Sport
E bujshme, Kukësi tenton Sebastian Xhovinkon
Kukësi tenton goditjen e bujshme në merkaton e janarit. Orët e fundit ka dalë në skenë emri i Sebastian Xhovinkos, ish-fantazistit të Juventusit dhe kombëtares italiane, i cili mund t’u bashkohet verilindorëve. Burime të rezervuara të “Panorama Sport” pranë kampit kuksian konfirmojmë se nuk bëhet fjalë thjesht për një fantazi merkatoje, por një mundësi reale, edhe pse normalisht shanset janë të pakta për ta bindur që një lojtar i këtij kalibri të luajë në futbollin shqiptar.
Detyra për të negociuar i takon trajnerit Diego Longo, i cili ka edhe një njohje personale me lojtarin, pasi e ka trajnuar gjatë sezonit 2019-2020 tek Al Hilal në Arabinë Saudite. Mësohet se fillimisht ka pasur një bisedë paraprake të Longos me Xhovinkon rreth shanseve që ky i fundit të shohë si mundësi edhe ardhjen në kampionatin shqiptar.
Të dy më herët kanë punuar tek Al Hilal, ku Longo kishte rolin e zv.trajnerit, ndaj dhe njohin mirë njëritjetrin e për më tepër janë të dy italianë. m Gjithsesi, fillimisht lojtari që mbush 35 vjeç më 26 janar, nuk e ka konsideruar si mundësi, duke qenë se bëhet fjalë për një kampionat që nuk e stimulon shumë, por jo gjithçka mund të konsiderohet e mbyllur.
Komunikimi fillestar është bërë dhe “grepat” janë hedhur për të parë edhe se deri ku qëndron dëshira e lojtarit. Burimet në klub tregojnë se për momentin ish-mesfushori i Juventusit nuk ka thënë një “jo” përfundimtare, ndaj në Kukës shpresojnë që të nisin sa më parë edhe bisedimet zyrtare, për t’u ndalur më pas edhe te termat ekonomikë.
Seria A
Interi merr fitoren e madhe ndaj Lazios dhe vazhdon kryesimin
Inter ka triumfuar në derbin italian ndaj Lazios, në kuadër të xhiros së 21-të në Seria A. “Neurazzurët” triumfuan me rezultat të ngushtë 2 – 1, ndeshje që ishte mjaft e baraspeshuar. Fillimisht, Lautaro Martinez mori një top të shkëlqyer nga Alexis Sanchez dhe realizoi lehtësisht nga afërsia, mirëpo pas rishikimit të VAR-it rezultoi që ishte pozicion jashtë loje.
Ishte Alessandro Bastoni që shënoi një eurogol nga distanca për t’i dhënë epërsinë “Neurazzurëve” (30′). Megjithatë Lazio arriti të barazoi rezultatin vetëm pesë minuta më vonë përmes Ciro Immobile që u asistua nga Cataldi (35′). Më pas, ishte sërish Inter që arriti të shënone, këtë herë përmes Milan Skriniar që realizoi me kokë pas një harkimi të Bastonit (67′). Inter me këtë fitore rimerr kreun me 49 pikë, ndërsa Lazio bie vendin e tetë me 32 pike.
Seria A
Mourinho i dorëzuar: Mendoja se te Roma do ishte e lehtë
Zhoze Murinjo e ka pranuar se mendonte që me lojtarët që ka në dispozicion Roma, puna e tij nuk do të ishte kaq e vështirë. Pas humbjes kundër Juventusit ai nuk e ka fshehur dot zhgënjimin, teksa ka shpjeguar shkaqet e humbjes.
“Për fat të keq më duhet të kritikoj pasi skuadra luajti mirë për pjesën më të madhe të ndeshjes. Kemi bërë 70 minuta kontrolli absolut, me mentalitetin dhe dëshirën për të bërë lojë. Ndërrova Afena-Gian dhe ai që hyri (Shomurdov), pas një minute vetëm gabon. 3 me 2. Nëse ke një mentalitet të fortë nuk ka problem, por këtu ka ndonjë kompleksitet ndaj edhe vitin e kaluar nuk fitonin ndeshjet e mëdha.
Në fund të ndeshjes u pa që lojtarët janë të mirë, nëse ndeshja mbaronte në minutën e 70, kishim bërë një sfidë të jashtëzakonshme. Por më pas dolën në pah gjërat negative, përfshirë edhe pankinën. Është e vështirë të punoj me këtë tip skuadre, por jam këtu për këtë.
Mendoja se mund të ishte më e lehtë këtu. Loja që kemi dhuruar sot dhe në ndeshje të tjera, është rrjedhojë e talentit që kemi dhe zgjedhjeve të lojtarëve që luajnë, ka mungesë personaliteti në menaxhimin e lojës. Më janë dhënë në dispozicion tre vite dhe dua të shfrytëzoj këtë kohë deri në ditën e fundit. Është shumë e lehtë të luash për vendin 6-7, duhet të dalim nga zona e komfortit”, tha Murinjo pas duelit.
Seria A
Ndeshje e çmendur/ Juventusi përmbysje spektakolare ndaj Romës
Sfida Roma-Juventus i ka dhuruar të gjitha.E mocione të mëdha dhe spektakël i garantuar nga të dyja ekipet gjatë kësaj ndeshjeje.
Serinë e golave e hapi Roma në minutën e 11-të me një gol me kokë nga Abraham.
Shtatë minuta më vonë, në të 18-tën, Dybala barazon shifrat me një gol shumë të bukur duke e mbyllur pjesën e parë me rezultatin e barabartë 1-1.
Sapo fillon pjesa e dytë, në minutën e 48-të Mkhitaryan kalon në avantazh Romën. Në minutën e 53-të Pellegrini trefishon shifrat me një gol fantastik nga goditja e dënimit.
Dukej sikur loja kishte mbaruar por Juventus zgjohet.
Në minutën e 70-të shënon me Locatellin duke rihapur sfidën. Katër minuta më vonë Kulusevski barazon rezultatin në 3-3.
De Sciglio kryen mrekullinë duke përmbysur rezultatin në minutën e 77-të.
Në minutën e 81-të De Ligt ndëshkohet me karton të kuq dhe Pellegrini humbet një 11-metërsh.
Juventus ndodhet tashmë në vendin e pestë me 38 pikë ndërsa Roma në vendin e tetë me 32 pikë.
Shikoni golat këtu:
