Connect with Us

Biontech dhe Pfizer prodhojnë vaksinë të përshtatshme për Omikronin

Bota

Biontech dhe Pfizer prodhojnë vaksinë të përshtatshme për Omikronin

Publikuar

-

/

Biontechu prodhon një vaksinë të përshtatshme për Omikronin. Këtë e bëri të ditur drejtori i Biontech, Ugur Sahin, gjatë një konference për shëndetësinë. Një studim klinik për vaksinën do të fillojë në fund të janarit, shtoi ai. Sipas Biontech-ut, vaksina e modifikuar mund të livrohet që në mars, po të merren autorizimet administrative.

Agjencia Evropiane e Medikamenteve nuk ka deklaruar ende nëse e konsideron të nevojshme një vaksinë të përshtatshme për Omikron me një përbërje të ndryshme.

BioNTech: sistem paralajmërimi të hershëm për variantet me rrezik të lartë

BioNTech ka zhvilluar gjithashtu me kompaninë britanike InstaDeep një sistem paralajmërimi të hershëm për zbulimin e varianteve me rrezik të lartë të koronavirusit.

BioNTech e ka zhvilluar metodën e re llogaritëse me kompaninë britanike InstaDeep, për të parashikuar variantet me rrezik të lartë të SARS-CoV-2. Është një lloj sistemi i paralajmërimit të hershëm i bazuar në të dhënat e llogaritura nga inteligjenca artificiale (AI). Varianti i Omikronit shumë ngjitës u klasifikua nga sistemi si një variant me rrezik të lartë në ditën e parë që ishte e disponueshme sekuenca e tij.

Metoda e re kombinon strukturën e proteinës Spike me algoritmet e AI për të identifikuar variantet potencialisht të rrezikshme të virusit korona në më pak se një ditë, shpjegoi BioNTech. Për ta bërë këtë, sistemi përdor informacion nga bazat e të dhënave të sekuencës Covid, si p.sh. përshtatshmërinë virale të virusit dhe karakteristikat e tij pushtuese imune.

LEXO EDHE:  Kancerit po i vjen fundi/ Zbulohet vaksina universale

Variant i ri i padëmshëm francez

Gjatë periudhës së provës, sistemi zbuloi më shumë se 90 për qind të varianteve virale të identifikuara nga Organizata Botërore e Shëndetësisë (OBSH) dy muaj përpara. Variantet Alpha, Beta, Gamma, Theta, Eta dhe Omikron të identifikuara nga OBSH u zbuluan në të njëjtën javë që sekuenca e tyre u ngarkua për herë të parë.

Varianti i vërejtur së fundmi në Francë u vlerësua gjithashtu nga sistemi i ri. Rezultatet tregojnë se aftësia e tij për të anashkaluar sistemin imunitar është e ngjashme me atë të variantit Omikron, por ai shfaq dukshëm më pak zhdërvjelltësi. Sipas BioNTech, kjo e bën atë më pak shqetësues duke pasur parasysh të dhënat aktuale.

“Zbulimi i hershëm i varianteve potenciale me rrezik të lartë mund të jetë një mjet efektiv për të dhënë paralajmërim në kohë për studiuesit, zhvilluesit e vaksinave, autoritetet shëndetësore dhe politikëbërësit, gjë që do t’u jepte atyre më shumë kohë për të ndërmarrë veprimet e duhura kundër tyre,”tha Ugur Sahin, president i BioNTechut.

Në fund të vitit 2020, BioNTech kishte hyrë në një partneritet afatgjatë me InstaDeep, një specialist i inteligjencës artificiale, për ta ndihmuar atë të zhvillonte imunoterapi të reja./DW

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kosova & Rajoni

Rryshfet bizneseve për përfitimin e subvencioneve/ Arrestohet zyrtari i lartë i ministrisë

Publikuar

-

Nga

Zyrtari i një ministrie në Kosovë është arrestuar në flagrancë nga policia.

Ai akuzohet se kamarrë ryshfet një shumë paraash prej mijëra eurosh, nga dy biznese aplikuese dhe përfituese të subvencioneve të ndara nga Ministria përkatëse.

Lajmi është bërë i ditur nga policia kosovare.



Njoftimi i policisë:
Sot me datë 11.01.2022, nga Drejtoria për Hetimin e Krimeve Ekonomike dhe Korrupsionit – Sektori për Hetimin e Korrupsionit në Policinë e Kosovës, në koordinim me Prokurorinë Themelore në Prishtinë pas ndërmarrjes së veprimeve hetimore është realizuar një operacion me ç ‘rast është arrestuar ne flagrancë një person mashkull kosovar, i cili dyshohet se me pozitën që kishte në kuadër të një Ministrie të RKS-së, ka kërkuar dhe pranuar ryshfet shumën e të hollave prej mijëra eurosh, nga dy biznese aplikuese dhe përfituese të subvencioneve të ndara nga Ministria përkatëse. I dyshuari është intervistuar në prezencë të avokatit mbrojtës dhe me aktvendim të Prokurorit të Shtetit i njëjti ndalohet për 48 orë.

LEXO EDHE:  Mbërrijnë në Rinas mbi 30 mijë doza vaksine Pfizer

LEXO EDHE:  Kozmonautët nuk janë gati për vaksinën ruse anti-Covid

 

LEXO TE PLOTE

Bota

Papa Françesku: Vaksinimi kundër COVID-19 është detyrim moral

Publikuar

-

Nga

Papa bëri thirrje për përpjekje ndërkombëtare për të vaksinuar popullsinë e botës.

Në një fjalim drejtuar diplomatëve të akredituar pranë Vatikanit, Papa tha se pandemia COVID-19 vazhdon të shkaktojë izolim social dhe të marrë jetë, por vuri në dukje se vaksinimi i efektshëm ka ulur rrezikun nga sëmundja.

Ai tha se është e rëndësishme të vaksinohet popullsia sa më shumë të jetë e mundur, duke bërë thirrje për një angazhim në nivel personal, politik dhe ndërkombëtar.

Papa tha se secili ka përgjegjësinë të kujdeset për shëndetin e tij dhe të të tjerëve pranë tij.

“Kjo përkthehet në respekt për shëndetin e atyre që kemi përreth. Kujdesi për shëndetin është një detyrim moral”, tha ai të hënën.



Megjithatë, Papa Françesku tha se ai e kupton ekzistencën e ndasive ideologjike që ekzistojnë sot në botë, të nxitura nga informacione të pabaza dhe fakte të pambështetura në dokumente.

LEXO EDHE:  Shehu akuza Qeverisë/ “Po fshihni numrin e vërtetë të vdekjeve”

LEXO EDHE:  Ekspertët e OBSH-së/ Vaksina kineze - efikase, por mungojnë të dhëna

Ai tha se deklarata të tilla ideologjike shkëpusin logjikën njerëzore nga realiteti objektiv i gjërave.

“Vaksinat nuk janë një mjet magjik shërimi, e megjithatë ato përfaqësojnë, krahas ilaçeve të tjera që duhet të prodhohen, zgjidhjen më të logjikshme për parandalimin e sëmundjes”, tha ai.

Papa Françesku bëri thirrje për një angazhim gjithëpërfshirës nga komuniteti ndërkombëtar për t’u siguruar që “e gjithë popullsia e botës të ketë qasje të barabartë tek kujdesi thelbësor mjekësor dhe vaksinat”.

Papa bëri thirrje që të gjitha vendet të bashkëpunojnë me Organizatën Botërore të Shëndetësisë për të mbështetur qasjen universale tek mjetet e diagnostikimit, vaksinat dhe ilaçet./euronews

LEXO TE PLOTE

Kosova & Rajoni

Vazhdojnë lëkundjet e tërmetit në Greqi

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Lëkundjet e tërmetit në Greqi vazhdojnë akoma.

Sipas EMSC, në shtetin fqinj janë regjistrua lekundje te tjera 4.3 balle.

Lëkundjet janë ndjerë edhe në Korçe.



Kujtojmë që dy ditë më parë në shtetin fqinj u regjistruan lëkundje të forta tërmëti me magnitudën 5.8 ballë, duke shkatuar dëmtime të lehta në disa banesa të vjetra.

LEXO EDHE:  Ambasada ruse: Edhe pas refuzimit të Ramës, gati të ofrojmë vaksinën Sputnik V për Shqipërinë

LEXO EDHE:  Vaksinat përkundrejt varianteve të reja të Covid-19/ A do ta arrijë ndonjëherë bota imunitetin e tufës?

Ndërkohë që këto lëkundje u pasuan edhe nga 8 të tjera me magnitudë 2.9 ballë deri në 4.2 ballë të shkallës rihter./CNA.al

LEXO TE PLOTE