Connect with Us

Policia e Pogradecit të rreh e ‘të jep kafe’!/ Efektivët i nxjerrin shpatullën qytetarit dhe i kërkojnë të mos flasë

Denoncim

Policia e Pogradecit të rreh e ‘të jep kafe’!/ Efektivët i nxjerrin shpatullën qytetarit dhe i kërkojnë të mos flasë

Publikuar

-

/

Një qytetar nga Pogradeci ka denoncuar në emisionin Stop në Tv Klan dhunën e ushtruar ndaj tij nga disa punonjës të policisë.

Qytetari Elton Muço thotë për mikrofonin e Stop se ka qenë në një festë të organizuar nga Bashkia e Pogradecit në ambient publik, kur disa punonjës policie pasi e vëzhgojnë disa herë, i kërkojnë që të shkojë me ta dhe të futet në furgonin e policisë.

Mirëpo aty nisi edhe dhuna ndaj tij. Policët i shkaktuan fraktura të rënda, ndërsa në pasi e shoqëruan në komisariat i nxorrën edhe shpatullën pasi i përplasën derën.

Elton Muço thotë se i njeh disa prej policëve që e dhunuan.

“Në datë 3 Tetor në festën e verës këtu në Pogradec ka qenë një moment që siç mblidhen të gjithë me organizimin e bashkisë për festën që bëhet çdo vit, ka ardhur në një moment duke konsumuar diçka që kemi porositur për të pirë, ka kaluar polici mbrapa meje dhe më ka tërhequr vëmendjen një kushëriri im. Në një moment është afruar patrulla policore afër meje dhe më kanë tërhequr të shkoj pak me ta. Në moment që kam ecur drejt furgonit, ju kam thënë zotëri nuk hipi në furgon, më thuaj një arsye.

Nga ai moment kur i kam thënë më thuaj arsyen, janë kthyer me fjalë banale dhe njëri nga policët më ka goditur, pastaj më kanë goditur komplet. Njërin e njoha direkt, Kejsit Balliun edhe Emrat Dervishin, edhe gjatë rrugës, në momentin që hipi në furgon, polici përdorte fjalë banale.

Kur kam zbritur në degë jam dhunuar po në të njëjtën kohë deri sa jam shoqëruar te dhoma dhe në një moment nga dhuna e kryer, për vetëmbrojtje jam munduar që të mbështetem mbrapa derës të shmang dhunën ndaj meje, në atë moment jam goditur me shkelma dhe më kanë përplasur me derën duke më nxjerrë shpatullën. Në moment që kam kërkuar spitalin, dëgjoja policët që thonin aty të vdesësh. Dikush nga këta thoshte aman më ler 5 minuta sa të hyj t’ia shkul dhëmbët”, tregon Elton Muço.

Pasi e dhunuan, Policia e Pogradecit përpiloi dokumentacionin ku shkruante se Elton Muço ishte rrëzuar nga shkallët dhe për këtë arsye kishte nxjerrë shpatullën. Eltoni nuk pranoi ta firmoste këtë proces-verbal. Por në vend të tij firmosi kushëriri i Eltonit pasi donte vetëm që të nxirrte nga komisariati dhe ta dërgonte në spital. Në këtë rast Policia e Pogradecit ka falsifikuar firmën e Elton Muços në raportin e shërbimit dhe ndalimit.

“Në momentin që kam dalë po mundoheshin të më detyronin të firmosja edhe po më mbanin dorën. Kam dalë, ka firmosur djali i tezes thjesht nga keqardhja që kishte se më ishin nxjerrë damarët e qafës. Firmosi deklaratën që bënin policët gjasme sikur i kam fajet unë dhe rrena. Unë nuk pranova. Ata shkruanin sikur unë isha gjasme i pirë dhe që rashë u pengova tek shkallët. Domethënë çfarë dëshironin ata”.

Kurse kushëriri i Eltonit tregon se gjithçka ndodhi për një keqkuptim.

LEXO EDHE:  Dy politikanë dhunojnë me grushte e shkelma një qytetar

“Unë jam djali i tezes së Erton Muços. Në festën e verës në Pogradec, ka ndodhur një keqkuptim midis kushëririt tim dhe Policisë së Pogradecit. Në ato momente e kanë shoqëruar për komisariat. Më pas kam vajtur unë. E shoh në gjendje tepër të rënduar, psikologjikisht, fizikisht. Ishte ushtruar dhunë ndaj tij dhe kam qënë i detyruar të firmos për ta çuar tek Spitali i Pogradecit. Arsyeja dihet, sepse ai nuk ishte më në gjendje të qëndronte atje dhe dua, që të vihet drejtësia në vend për atë”.

Mjeku ligjor i ka klasifikuar dëmtimet e Eltonit si të rënda dhe ka lëshuar raportin 9-ditor. Elton Muco tregon gjithashtu se ka pasur ndërhyrje për ta mbyllur këtë çështje dhe i janë ofruar edhe para për të mbyllur gojën. Ndërhyrja është bërë nga punonjës të tjerë të Policisë së Pogradecit, të cilët Eltoni i njeh.

“Më kanë ardhur shumë miq, më kanë ofruar si ta mbyllim këtë muhabetin. Polica janë edhe miqtë, që i kanë dërguar miqtë e tyre të brendshëm dhe më kanë ardhur në shtëpi dhe më kanë thënë po qe se mendohesh mirë na merr në telefon e na thuaj sa do dhe ta mbyllim këtë çështje. Normale që s’do pranoj, nesër-pasnesër mund t’i ndodhë dikujt tjetër”.

Emisioni “Stop” ka siguruar një regjistrim mes punonjësit të policisë Guxim Hamzallari dhe Eltonit, ku polici kërkon që ky incident të konsiderohet i mbyllur.

Erton Muça- Ty ç’a të thanë?

Polici, Guxim Hamzallari- Ata çunat thanë: mirë është, mos të merremi me ato, kjo është ideja, unë hyra në mes, që ti të mos kesh probleme, e ato mos të kenë probleme. Më kupto situatën! Ça mendje ke ti Erton, më thuaj mua, që mos të lozim, mos të luajmë me lojra fjalësh koti?

Erton Muça- Ju kemi shtet juve, ju duhet të na mbroni ne, jo të na rrihni!

Polici, Guxim Hamzallari– Logjika është kështu siç thua ti më, unë jam 100%.

Erton Muça– Se po ta zësh nga një anë, ti thua kështu…

Polici, Guxim Hamzallari– Jam 100% me ty.

Erton Muça- Po pra!

Polici, Guxim Hamzallari– Jo 100, po 1000% me ty.

Erton Muça– Unë, po qe ashtu..

Polici, Guxim Hamzallari- Ajo iku, u harrua, këshilla ime kjo është: takohemi me ata çunat, t’i themi të të japim një kafe, një drekë, si t’ia marri mendja atyre, që dhe unë mos të ngatërrohem fare! Mua mos më keqkupto, sepse..

Erton Muça- Kjo është për një vetë, pse t’i ndodhi atij? Më kupton?

Polici, Guxim Hamzallari– E marr vesh.

Erton Muça- Vëre veten në atë situatë!

Polici, Guxim Hamzallari- Jam 100% me ty. Iku tani, u harrua.

Çështja shkoi edhe në Prokurorinë e Pogradecit për shkak të kallzimit që bëri Eltoni në SHÇBA në Korçë. Por prokurori i çështjes, Gazment Frengu, pa hetuar vendosi mosfillimin e procedimit penal për këtë ngjarje. /tvklan.al

 

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Denoncim

Skandali në Fiks Fare/ Përmbaruesja shtetërore, 300 mijë rryshfet për të “fshirë” gjobën e vitit 2008

Publikuar

-

Nga

Fiks Fare denoncoi mbrëmjen e së mërkurës një skandal që ndodh në zyrat e shtetit, ku një përmbaruese shtetërore, i mori ryshfet një qytetari 300 mijë lekë të vjetra me qëllim që t’i “fshinte” një gjobë të marrë në vitin 2008.

Një minator nga Burreli u ankua në emisionin Fiks Fare se Zyra e Përmbarimit Shtetëror të Tiranës i kërkonte që të paguajë një gjobë të 13 viteve më parë. Në vitin 2008, qytetari ka qenë emigrant në Francë ku dhe është deportuar. Gjatë këtyre viteve, ai nuk është lajmëruar asnjëherë për hetimet e prokurorisë apo gjobën e vendosur nga Gjykata e Tiranës.

Në muajin nëntor 2021 i është ndërprerë paga në bankë si minator, duke i lënë pa bukë dy fëmijët e mitur. Ka pyetur në bankë dhe ka mësuar se urdhri i bllokimit ishte lëshuar nga përmbaruesja shtetërore e Tiranës, Laureta Kusi. Ai ka kontaktuar me këtë përmbaruese në telefon, ku i është kërkuar një ryshfet prej 300 mijë lekësh të vjetra. Dhe, pasi paguan këtë shumë, gjoba e 2008-ës amnistohet!

Minatori Gëzim Gjeta thotë se para 13 vitesh e ka ndaluar policia në Francë. “Me depërtojnë në Rinas. Unë tani punoj në minierë. Më del rroga. Shkoj ta marr dhe më del e bllokuar, më thanë se ta ka bllokuar Përmbarimit se ke kaluar kufirin në Francë. Kishin vendosur një gjobë 2 milionë e 100 mijë lekë, ma kishte vendosur gjykata” thotë ai. Më tej pohon se i kishin bllokuar pagën që ushqente fëmijët. “Ishte paga e muajit nëntor 2021. Fola me përmbaruesen Laureta Kusi. Nuk e njihja më parë. Ishte marrë vendim para 13 vitesh. S’më kishin lajmëruar, as prokuroria, as gjykata dhe as përmbarimi. Unë e kontaktova se ia gjeta numrin në bankë” pohon ai, teksa tregon se përmbaruesja i tha sa kishte një gjobë dhe duhet të vinte në Tiranë “të bëjmë një marrëveshje ta paguaja avash-avash”. “Ose më tha mua, më sill 300 mijë lekë ta mbyll unë me këta të përmbarimit të gjykatës se i kam rreshtat vetë” pohon ai. Denoncuesi thotë se me përmbaruesen ka shkëmbyer mesazhe në rrjete sociale. “Në momentin që më shkroi se kam miq në gjykatë dhe prokurori, në përmbarim më sill 300 mijë lekë, i fshinte mesazhet. Aty dyshova dhe iu drejtova Fiks Fare se diçka ishte këtu. S’ishte punë gjobë, pasi ishte amnistuar. 300 mijë lekshin ma kërkoi në formë ryshfeti, me mbyll problemet” tha ai.

Më tej pohon se ajo i tha të vinte në Tiranë. “I thashë më zhblloko lekët te banka dhe pastaj të vij në Tiranë. Por i thashë nuk vij dot ditë jave se jam në punë. Mirë më tha hajde ditë të dielë, s’ka problem. Sot është ditë e diel dhe sot erdha” pohon ai. Pas kësaj bisede, qytetari takoi përmbaruesen në zyrën e saj, ditë të dielë, në afërsi të zonës së 21 dhjetorit në Tiranë. “Ajo i thotë se ka shkruar në një dokument që kriter ndalues për përfitimin e amnistisë. më tej shkruan se vepra penale kundër fallsifikimit të dokumentave të parashikuar neni 186 neni 189, 181/A, 136 / 1 kështu që kriter nuk përfitojn nga amnistia të gjithë këto këtu. Amnistia më shumë është çështje mediatike se sa përfituese. Më kupton dhe ato u rikujtokan” i tha ajo. “Ajo ka shkuar goxha (gjoba) po s’ka gjë, ne e mbyllem siç folëm. Është mbyllur pra tani. Të ma kuptosh fjalën sepse jeni i pastër në prokurori nuk ke gjë asnjë gjë penale. Nuk të thërret njeri s’bëhet fjalë. Sepse ato i kam sqaruar unë. Kështu që je në rregull arshivohet e kjo ikën. Nuk ke më asgjë asnjë problem” i thotë përmbaruesa. Më pas, denoncuesi e pyet: aq sa folëm në telefon? “Po, po në rregull tani. Aq të fola, të thashë minimumin për Zotin” i thotë ajo, ndërsa denoncuesi i pyet “te 300 mijë lekshi?”. “Sa të duash ti tani? Të gjitha atje do ti çoj. Që të jenë në rregull ato se për mua nuk është ndonjë problem” i përgjigjet ajo.

Më pas, denoncuesi i jep përmbarueses 300 mijë lekë të vjetra me qëllim që t’i mbyllte të gjitha problemet. “Mos e vrit mendjen se e pashë se je hallexhi e prandaj të ndihmova. E magjino vetëm minimumin. Gjithë këtë luftë për aq pak lekë. Po të thashë mo hajt se po e ndihmoj se të tjerët për Zotin janë në dëmë të shtetit ato lekë” i thotë ajo, ndërsa i jep edhe një dokument. Denoncuesi thotë se takimi me përmbaruesen ndodhi në datën 19 dhjetor 2021. “E prita te zyra e Përmbarimit, te 21-shi, u ngjitëm në katë të tretë, në zyrën e saj. Ishte vetëm roja, unë dhe kjo përmbaruesja. Ma saktësoi shumën, i thashë siç e kemi bërë muhabet, po më tha te 300 mijë lekshi se s’donte me fol shumë. Dhe pastaj më tha këtë letrën, këtë vendim. Je i pastër më tha. Të gjitha lekët do ti çoj atje te shefi, tani je i pastër s’ke asnjë problem. Ta kesh si dokument. Mbarova punë” thotë ai.



Denoncuesi Gëzim Gjeta ka marrë një dokument nga zyra përmbarimor, ku në këtë dokument thuhet; Zyra e Përmbarimit Tiranë ka lëshuar këtë dokument, ‘vendim i pushimit të urdhrit të ekzekutimit’, datë 10 dhjetor 2021, dhe shkruan; Unë përmbaruesja Laureta Kusi, përmbarues gjyqësor pranë Zyrës Përmbarimore Tiranë, pasi studiova materialet e dosjes përmbarimore me numër 1167, bazuar në urdhrin e ekzekutimit me numër 2015, të protokolluar, datë 28.10.2008, të Prokurorisë së Tiranës, konstatova; është depozituar pranë Zyrës së Përmbarimit kërkesa e kreditorit sëbashku me vendimin 1351 të protokolluar në datë 17.10.2008 të Gjykatës së Rrethit Gjyqësor Tiranë me palë e objekt. Kreditor Prokuroria Tiranë, debitor Gëzim Gjeta me objekt gjobë penale. Pasi janë kryer një serë procedurash, pala debitore ka përfituar kriteret për të përfituar nga amnistia, sipas nenti 3, të ligjit me numër 5 të vitit 2020 për “dhënie emnistie”. Për këtë arsye urdhri i ekzekutimit është shfuqizuar. Sa më sipër, vendosa: Pushimin e urdhrit të ekzekutimit me numër 2015, të protokolluar, datë 28.10.2008 të Prokurorisë së Tiranës, për palën debitore Gëzim Azis Gjeta. Dosja të arkivohet, duke u bërë veprimet përkatëse nga sekretaria.

LEXO EDHE:  Dhunoi mjekun në spital/ Arrestohet 32 vjeçari i dehur

LEXO EDHE:  Rama reagon për protestat/ Iliri dhe Saliu ta harrojnë se e kthejnë prapë Shqipërinë për përsheshin e tyre

Në fund të dokumentit është firma dhe vula e përmbarueses Laureta Kusi, ndërkohë që siç e thamë pak më parë, data e lëshimit të këtij dokumenti është 10.12.2021. Ndërkohë që z.Gëzim e ka marrë këtë dokument ditën e sotme, më datë 19.12.2021. Pra, pasi pagoi shumën prej 30 mijë lekësh, mori këtë dokument, dosja e tij është pushuar dhe amnistruar. Prej ditës së sotme, Gëzimi nuk ka asnjë çështje në Përmbarimin e Tiranës. “Falënderoj shumë Fiksin, për gjithçka që më ndihmuan se s’kisha mundësi ekonomike, unë thjesht punëtor miniere, rrogë miniere, s’kisha mundësi të ushqeja fëmijët e mi, s’kisha mundësi më shumë” përfundoi qytetari.

Qytetari shkon të takojë përmbaruesen Laurta Kusi, e cila i lë takim në zyrën e Përmbarimit, në zonën e 21 dhjetorit në Tiranë.

Denoncuesi – Ça bahet si e kalove?
Roja – Si e kalove ti?
Përmbaruesja – Si e kalove?
Denoncuesi – Si e kalove ti? Nuk kishte trafik shyqyr Zotit nuk u vonova se ajo pjesë …
Përmbaruesja – E pashë se sot nuk kishte trafik. Hajde. Sekuestro tu hoq Ë?
Denoncuesi – Po i mora lekët unë. A i ke bërë kështu…
Përmbaruesja – Një sekondë ta shpjegoj Laura ty . Ta shikoj një herë shkresën.
Denoncuesi – S ka mundësi pas gjithë kësaj kohe?
Përmbaruesja – E po I kërkon prokuroria I konverton me burg prandaj.
Denoncuesi – Si kap amnistia, si ka kapur amnistia?
Përmbaruesja – Jo, jo si ka kapur fare. Shife kriter ndalues për përfitimin e amnistisë që të jemi në rregull ë?
Denoncuesi – Po, po
Përmbaruesja –Vepra penale kundër falsifikimit të dokumenteve të parashikuar neni 186 neni 189, 181/A, 136 / 1 kështu që kriter nuk përfitojnë nga amnistia të gjithë këto këtu
Denoncuesi – Po, po
Përmbaruesja – Nuk përfitojnë. Amnistia më shumë është çështje mediatike se sa përfituese. Më kupton dhe ato u rikujtokan
Denoncuesi – Tani ka kamat sa më the ti se ishte gjithsej?
Përmbaruesja – Ajo ka shkuar goxha pos ka gjë ne e mbyllem siç folëm u fut Laura.
Denoncuesi – E ke mbyllur?
Përmbaruesja – Është mbyllur pra tani
Denoncuesi – Tani më ke bërë ndonjë letër që ta dorëzoj tek banka? Të mos ma bllokojnë më se më than mua.
Përmbaruesja – Jo nuk të duhet tek banka. Se banka e ke kështu . Këta do ta mbash gjithë jetën për veten tënde.
Denoncuesi – Po që jam i pastër domethënë.
Përmbaruesja – Të ma kuptosh fjalën sepse jeni I pastër në prokurori nuk ke gjë asnjë gjë penale. Nuk të thërret njeri zbehet fjalë. Sepse ato I kam sqaruar unë. Kështu që je në rregull arshivohet e kjo ikën. Nuk ke më asgjë asnjë problem.
Denoncuesi – Ok dakord. Tani sa e patëm lënë?
Përmbaruesja –Po, po në rregull tani aq të fola të thashë minimumin për Zotin.
Denoncuesi – Ke 300 ( mijë lekë) ë?
Përmbaruesja – sat ë duash ti tani?
Denoncuesi – Po jo sat ë dua unë, do edhe ti.
Përmbaruesja – Të gjitha atje do ti çoj. Që të jenë në rregull ato se për mua nuk është ndonjë problem.
Denoncuesi – 1,2,3,4,5,6,7,8,9,10…100
Përmbaruesja –Mos e vrit mendjen.
Denoncuesi – 1,2,3,4,5,6,7,8,9,10…200, 5,6,7,8,9,10…300 ( mijë lekë) ta mbaj edhe unë këtë se nuk kam më për Zotin veç për rrugën kam.
Përmbaruesja –Qyqja, për atë Zot lart je shumë në rregull. Mirupafshim.
Denoncuesi – Ta kisha lënë edhe një kafe vetëm për ty po për Zotin nuk kam ma.
Përmbaruesja – Mos e vrit mendjen se e pashë se je hallexhi e prandaj të ndihmova. E imagjino vetëm minimumin. Gjithë këtë luftë për as pak lekë pot hash ma hajt se po e ndihmoj se të tjerët për Zotin janë në dëm të shtetit ato lekë.
Denoncuesi – Po nejse ma mirë me këtë 300 mijëshe e mbyllem ketë punë se sa …
Përmbaruesja – Nuk bëhet fjalë. Mbaj atë gjithmonë numrin time e ke për çdo gjë.
Denoncuesi – Dakord shumë faleminderit, po s’ke nevojë nuk është duke me dalë më besoj ja kemi kryer punët tamam.
Përmbaruesja – As bëhet fjalë.
Denoncuesi – Ok, kalofsh mirë. Gëzuar për shumë vjet.
Përmbaruesja – Pafshim, gjithë të mirat
Denoncuesi – Qofsh mirë.
Përmbaruesja – Mirupafshim./TCH

 

LEXO TE PLOTE

Denoncim

Banka i jep të drejtë qytetares pas ankesës në Fiks Fare/ Përmbaruesi vazhdon ekzekutimin

Publikuar

-

Nga

cna denoncim

Qytetarja Katerina Shallo para 6 muajsh ka denoncuar në emisionin fiks fare një bankë të nivelit të dytë.

Kontrata që kjo zonjë kishte lidhur me bankën për shlyerjen e një kredie në 3 kopje te saj mbante afatin kohor e 10 viteve. Ndërkohë vetëm një kopje që qëndronte në bankë kishte afatin kohor e shlyerjes prej 20 vitesh të së njëjtës kredi të marrë nga kjo zonjë. Ndaj sipas bankës Katerina Shallo duhet ti shlyejë bankës edhe 23 milionë lekë të vjetra.

Ky problem rikthehet serish në emisionin fiks fare. Znj Shallo u tregon gazetarëve se menjëherë pasi emisioni Fiks Fare ka transmetuar këtë problem Banka ka reaguar.

Banka sipas saj i ofroi një marrëveshje për të paguar 8 milionë lekë të vjetra sipas kontratës 10 vjeçare. Për këtë zonjë edhe kjo marrëveshje është e padrejtë dhe nuk e ka pranuar. Ndërkohë kjo çështje ka shkuar në gjykatë.

LEXO EDHE:  Rama reagon për protestat/ Iliri dhe Saliu ta harrojnë se e kthejnë prapë Shqipërinë për përsheshin e tyre

LEXO EDHE:  Dhunoi 48 vjeçarin/ Autorit i vihen prangat



Por pavarësisht kësaj përmbarimi ka nxjerrë në ankand shtëpinë e zonjë Katerina Shallo duke kërkuar sërish që të paguhet vlera e 23 milionë lekëve të vjetra. Shpresa e vetme për këtë qytetare është emisioni Fiks Fare.

Në një telefonatë me gazetarët e Fiksit përmbaruesi, Kastriot Kumaraku ,thotë se nuk më ka ardhur një shkresë e tillë nga banka, ndaj unë po veproj mbi urdhrin e parë të ekzekutimit.

Z.Kumaraku thotë se nëse bie dakord banka me qytetaren çdo gjë zhbllokohet./tch

LEXO TE PLOTE

Denoncim

Qindra milionë lekë nga inceneratorët/Dy kompanitë e Endrit Habilajt në godinën Top Channel

Publikuar

-

Nga

cna lajme aktualitet

VOX TV dhe “Infinit Communication”, janë dy kompani  mediatike që kanë administrator Endrit Habilaj dhe që të dyja e kanë adresën në Top Channel, sipas të dhënave zyrtare në QKB. Vetë Habilaj është autori i emisionit Top Story në Top Channel dhe drejtues i gazetës Shqip.

Këto dy kompani, por edhe një e tretë që Habilaj mendon se e ka fshehur në emër të familjarëve të tij, kanë marrë para në mënyrë të vazhdueshme nga pronarët e inceneratorëve Klodian Zoto dhe Mirel Mërtiri.

CNA.al ka sjellë në mënyrë ekskluzive katër fatura, me të cilat është paguar VOX TV nga incenratorët dhe katër fatura të tjera me të cilat është bërë pagesa për kompaninë Infinit Communication”.

CNA.al ka nxjerrë shumat që këto dy kompani kanë marrë para në mënyrë të vazhdueshme nga inceneratorët.

Rezulton se me katër fatura nëpërmjet VOX TV, Endrit Habilaj, ka marrë 979 949 lekë të reja, në pak muaj të vitit 2021.

Ndërsa nëpërmjet kompanisë “Infinit Communication”, vetëm me 4 fatura ka marrë 1 774 872 kekë të reja

edhe kjo në vetem pak muaj të vitit 2021. Pagesat në vazhdimësi në totalin e tyre janë qindra milionë lekë

Çfarë janë këto dy kompani që janë në godinën e Top Channel?

 “Infinit Communication”, me numër identifikimi L91331028L, është themeluar me datë 25.01.2019.  Zyra qëndrore të kësaj kompanie, sipas ekstraktit të QKB, është në Tiranë, Kashar, Mëzez, rruga 17 Nëntori, Godina  nr. 20, kati i dytë.

Kompania është regjistruar në emrin e Endrit Habilaj me ortake Ornela Pango, kjo e fundit mban dhe pozicionin e Drejtores të marketingut në Top Channel.

Më vonë me datë, 24.02.2021, në QKB është bërë ndryshim i emrit të subjektit. Nga gazeta Shqip online është bërë Infinit Communication”.

Gazeta Shqip është në pronësi të Vjollca Hoxhës por në QKB është rregjistruar një tjetër subjekt dhe më pas i është ndryshuar emri. Kjo për të fshehur nga çfarë? A është ky subjekt mbulim për të paguar gazetën dhe stafin e saj? Emri ka qenë i njëjti dhe adresa e subjektit është i njëjti.

 

Kompania tjetër VOX TV, e themeluar me datë 14.12.2020 dhe me zyra qëndrore në adresën Tiranë, Kashar, Mëzez, rruga 17 Nëntori, Godina  nr. 20, kati i pestë është në pronësi të Endrit Habilaj.

Ashtu si kompania e parë edhe VOX TV me datë 24.02.2012 ka bërë ndryshim të emrit të subjektit.

Nga Top News është bërë VOX TV.

Edhe kjo kompani ka të njëjtin veprim si ajo më sipër. Top News ësëhtë një tjetër kompani e rregjistruar në QKB në emër të Vjollca Hoxhes, por Habilaj rregjistron një tjetër më pas i ndryshon emrin. Çfarë fshihet? Sërish e njëjta adresë, dhe emri i mëparshëm i njëjti me një kompani në pronësi të Vjollca Hoxhës, VOX TV  mos vallë është mbulesë për pagesat e Top News nga inceneratorët?

LEXO EDHE:  Po vdesim për bukë, çfarë dreqin …!/Rama “tallet” me qytetarët

LEXO EDHE:  Rama reagon për protestat/ Iliri dhe Saliu ta harrojnë se e kthejnë prapë Shqipërinë për përsheshin e tyre

Lëkët janë paguar për të dy këto kompani të cilat në pak fatura e disa javë pagesa kanë përfituar gati 28 milionë lekë.

Të dyja kompanitë, të cilat  “rastësisht”, kanë ndryshuar emrat dhe  sistematikisht kanë marrë para nga pronarët e inceneratorëve janë në godinën e Top Channel.



Ndërkohë gazeta Shqip online dhe Top News ekzistojnë, sepse janë në pronësi të Vjollca Hoxhës. Po këto janë dy kompani të tjera.

 

 

Mos vallë është e njëjta skemë pagesash që inceneratorët kanë përdorur edhe për subjekte të tjera?

Sipas të dhënave të databases së famshme, që u bë publike,  në VOX TV, në muajin Prill, rezultojnë të punësuar 8 persona.

 

Ndërsa në kompaninë tjetër Infinit Communication, të punësuar në muajin Prill, sipas së njëjtës databases që doli në publik, janë 11 persona.

VOX TV nuk ekziston, nuk ka një televizion të tillë të licensuar nga AMA,  porInfinit Communication”,  çfarë ka në pronësi që ka staf 11 veta?

Ku shkojnë këto para, kush dhe pse paguhet me këto para që vijnë nga takstat e shqipotarëve kalojnë tek inceneratorët e më pas në subjekte në pronësi të Endrit Habilajt që ushtrojnë aktivitet në godinën e Top Channel?

Për çfarë i shërbejnë Klodian Zotos dhe Mirel Mërtirit të japë këto para tek këto kompani, që ndodhen të dyja në godinën e Top Channel?

Përgjigjet janë mjaft të thjeshta dhe SPAK mund ti gjejë lehtësisht, jo vetëm për këto kompani, por edhe për të tjera, që janë paguar nga inceneratorët. Ish-ministri Lefter Koka, u prangos për disa kompani që merrnin para nga inceneratorët, Endrit Habilaj ka jo vetyëm këto dy kompani, por edhe një të tretë e cila ka marrë dhjetra milionë lekë nga Klodian Zoto e Mirel Mërtiri.

Në dosjen inceneratorët në SPAK, duket se rradhën do e kenë edhe gazetarë apo ish drejtues mediash që kanë futur duart për të mbushur xhepat e tyre me paratë e aferës së inceneratorëve./E.S-CNA.al

Dokumenti-Si dhe sa është paguar Endrit Habilaj i Top Channel dhe Gazetës Shqip nga inceneratorët/ Zbulohen faturat me shuma të majme

Zbulohet kompania tjetër/ Endrit Habilaj i Top Channel dhjetra mijë euro nga inceneratorët

LEXO TE PLOTE