Seria A
Vendimi drastik/ Serie A me vetëm 5 mijë tifozë për dy javët e ardhshme
Asambleja e Ligës së Futbollit, e mbledhur me urgjencë për të marrë masat në këtë moment të vështirë prej COVID-it dhe ka vendosur që ndeshjet që do të luhem më 16 janar dhe 23 janar do të kenë maksimalisht 5 mijë persona që do të ndjekin ndeshjet në stadium.
Për sa i përket javës së ardhshme, e cila do të luhet nesër ashtu si edhe për Superkupën e Italisë, kapaciteti i stadiumeve do të vazhdojë të jetë 50%. Kjo është përgjigja e futbollit, pas deklaratave të kryeministrit Draghi, i cili tha se futbolli duhet të ndalet. Por Serie A ka vendosur që të mos i mbyllë dyert për tifozët.
Megjithatë, reduktimi i numrit të tifozëve është shumë lartë. Ishte një vendim i aprovuar me unanimitet që të jenë në stadium vetëm 5 mijë tifozë për dy javët pasardhëse. Por gjithashtu duhet theksuar se sektori i miqve do të jetë i mbyllur dhe në stadium do të jenë vetëm vendasit. Në Asamble morën pjesë 20 skuadrat pjesëmarrëse, të lidhura me videokonferencë.
Ky takim u bë menjëherë pas telefonatës së kryeministrit Mario Dragi drejt presidentit të Federatës Italiane, Gabriele Gravina. Mes opsioneve ishte edhe mbyllja e stadiumeve dhe luajtja e ndeshjeve pa tifozë, por ky opsion nuk i pëlqeu shumë botës së futbollit.
Seria A
Kriset muri mbrojtës i zikaltërve, titullari i Interit ka kërkuar largimin
Stefan de Vraj është pa dyshim një nga më të rëndësishmit e prapavijës zikaltër, e cila është një nga shtyllat e këtij Interi dhe paraqitjeve fantastike të tij.
Por duket se koha e 29-vjeçarit si zikaltër është drejt fundit. Pas një sërë aludimesh mbi të ardhmen e tij gjatë merkatos së verës, duket se vera që vjen do t’u japë fund zërave dhe do të vulosë përfundimisht vazhdimin e aventurës së tij jashtë Italie.
8 vitet e tij në Apenine, prej të cilave 4 të kaluara në Milano që pas transferimit me parametër zero nga Lacio, kanë qenë të mjaftueshme për futbollistin që ndien se është gati të provojë një aventurë të re.
Për këtë motiv, De Vraj nuk ka ndër mend ta rinovojë kontratën që i skadon në 2023 dhe i ka kërkuar agjentit të tij, Mino Raiola, që duhet thënë se ka qenë një nga shtysat më të mëdha për ta larguar nga Interi, të gjejë një tjetër ekip.
Preferenca e tij ngelet Anglia, aty ku ish-trajneri i tij Antonio Konte do ta priste me krahë hapur te Totenhemi.
Marrëdhënia e mirë me Raiolën duket se i ka hapur sytë futbollistit edhe për një tjetër çështje, sepse ditën e djeshme ka hedhur në gjyq ish-agjentin e tij për shkak të një shume të madhe që këta të fundit kanë përfituar në kurriz të tij, e cila shkon nga 17-22 milionë euro.
Seria A
E bujshme/ Ekuban pritet t’i bashkohet skuadrës ku aktivizohen 2 futbollistët e Kombëtares shqiptare
Konyaspor, ekipi ku luan Sokol Cikalleshi dhe Endri Çekiçi ka piketuar për sulmin, Caleb Ekuban, sulmuesin 27-vjeçar të Genoas.
Një interes të fortë e pranoi edhe vetë trajneri i klubit turk.
“Do të isha shumë i lumtur nëse Ekuban do të vinte këtu. Ai është një nga lojtarët e mi të preferuar. Kur folëm me drejtuesit tanë, thashë se mund ta përdorim atë në çdo zonë sulmuese, ai di të luajë për ekipin dhe përshtatet. Do të isha shumë i lumtur nëse transferimi do të shkonte mirë, por nuk është një operacion i lehtë”.
Seria A
Icardi drejt Juventusit, formula mban peng transferimin
Juventusi po kërkon me ngulm një sulmues dhe Mauro Icardi është ndër emrat më të lakuar. Vetë argjentinasi e do një lëvizje nga PSG.
Sulmuesi dëshiron të jetë i rëndësishëm dhe në një ekip që lufton për trofe, çka Juventusi e plotëson si kush pavarësisht se si e ka nisur sezonin aktual.
Problemi është formula e transferimit. PSG nuk dëshiron ta lërë në huazim, përveçse në huazim me detyrim blerjeje, shkruan Tuttosport.
Juventusi nga ana tjetër nuk është në gjendje ta marrë përsipër blerjen e tij për momentin dhe është në kërkim të formulës që do e çonte Icardin në Torino.
