Connect with Us

Brdariç: Të gjithë presin me padurim të ndeshemi me Tiranën

Sport

Brdariç: Të gjithë presin me padurim të ndeshemi me Tiranën

Publikuar

-

/

Fitorja 4-1 ndaj Tërbunit, e improvizuar pas pamundësisë për të luajtur me Prishtinën, ka kënaqur trajnerin Thomas Brdariç. Ky i fundit, pas sfidës tha për gazetarët se e rëndësishme kishte qenë që të gjithë të jepnin kontributin e tyre pa probleme në këtë javë e vetëm në ditët në vijim do të mendohej më shumë për taktikën ndaj Tiranës.

“Është një ndeshje përgatitore dhe ne përgatitemi si për ndeshjet e turneut. Në ditët e fundit kemi pasur ngarkesa të forta dhe për mua ishte gjë e madhe që mbijetuam javën e parë. Ishim në gjendje të shënonim dhe tani duam të shkojmë në javën tjetër në nivelin tjetër.

Prishtina? E dimë që jetojmë në pandemi dhe gjërat ndodhin të paparashikuara. Falënderoj ekipin e Tërbunit që patën mundësinë të vinin në Shkodër të luanin me ne. Të rinjtë e Vllaznisë? E kam thënë që në fillim që çdo gjë ka nevojë për kohë. Nuk mund të kesh sukses vetëm me disa talente. Mendoj se sezoni i kaluar ishte i suksesshëm, edhe presidenti e di që ne duhet të shohim në të dy anët, për të zhvilluar talentet dhe të kemi ekip konkurrues, të jemi në gjendje të luajmë në nivele më të lartë në Superiore. Për të pasur këtë balancë, është kombinim i mirë, por duhet të punojmë në këtë aspekt.

Tirana? Mendoj se kemi një javë për këtë ndeshje të rëndësishme. Javën tjetër do të jetë një përgatitje ndryshe nga kjo e ditëve të fundit dhe padyshim të gjithë duket se presin me padurim të luajnë me Tiranën. Edhe ne do të jemi mëse të përgatitur për përballjen. Sot ishim të përqendruar më shumë që lojtarët të merrnin minuta se ndeshja tjetër do të jetë në një ambient krejt tjetër, stadium tjetër, dinamikë tjetër, tifozë.

Tirana e Partizani po bëjnë merkato? Në do i përgjigjemi me paraqitjet e lojtarëve se kemi besim te ata, besojmë se mund të jenë në një nivel të lartë”, tha Brdariç pas sfidës.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Sport

E bujshme, Kukësi tenton Sebastian Xhovinkon

Publikuar

-

Kukësi tenton goditjen e bujshme në merkaton e janarit. Orët e fundit ka dalë në skenë emri i Sebastian Xhovinkos, ish-fantazistit të Juventusit dhe kombëtares italiane, i cili mund t’u bashkohet verilindorëve. Burime të rezervuara të “Panorama Sport” pranë kampit kuksian konfirmojmë se nuk bëhet fjalë thjesht për një fantazi merkatoje, por një mundësi reale, edhe pse normalisht shanset janë të pakta për ta bindur që një lojtar i këtij kalibri të luajë në futbollin shqiptar.

Detyra për të negociuar i takon trajnerit Diego Longo, i cili ka edhe një njohje personale me lojtarin, pasi e ka trajnuar gjatë sezonit 2019-2020 tek Al Hilal në Arabinë Saudite. Mësohet se fillimisht ka pasur një bisedë paraprake të Longos me Xhovinkon rreth shanseve që ky i fundit të shohë si mundësi edhe ardhjen në kampionatin shqiptar.



Të dy më herët kanë punuar tek Al Hilal, ku Longo kishte rolin e zv.trajnerit, ndaj dhe njohin mirë njëritjetrin e për më tepër janë të dy italianë. m Gjithsesi, fillimisht lojtari që mbush 35 vjeç më 26 janar, nuk e ka konsideruar si mundësi, duke qenë se bëhet fjalë për një kampionat që nuk e stimulon shumë, por jo gjithçka mund të konsiderohet e mbyllur.

Komunikimi fillestar është bërë dhe “grepat” janë hedhur për të parë edhe se deri ku qëndron dëshira e lojtarit. Burimet në klub tregojnë se për momentin ish-mesfushori i Juventusit nuk ka thënë një “jo” përfundimtare, ndaj në Kukës shpresojnë që të nisin sa më parë edhe bisedimet zyrtare, për t’u ndalur më pas edhe te termat ekonomikë.

LEXO TE PLOTE

Sport

Mundi Skënderbeun në miqësore, Shkëmbi: Tani do shihni një tjetër Dinamo

Publikuar

-

Trajneri i Dinamos, Bledi Shkëmbi, ka mbetur i kënaqur me paraqitjen e ekipit në testin ndaj Skënderbeut, që ishte si provë para ndeshjes së javës së 16-të të Superiores kundër Kukësit.

“Edhe pse kemi ende disa probleme të vogla, jemi stërvitur mirë këto ditë. Hodhëm në fushë një formacion miks ndaj Skënderbeut, me disa lojtarë të rinj, për të cilët shpresoj t’u japim më shumë minuta gjatë kampionatit.



Jam i kënaqur me gjendjen e disa futbollistëve që kishim disa pikëpyetje. Në këtë moment shpresojmë që të jetë grupi i plotë sa më shpejt.

Presim të afrohet edhe ndonjë lojtar, në mënyrë që të bëjmë një figurë tjetër nga ajo që kemi treguar deri më tani. Duhet të kthejmë patjetër imazhin e duhur për Dinamon”, deklaroi numri një i pankinës blu.

LEXO TE PLOTE

Seria A

Interi merr fitoren e madhe ndaj Lazios dhe vazhdon kryesimin

Publikuar

-

Inter ka triumfuar në derbin italian ndaj Lazios, në kuadër të xhiros së 21-të në Seria A. “Neurazzurët” triumfuan me rezultat të ngushtë 2 – 1, ndeshje që ishte mjaft e baraspeshuar. Fillimisht, Lautaro Martinez mori një top të shkëlqyer nga Alexis Sanchez dhe realizoi lehtësisht nga afërsia, mirëpo pas rishikimit të VAR-it rezultoi që ishte pozicion jashtë loje.



Ishte Alessandro Bastoni që shënoi një eurogol nga distanca për t’i dhënë epërsinë “Neurazzurëve” (30′). Megjithatë Lazio arriti të barazoi rezultatin vetëm pesë minuta më vonë përmes Ciro Immobile që u asistua nga Cataldi (35′). Më pas, ishte sërish Inter që arriti të shënone, këtë herë përmes Milan Skriniar që realizoi me kokë pas një harkimi të Bastonit (67′). Inter me këtë fitore rimerr kreun me 49 pikë, ndërsa Lazio bie vendin e tetë me 32 pike.

LEXO TE PLOTE