Connect with Us

Europianët ndjehen të përjashtuar nga bisedimet SHBA-Rusi

Bota

Europianët ndjehen të përjashtuar nga bisedimet SHBA-Rusi

Publikuar

-

/

Ndërsa Shtetet e Bashkuara dhe Rusia zhvilluan bisedime në Gjenevë këtë javë mbi sigurinë e Evropës, në tryezën e bisedimeve mungonte Bashkimi Evropian, duke zhgënjyer zyrtarët në bllokut.

“Në këtë dialog nuk janë vetëm dy aktorë, Shtetet e Bashkuara dhe Rusia. Nëse doni të flisni për sigurinë në Evropë, evropianët duhet të jenë pjesë e bisedimeve”, u tha gazetarëve më 5 janar shefi i politikës së jashtme të BE-së, Josep Borrell.

Zoti Borrell i bëri komentet pas një vizite në vijën e parë të konfliktit në Ukrainën lindore, ku rebelët e mbështetur nga Rusia vazhdojnë të luftojnë forcat ukrainase gati shtatë vjet pas aneksimit me forcë të Krimesë nga Moska.

BE-ja është futur vonë në tryezën e bisedimeve, thotë analistja Liana Fix nga Fondi gjerman Marshall, me seli në Uashington.

“Problemi këtu është se Bashkimi Evropian nuk është përfshirë zyrtarisht në bisedimet e vitit 2014 kur filloi kriza në Ukrainë. Në atë kohë kishim Gjermaninë dhe Francën në formatin e Normandisë për bisedimet dhe asnjë përfaqësues zyrtar të BE-së”, tha analsitrja Fix për Zërin e Amerikës.

“Nga ana tjetër, Bashkimi Evropian duhet ta bëjë të qartë se çfarë mund të kontribuojë në diskutim”, thotë ajo. “Brenda Bashkimit Evropian, pyetja është kush është më i fuqishëm, shtetet anëtare apo vetë BE-ja si institucion? Dhe nga ana tjetër, në Moskë BE-ja nuk merret seriozisht”.

Ekziston frika se lufta në lindje të Ukrainës mund të rifillojë. Në muajt e fundit, Rusia ka grumbulluar mbi 100,000 trupa pranë kufirit me Ukrainën, duke shkaktuar frikë në mesin e vendeve perëndimore për një pushtim të afërt. Ndërkohë, Moska ankohet për një ngritje ushtarake të NATO-s në Evropën Lindore dhe ka paralajmëruar për rreziqet e konfrontimit.

Këto tensione u bënë pjesë e përplasjeve diplomatike këtë javë. Por bisedimet dypalëshe SHBA-Rusi dhe samiti i së mërkurës midis NATO-s dhe Rusisë, takimi i parë i tillë në dy vjet, nuk duket se kanë sjellë përparim.

Mes një ndryshimi të rendit botëror dhe rritjes së tensioneve gjeopolitike, Franca po udhëheq një shtytje evropiane për atë që Parisi e quan “sovranitet strategjik” më të madh, pjesërisht e nxitur nga dyshimet rreth angazhimit të Amerikës ndaj NATO-s, që zuri rrënjë gjatë administratës së ish-presidentit Donald Trump.

LEXO EDHE:  Ballkani/ Vdekjet në aksidente tre herë më shumë se Europa

Ministri i Jashtëm francez Jean-Yves Le Drian tha këtë javë se presidenti rus Vladimir Putin po përpiqej qëllimisht të anashkalonte BE-në.

“Ai nuk ka konsideratë për Bashkimin Evropian dhe është plotësisht i vendosur të përpiqet të dëmtojë unitetin evropian, i cili po forcohet”, tha Le Drian për kanalin BFM TV.

Moska synon gjithashtu të minojë aleancën transatlantike, thotë analisti Petro Burkovskiy nga Fondacioni i Nismave Demokratike me seli në Kiev.

“Rusia i përdor këto bisedime për të shkatërruar besimin midis Shteteve të Bashkuara dhe partnerëve evropianë dhe po përpiqet të tregojë se Shtetet e Bashkuara janë të gatshme të diskutojnë sigurinë e saj në Evropë dhe të diskutojnë politikën e saj në Evropë duke shmangur partnerët evropianë”, tha zoti Burkovskiy për agjencinë e lajmeveAssociated Press.

Pa forcën e vet ushtarake, Bashkimi Evropian si institucion mund të mos merret seriozisht nga Moska, por blloku mund të luaj një rol të rëndësishëm, thotë analistja Fix.

“Kur Bashkimi Evropian dhe Shtetet e Bashkuara mendojnë tani për sanksione ndaj Rusisë në rast të një ndërhyrjeje, të një pushtimi të Ukrainës, Bashkimi Evropian do të duhet të dorëzojë një paketë sanksionesh ekonomike, për të cilën duhet të pajtohen të gjitha vendet anëtare.”

Ndërkohë, pas bisedimeve mes zyrtarëve të NATO-s dhe atyre rusë të mërkurën, Zëvendëssekretarja amerikane e Shtetit, Wendy Sherman, e cila kryesoi delegacionin e Shteteve të Bashkuara, tha se aleatët transatlantikë ishin të bashkuar.

“Mendoj se një nga gjërat që Rusia ka bërë, të cilën ndoshta nuk e priste, është se ajo ka bashkuar të gjithë Evropën, NATO-n dhe aleatët që nuk janë anëtarë të NATO-s, në përpjekjet për të ndarë të njëjtat parime, të njëjtat ambicie, të njëjtën shpresë dhe përkushtim ndaj diplomacisë”, u tha ajo gazetarëve./VOA

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

Bundestag-u forcon rregullat e COVID-19, shtohen rastet e omikron

Publikuar

-

Nga

Të mërkurën (12.01) një tabelë me shënimin teste për COVID-19 i orientonte deputetët drejt kësaj stende. Ky rregull për parlamentarët vjen pikërisht në ditën kur Instituti i Mbikqyrjes Shëndetësore dhe Profilaksisë Robert Koch (RKI) komunikoi një rekord të ri të infeksioneve brenda një dite, mbi 80.000 raste me COVID.

Në sfondin e rritjes së rasteve me COVID-19, parlamenti gjerman të mërkurën (12.01) votoi vendosjen e rregullave më të forta në mbarë vendin, e po ashtu edhe për hyrjen në parlament.

Deputetët për të hyrë në sallën plenare dhe në sallat e mbledhjeve të grupeve parlamentare e të komisioneve duhet në rast se nuk kanë marrë dozën përforcuese të vaksinës të paraqesin përpos dokumentit të vaksinimit, ose vërtetimit të shërimit nga COVID edhe një test negativ antigjen.

Deputetët që nuk mund të vaksinohen për arsye shëndetësore mund të hyjnë në sallën plenare me një test negativ PCR. Por deputetët e tjerë që nuk janë vaksinuar plotësisht lejohen të marrin pjesë në seanca vetëm duke qendruar në lozhën e publikut. Por edhe për të hyrë në këto mjedise lipset një test negativ antigjen.

Për ata që nuk duan t’u përmbahen këtyre rregullave janë parashikuar gjoba. Administrata e Bundestag-ut planifikon gjoba nga 1.000 euro për herën e parë dhe 2.000 euro nëse shkejet përsëriten. Madje ata mund të konfrontohen edhe me refuzimin e fletëhyrjes.

 AfD kundër

Të gjithë grupet parlamentare në Bundestag votuan në favor të rregullores së re, me përjashtim të partisë Alternativa për Gjermaninë (AfD), së cilës i mungonte gati gjysma e deputetëve në seancën e së mërkurës.

Disa prej deputetëve të AfD-së ishin ulur në lozhën e publikur, ndërsa të tjerë në vendet e tyre të zakonshme. Por gati gjysma e vendeve të tyre në sallë ishin të zbrazur.

Deputetët e AfD-së – si ata të ulur në sallën plenare edhe ata në lozhën e publikut disa herë e ndërprenë fjalimin e kancelarit Olaf Scholz duke mbajtur pllakata në shprehje të kundërshtimit të tyre ndaj masave rigoroze, gjë që në fakt është kundër rregullores së Bundestag-ut.

LEXO EDHE:  SHBA/ Zyrtarët e shëndetësisë vaksinohen në publik

LEXO EDHE:  Dënimi me vdekje në SHBA pas 17 vitesh/ Ekzekutohet i burgosuri që vrau një familje më 1996



Në pankartat e tyre shkruhej “liri në vend të përçarjes” — duke iu referuar komentit të deputetit të AfD-së Bernd Baumann, i cili tha, se masat e marra po përçajnë jo vetëm shoqërinë, por edhe këtë parlament.”

Deputetja e partisë “E Majta” Sahra Wagenknecht, e cila e thotë hapur se nuk është vaksinuar ndaj COVID-19, gjithashtu i kritikon rregullat e vendosura në seancën e së mërkurës. “Ndalimi i deputetëve (të pa vaksinuar) nga prania në sallën plenare në vend që të vendosen testime për të gjithë, është e paarsyeshme në aspektin epidemiologjik e po ashtu edhe antikushtetuese nisur nga fakti, që vaksina nuk të mbron plotësisht nga një infektim”, i tha Wagenknecht portalit news hub RND.

AfD-ja thotë se do të ngrejë padi kundër rregullores së re në Bundestag. Alice Weidel, bashkëkryetarja e AfD-së, tha se “mandati i lirë i deputetit është i kufizuar tashmë prej rregullave të reja”.

‘Roli shembull’ për shoqërinë

Andrew Ullmann, deputeti i partisë Liberal Demokrate (FDP) njëkohësisht edhe mjek për sëmundjet infektive i hedh poshtë kritikat: “Këto rregulla të reja në parlament janë të rëndësishme për t’u treguar njerëzve jashtë parlamentit, se edhe për ne vlejnë të njëjtat rrregulla. Ne kemi përgjegjësinë të veprojmë këtu si një shembull”, tha Ullmann për DW.

Rregullat e reja në Bundestag janë të njëjtat sikurse vlejnë edhe për baret e restorantet në mbarë vendin.

Të pesë grupet parlamentare votuan në favor të rregullores së re duke argumentuar, se qëllimi është të sigurojnë që puna të vazhdojë pa u cënuar.

“Gjatë Krishtlindjeve pamë, se si disa deputetë merrnin pjesë në mbledhjet e komisioneve edhe pse ishin testuar pozitivisht. Kjo bëri që për shkak të kontaktit të dërgoheshin të gjithë deputetët në karantinë”, tha Ullmann. Bundestagu aplikon rregulla strikte edhe për përdorimin e maskës mbrojtëse. Tani lejohen vetëm maskat FFP2 /N95 në të gjithë godinën. Maskat mund të hiqen vetëm kur deputetët referojnë në pult./DW

LEXO TE PLOTE

Bota

Këshilli NATO-Rusi: Ndoshta bisedimet vazhdojnë në raund tjetër

Publikuar

-

Nga

“Diskutimet nuk qenë të lehta”, u shpreh përmbledhtas Sekretari i Përgjithshëm i NATO-s, Jens Stoltenberg lidhur me takimin e 30 anëtarëve të NATO-s me përfaqësuesit e qeverisë ruse.Lidhur me gjendjen e sigurisë në Europë me theks të veçantë ndaj Ukrainës u bisedua rreth katër orë në Bruksel, por nuk pati ndryshim të qëndrimeve. „Ne kemi propozuar një seri bisedimesh, edhe për sa i përket dislokimit nga të dyja palët të raketave në Europë.

Por pala ruse sot nuk ishte në gjendje të vendoste”, tha Stoltenberg. Rusia megjithatë nuk e ka refuzuar një takim tjetër, shtoi Stoltenberg. Kryenegociatori rus Aleksandr Grushko, akuzoi NATO-n, se nuk i përgjigjet ofertave për zbutjen e situatës. “NATO i përmbahet taktikës nga Lufta e Ftohtë për kufizimin e Rusisë. Një përkeqësim i mëtejshëm i situatës mund të ketë pasoja të paparashikueshme dhe serioze për sigurinë europiane”, tha zëvendësministri i Jashtëm rus Grushko pas bisedimeve në ambasadën ruse në Bruksel.

“Rusia nuk ka veto”

Aleanca i kërkon Rusisë për të disatën herë, që të tërheqë rreth 100.000 ushtarët nga kufiri me Ukrainën. Diplomatë rusë sërish parashtruan kërkesën e Kremlinit  që NATO të mos pranojë më anëtarë të rinj dhe të tërheqë trupat nga vendet e reja anëtare në Lindje. Aleanca i hodhi poshtë kërkesat e Rusisë, tha Jens Stoltenberg. NATO dhe vendet aspirate për anëtarësim e vendosin vetë, se çfarë rruge duan të ndjekin. “Askush nuk duhet të ndërhyjë. Natyrisht Rusia nuk ka veto për këtë, nëse Ukraina mund të bëhet anëtare e NATO-s.” Zëvendëministrja e jashtme e SHBA, Wendy Sherman sërish theksoi, se porta e NATO-s është e hapur. Por pikërisht të kundërtën kërkon Rusia: „Ne duhet t’i japim fund politikës së portës së hapur. (…) Nëse NATO do të bashkëpunojë, duhet të pranojë rolin e Rusisë si fuqi e paqes”, kërkoi Aleksander Grushko.

LEXO EDHE:  BE nxjerr zbuluar Rusinë/ Shpenzon 1,1 miliardë euro në vit për fake news

LEXO EDHE:  Ngjela bën paralajmërimin e fortë/ SHBA i ka skeduar emrat, do goditet korrupsioni 30-vjeçar 



Më 2008 NATO i ofroi anëtarësimin Ukrainës dhe Gjeorgjisë. Por se kur kjo është çëshje e hapur. Pas këtij premtimi Rusia pushtoi pjesë të Gjeorgjisë dhe më 2014 aneksoi Krimenë ukrainase. Sekretari i Përgjithshëm i NATO-s, Stoltenberg kërkon nga Rusia që të heqë dorë prej qendrimit të saj duke ndezur konflikte, “Rusia ka trupa në Gjeorgji, Moldavi dhe në Ukrainë. Këto trupa ndodhen atje pa miratimin e qeverive të këtyre vendeve. Ato nuk janë ftuar dhe nuk janë të mirëpritur atje. NATO i kërkon Rusisë, që t’i tërheqë këto trupa dhe të respektojë sovranitetin dhe integritetin e Gjeorgjisë, Moldavisë dhe të Ukrainës”, tha Stoltenberg në Bruksel.

OSBE si ndërmjetësuese

Të enjten (13.01) bisedimet për sigurinë europiane vazhdojnë në kuadër të OSBE-së në Vjenë. Në OSBE janë si SHBA-ja edhe Rusia si dhe Ukraina e 53 shtete të tjera të hemisferës veriore anëtare. Që nga viti 1995, kur OSBE-ja u krijua si orgnizatë pasuese e „Konferencës për Sigurinë dhe Bashkëpunimin”, ajo shërben si një platformë për bisedime mbi çarmatimin dhe çtensionimin ushtarak./DW

LEXO TE PLOTE

Bota

Situata në Ukrainë, në qendër të bisedimeve NATO-Rusi

Publikuar

-

Nga

cna bota

Rusia dhe NATO-ja po takohen të mërkurën në Bruksel në një përpjekje për uljen e tensioneve përgjatë kufirit midis Rusisë dhe Ukrainës. NATO-ja kundërshton grumbullimin e trupave ruse përgjatë kufirit, duke thënë se ato cenojnë sigurinë evropiane. Nga ana e saj, Rusia po kërkon garanci sigurie si kufizimin e zgjerimit të aleancës 30 anëtarëshe të NATO-s, duke argumentuar se anëtarësimi i një vendi si Ukraina në kufirin e saj, paraqet kërcënim.

Ambasadorja e Shteteve të Bashkuara në NATO, Julianne Smith, u tha gazetarëve para bisedimeve të së mërkurës se NATO-ja është e përkushtuar të shohë nëse diplomacia mund të shtendosë situatën dhe se temat e përgjithshme të diskutimit do të jenë rreth “uljes së rrezikut, transparencës, kontrollit të armëve dhe mënyrave të ndryshme me të cilat ne komunikojmë me njëri-tjetrin”.

Ambasadorja Smith shprehu solidaritetin e SHBA-së me Ukrainën, duke shtuar se “veprimet ruse e kanë nxitur këtë krizë” dhe aleatët e NATO-s janë të gatshëm të të pengojnë agresionin e mëtejshëm rus.“Nëse Rusia ndjek rrugën e konfrontimit dhe veprimit ushtarak, ne ia kemi bërë të qartë Kremlinit se do të përgjigjemi me vendosmëri, duke përfshirë një sërë masash ekonomike me ndikim të madh”, tha zonja Smith, duke theksuar se “si Aleancë, ne jemi të përgatitur të përforcojmë mbrojtjen e NATO-s në krahun lindor dhe jemi të përgatitur të imponojmë çmim të rëndë për agresionin e mëtejshëm rus në Ukrainë”.

Takimi i së mërkurës është e dyta nga tri mundësitë e kësaj jave, që diplomatët amerikanë dhe evropianë të flasin drejtpërdrejt me zyrtarët rusë për situatën në Ukrainë. Organizata për Siguri dhe Bashkëpunim në Evropë takohet të enjten në Vjenë.

Të hënën në Gjenevë, diplomatët amerikanë dhe rusë mbajtën takimin e parë, por të dyja palët lanë të kuptohet se nuk pati ndonjë përparim të madh. Zëdhënësi i Kremlinit, Dmitry Peskov, tha të martën se bisedimet në Gjenevë ishin “të hapura, gjithëpërfshirëse dhe të drejtpërdrejta”, një vlerësim i bërë edhe nga Uashingtoni. Por, ai tha se rezultati është ai që në fund të fundit ka rëndësi.”Deri më tani, le të themi se nuk shohim asnjë arsye të rëndësishme për optimizëm”, u tha gazetarëve zëdhënësi Peskov.

LEXO EDHE:  Dënimi me vdekje në SHBA pas 17 vitesh/ Ekzekutohet i burgosuri që vrau një familje më 1996

LEXO EDHE:  SHBA/ Zyrtarët e shëndetësisë vaksinohen në publik



Victoria Nuland, nënsekretare e shtetit për çështjet politike, u tha gazetarëve të martën, se “nuk nuk kemi parë asnjë shenjë më të vogël të shtendosjes” nga ana e Rusisë, e cila tha ajo, “e krijoi këtë krizë” duke vendosur 100,000 trupa në kufirin lindor të Ukrainës.

Në bisedimet e Gjenevës, Rusia kërkoi garanci, të refuzuara nga Shtetet e Bashkuara, që NATO-ja t’i jap fund zgjerimit të mëtejshëm drejt lindjes dhe të frenojë vendosjen e trupave ushtarake në Evropën Lindore. “NATO-ja nuk paraqet asnjë kërcënim për Rusinë. Është një aleancë mbrojtëse, qëllimi i vetëm i së cilës është të mbrojë anëtarët e saj”, tha zonja Nuland.

Aleatët perëndimorë kanë frikë se Rusia po planifikon të pushtojë Ukrainën pas aneksimit të gadishullit të saj të Krimesë në vitin 2014. Rusia mohon se po planifikon të pushtojë shtetin që dikur ishte satelit i saj në periudhën sovjetike, por gjithashtu nuk ka rënë dakord me kërkesat e SHBA-së që të tërheqë trupat nga kufiri.

Presidenti amerikan, Joe Biden, ka përjashtuar mundësinë e një konfrontimi ushtarak me Rusinë, në rast se ajo vendos të sulmojë Ukrainën, por thotë se SHBA-ja dhe aleatët e saj, do të vendosin sanksione të fuqishme ekonomike nëse ndodhë një gjë e tillë./ VOA

LEXO TE PLOTE