web counter

“Basha, kufomë politike”/ Berisha thirrje vendeve partnere: Hetojeni, Rama i mbylli dosjet

13 Janar 2022, 13:17, Politikë CNA
“Basha, kufomë politike”/ Berisha thirrje vendeve partnere:

Ish-kryeministri Sali Berisha e ka cilësuar sot Lulzim Bashën si një kufomë politike.

Në një deklaratë për mediat, Berisha tha se mbështetja ndaj  Lulzim Bashës, është shkelmim mbi politikanët e rinj shqiptarë.

Po ashtu ai i drejtoi një thirrje organeve ligjzbatuese të vendeve partnere të hetojnë Lulzim Bashën, për pastrim parash, pasi sipas tij në Shqipëri ia ka mbyll dosjet kryeministri Rama.

Të mbështesësh Lulzim Bashën, është jo vetëm të mbështesësh një kufomë politike, por edhe më keq se kaq.

Por, ai ka edhe një gjë tjetër. Të mbështeësh Bashën është një shkelmim mbi politikanët e rinj. Ata që mendojnë se po më dëmtojnë mua duke mbështetur Bashën nuk i bëjnë llogaritë mirë.

Problemi është se shqiptarët kur shohin se ky politikan I ri është njeriu më idegraduar i politikës shqiptare. Jo nuk janë kështu politikanët e rinj shqiptarë.

Ai ishte politikan i ri shqiptar, në pozitën më të lartë. Mbështetja e gjeneratave ndaj tij është problem i madh. Ai është simbol i të pabesit, i lidhur me krimin, i përzier në afera shumë të rënda.

Iu bëj thirrje organeve ligjzbatuese të vendeve partnere minimumi ta hetojnë për pastrim të parave. Rama ia mbylli dosjet në Shqipëri”-tha ndër të tjera Berisha./CNA.al

Lajmet e fundit nga