Asambleja e Ligës së Futbollit, e mbledhur me urgjencë për të marrë masat në këtë moment të vështirë prej COVID-it dhe ka vendosur që ndeshjet që do të luhem më 16 janar dhe 23 janar do të kenë maksimalisht 5 mijë persona që do të ndjekin ndeshjet në stadium.

Për sa i përket javës së ardhshme, e cila do të luhet nesër ashtu si edhe për Superkupën e Italisë, kapaciteti i stadiumeve do të vazhdojë të jetë 50%. Kjo është përgjigja e futbollit, pas deklaratave të kryeministrit Draghi, i cili tha se futbolli duhet të ndalet. Por Serie A ka vendosur që të mos i mbyllë dyert për tifozët.

Megjithatë, reduktimi i numrit të tifozëve është shumë  lartë. Ishte një vendim i aprovuar me unanimitet që të jenë në stadium vetëm 5 mijë tifozë për dy javët pasardhëse. Por gjithashtu duhet theksuar se sektori i miqve do të jetë i mbyllur dhe në stadium do të jenë vetëm vendasit. Në Asamble morën pjesë 20 skuadrat pjesëmarrëse, të lidhura me videokonferencë.

Ky takim u bë menjëherë pas telefonatës së kryeministrit Mario Dragi drejt presidentit të Federatës Italiane, Gabriele Gravina. Mes opsioneve ishte edhe mbyllja e stadiumeve dhe luajtja e ndeshjeve pa tifozë, por ky opsion nuk i pëlqeu shumë botës së futbollit.

Është mbyllur miqësorja Dinamo-Skënderbeu e zhvilluar ditën e sotme në Kompleksin “Tropikal” në Durrës. Takimi i luajtur mes dy skuadrave të Superligës është mbyllur me fitoren 1-0 për blutë e kryeqytetit.

Golin e vetëm të ndeshjes e shënoi Redon Mihana n pjesën e parë dhe i dha fitoren Dinamos në këtë test miqësor mes dy ekipeve. Blutë e drejtuar nga Bledi Shkëmbi bën një paraqitje të mirë dhe bëhen gati për rinisjen e Superligës. Te Skënderbeu në miqësoren e sotme debutuan edhe afrimet e reja, Gino dhe Frashëri, ndërsa te Dinamo, Lilaj debutoi si titullar.

Postimi i Dinamos:

-Miqësore-

KF Skënderbeu 0-1 FC Dinamo

Ka përfunduar me fitore ndeshja miqësore e zhvilluar ditën e sotme në Durrës. Golin për blutë e shënoi Redon Mihana.

Ky ishte testi miqësor final përpara rinisjes së kampionatit fundjavën e ardhshme.

Mesfushori i përfaqësueses Shpresa, Anis Mehmeti, ka filluar vitin si një protagonist me skuadrën e Uajkomb, ky ai është kthyer në një titullar të padiskutueshëm duke kthyer ekipin në pretendent për ngjitjen në kategori.

Në ndeshjen e Ligës së Parë angleze mes Uajkomb dhe Sandërlend, ai ka gjetur golin në minutën e 13 të duelit, duke barazuar përkohësisht duelin në shifrat 1-1. Futbollisti mori topin në kufijtë e zonës dhe lëshoi një gjuajtje të pakapshme për portierin kundërshtar.

Ndeshja përfundoi me shifrat 3-3 dhe nuk ndryshoi pozitat e të dy skuadrave, pasi Sandërlend mbetet në vendin e dytë me 50 pikë, ndërsa Uajkomb në të tretin me 46 pikë. Për Mehmetin ky është goli i katërt i këtij sezoni, ndërsa ka dhënë edhe një asist.