje shumë interesante, por dhe impenjative përgjatë vitit 2022. FSHF-ja ka nxjerrë kalendarin e plotë të ndeshjeve, ku përveç Kombëtares së parë dhe moshave, vlen për tu theksuar se në vendin tonë do të mbahet dhe finalja e Konferencë Ligës.

Gjithçka do të nis me dy ndeshje miqësore të Kombëtares U-17 të drejtuar nga Ervin Bulku, që do të përballet me Italinë U-17 në Koverçano, në datat 22 dhe 24 shkurt. Muaji mars rezervon disa data të rëndësishme, që shënojnë edhe fillimin e disa kompeticioneve zyrtare të UEFA-s për përfaqësueset e moshave.

Kombëtarja U-17 e femrave do të luajë tre sfidat e Europianit U-17 përkatësisht ndaj Azerbajxhan (08 mars 2022), Skocisë (11 mars 2022) dhe Maqedonisë së Veriut (14 mars 2022). Të treja këto sfida do të luhen në Shqipëri, teksa UEFA ia ka besuar FSHF-së organizimin e ndeshjeve të grupit.

Më pas është radha e Kombëtares U-21 që të zhvillojë dy ndeshjet e eliminatoreve të Europianit U-21 ndaj Çekisë më 25 mars dhe Anglisë më 29 mars. Më datat 26 dhe 29 mars, Kombëtarja A do të zhvillojë dy miqësore me peshë respektivisht ndaj Spanjës dhe Gjeorgjisë.

Në prill është radha e Kombëtares U-19 për femra që të luajë tre ndeshjet e eliminatoreve të Europianit U-19 duke sfiduar Izraelin (5 prill 2022), Qipron (8 prill 2022) dhe Turqinë (11 prill 2022). Po në prill Kombëtarja shqiptare e futsallës do të jetë e impenjuar në Paraeliminatoret e Kupës së Botës së Futsallit 2024.

Kombëtarja e drejtuar nga trajneri Erind Resuli, është shortuar në Grupin E dhe përballë do të ketë Suedinë, Andorrën dhe Austrinë. Turneu paraeliminator do të zhvillohet në muajin prill në Suedi, nga data 4 deri në 13 prill, ndërsa çiftet e ndeshjeve mbeten për t’u përcaktuar. Ky muaj do të mbyllet me ceremoninë e titullit kampion të kampionatit të femrave 2022.

Muaji maj do të kulmojë me ngjarjen më të madhe futbollistike të zhvilluar ndonjëherë në Shqipëri. Finalja e parë historike e turneut më të ri të UEFA-s, Europa Conference League do të luhet në stadiumin “Air Albania” të Tiranës më 25 maj. Një event gjigand që do ta sjellë Shqipërinë në qendër të vëmendjes botërore për disa ditë më radhë e që do të sjellë në kryeqytet tifozë e personalitete nga e gjithë Europa.

Po në maj do të zhvillohen edhe ceremonitë e shpalljes së skuadrave kampione në kampionatet “Abissnet Superiore”, Kategoria e Parë, Kategoria e Dytë, finalja e Kupës së Shqipërisë si edhe kampionët e moshave.

Në qershor Kombëtarja do të nisë rrugëtimin e saj në edicionin e tretë të Nations League, teksa në harkun e dy javëve të para të muajit do të zhvillojë ndeshjet ndaj Izraelit, Islandës dhe dy herë me Rusinë.

Pas sfidës tradicionale të Superkupës në muajin gusht, ku përballë do të vihen fituesit e kampionatit me fituesit e Kupës së Shqipërisë, futbolli ndërkombëtar rikthehet në shtator me sfidat e fundit të Kombëtares në Nations League ndaj Izraelit e Islandës.

Po në shtator Shqipëria U-19 do të zhvillojë ndeshjet e grupit 7 në eliminatoret e Europianit 2022-2023, ku përballë do të ketë Spanjën, Belgjikën dhe Rusinë. Ndeshjet e grupit do të luhen në Belgjikë në datat 21, 24 dhe 27 shtator 2022.

Në tetor, është radha e Shqipërisë U-17 të nisë aventurën e saj në fazën kualifikuese të Europianit 2022-2023 të kësaj moshe. Shorti e ka vendosur Kombëtaren shqiptare në Grupin 7 së bashku me Suedinë, Kroacinë dhe Uellsin me ndeshjet e kualifikueseve që do të zhvillohen në Kroaci në datat 20, 23 dhe 26 tetor 2022.

KALENDARI  I PLOTË

Shkurt

Ndeshje miqësore, Itali U17 – Shqipëri U17, 22 shkurt 2022

Ndeshje miqësore, Itali U17 – Shqipëri U17, 24 shkurt 2022

Mars

Europiani i moshës U-17 për femra, Shqipëri – Azerbajxhan, 08 mars 2022

Europiani i moshës U-17 për femra, Skoci – Shqipëri, 11 mars 2022

Europiani i moshës U-17 për femra, Maqedoni e Veriut – Shqipëri, 14 mars 2022

Eliminatoret e Europianit U-21, Shqipëri – Republika Çeke, 25 mars 2022.

Eliminatoret e Europianit U-21, Shqipëri – Angli, 29 mars 2022.

Ndeshja miqësore Spanjë-Shqipëri, 26 mars 2022.

Ndeshja miqësore Shqipëri-Gjeorgji, 29 mars 2022.

Prill

Europiani i moshës U-19 për femra, Izrael – Shqipëri, 05 prill 2022

Europiani i moshës U-19 për femra, Shqipëri – Qipro, 08 prill 2022

Europiani i moshës U-19 për femra, Shqipëri – Turqi, 11 prill 2022

Ceremonia e titullit kampion të Kampionatit të Femrave 30 prill 2022.

Maj

Finalja e UEFA Europa Conference League 25 maj 2022.

Ceremonia e titulli kampion i Kampionatit “Abissnet Superiore” 27.05.2022.

Finalja e Kupës së Shqipërisë 31 maj 2022.

Ceremonia e titullit kampion i Kampionatit Kategoria e Parë 07 maj 2022.

Ceremonia e titullit kampion i Kampionatit Kategoria e Dytë 01 maj 2022.

Qershor

Ndeshja e Nations League, Shqipëri – Rusi, 02 qershor 2022

Ndeshja e Nations League, Islandë – Shqipëri, 06 qershor 2022

Ndeshja e Nations League, Shqipëri – Izrael, 10 qershor 2022

Ndeshja e Nations League, Rusi – Shqipëri, 13 qershor 2022

Eliminatoret e Europianit U-21, Angli – Shqipëri, 07 qershor 2022.

Eliminatoret e Europianit U-21, Shqipëri – Kosovë, 14 qershor 2022.

Shtator

Ndeshja e Nations League, Izrael – Shqipëri, 24 shtator 2022

Ndeshja e Nations League, Shqipëri – Islandë, 27 shtator 2022

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kombëtare

E BUJSHME/ Kistal Abazaj ose Odise Roshi, Shkëndija e Tetovës projekton “bombën” e merkatos

Publikuar

-

Shkëndija e Tetovës po projekton një goditje të bujshme në këtë merkato janari. Kampionët në fuqi në Maqedoni kanë nisur kontaktet për të firmosur me Odise Roshi. “Infosport.mk” bën me dije se drejtuesit e klubit kanë futur si ndërmjetës, Lorik Canën për të bindur mesfushorin e Kombëtares shqiptare.

Roshi është pjesë e Boluspor në ligën e parë turke dhe ka një ofertë konkrete nga Shkëndija, por ngelet për t’u parë nëse fieraku do të pranojë të ndyrshojë ambient. Skuadra kuqezi nuk do të qendrojë duarkryq pasi kanë gati edhe planin B.



Nëse dështon marrëveshja me Roshin Shkëndija do të tentojë firmën me Kristal Abazajn. Ish sulmuesi i Kukësit dhe Luftëtarit në Superligën shqiptare për momentin po rikuperohet nga dëmtimi dhe mund të huazohet deri në fund të sezonit te Shkëndija.

LEXO TE PLOTE

Kombëtare

Zbulohet miqësorja e radhës, ja me kë do të përballet Shqipëria në muajin mars

Publikuar

-

Zyrtarizohet edhe miqësorja e dytë e Shqipërisë në muajin mars. Kombëtarja shqiptare do të përballet me Gjeorgjinë më 29 mars në atë që do të jetë ndeshja e 14-të mes dy vendeve.

Pas arritjes së akordit me Spanjën për miqësoren e 26 marsit, Federata Shqiptare e Futbollit ka arritur një marrëveshje me Federatën Gjeorgjiane për të luajtur këtë ndeshje.

Departamenti i Komunikimit në FSHF bën me dije se është rënë dakord që ndeshja të luhet në Shqipëri, ndërkohë që stadiumi dhe ora e sfidës mbeten ende për t’u përcaktuar.



Shqipëria dhe Gjeorgjia janë përballuar 13 herë në të kaluarën me një bilanc prej 3 fitoresh për kuqezinjtë, 3 barazime dhe 7 fitore për gjeorgjianët. Nga këto 9 ndeshje kanë qenë të vlefshme për eliminatore Europianit e Botërori dhe 4 kanë qenë miqësore.

Dueli i parë është luajtur në Shqipëri më 14 dhjetor 1994 dhe ishte i vlefshëm për eliminatoret e Europianit 1996. Ajo sfidë u fitua nga Gjeorgjia me rezultatin 1-0. Takimi i fundit me Shqipërisë dhe Gjeorgjisë ka qenë miqësorja e 16 nëntorit 2015, që u luajt në stadiumin “Qemal Stafa” dhe u mbyll në barazim 2-2.

LEXO TE PLOTE

Kombëtare

Ansi Agolli flet si trajner: Ja ku ndryshon Shqipëria aktuale nga ajo e vitit 2016

Publikuar

-

Ansi Agolli ka varur prej dy vitesh këpucët në gozhdë, duke i dhënë fund karrierës së tij si futbollist. Por tashmë ai synon që të jetë pjesë e futbollit me një rol tjetër, atë të trajnerit. Ish-kapiteni i përfaqësueses shqiptare, tashmë po siguron licencat përkatëse që të drejtojë si trajner dhe ka treguar çfarë e shtyn t’i hyjë këtij rrugëtimi të ri. “Si çdo ish-futbollist, edhe unë, pavarësisht se jashtë futbollit bëjmë gjëra të tjera, por ajo që na tërheq më shumë, apo aty ku e ndjejmë veten më mirë është pjesa e futbollit, atë që kemi bërë gjithë jetën, që fëmijë, e deri në nivele profesioniste. Një hap shumë i rëndësishëm në këtë pjesë është edhe marrja e licencës UEFA A, që aktualisht unë po bëj.

Mendoj që është një gjë mjaft pozitive për çdo ish-lojtar profesionist, por edhe për çdo individ që aspiron të bëhet trajner, t’i bëjë këto licenca, të bëjë kurset e të vijë në kurse, jo vetëm sepse çertifikohet si trajner, por më e rëndësishmja është shkëmbimi i eksperiencave me profesionistë të tjerë që vijnë në këtë kurs dhe marrja sa më shumë e eksperiencës. Për momentin, ky është vetëm fillimi. Prej një viti e pak kam një akademi në Neë York, rreth 200 fëmijë. Siç e thashë edhe më parë, pjesa më me pasion që bëjmë është futbolli, kështu që kurrë mos thuaj kurrë. Gjithsecili e ka një fillim dhe besoj që ky është fillimi im në një karrierë tjetër’, shpjegoi ai për faqen e FSHF.



Agolli më pas foli edhe për Kombëtaren kuqezi dhe sipas tij, grupi aktual premton që shumë shpejt të ndjekë shembullin e skuadrës së drejtuar nga De Biazi, e cila arriti deri në fazën finale të Euro 2016. “Këto eliminatore që ekipi Kombëtar sapo përfundoi, mendoj që ka qenë një nga më të suksesshmit në 20 vitet e fundit ose më shumë. Jo vetëm sepse ekipi grumbulloi një rekord pikësh në një eliminatore botërori, por i mblodhi këto pikë me lojtarë apo një grup që ende nuk është rritur nga eksperienca. Mendoni sikur i njëjti grup të luajë pas dy vitesh ose katër vitesh. Mendoj se skuadra e ekipit Kombëtar është në një rrugë mjaft të mirë dhe besoj në një afat të shkurtër ose të mesëm, besoj do marrë fryte edhe më të mira se sa i morëm ne në 2016.

EURO 2024? Mendoj se është e arritshme, kualiteti është aty, grupi është formuar. Duhet të kalojë pak kohë që ato futbollistë, ato lojtarë të rriten nga eksperienca, që ka shumë rëndësi. Eksperienca si individ dhe eksperienca si skuadër. Kjo është e vetmja gjë që ata nuk e kanë siç e kishim ne në 2016. Por kjo është diçka që fitohet me kalimin e kohës. Nuk është diçka që fitohet me shkopin magjik. Kohën e kanë, grupin e kanë dhe duke u nisur nga këto eliminatore botërori, mendoj se në të ardhmen do të jetë akoma më mirë”, tha Agolli.

LEXO TE PLOTE