Një grup deputetësh të Rithemelimit kanë folur për mediat, para Komisariatit numër 1 në Tiranë, ku edhe janë shoqëruar një numër i madh protestuesish.

Deputeti Flamur Noka u shpreh se nuk kishte gjë më të dhimshme për demokratët, sesa të shihnin shtëpinë e tyre të kthyer në një bunker. Sipas tij, Rama sot tentoi të tregojë se është edhe kryeministër edhe kryetar i opozitës.

“Edi Rama bëri gjithçka, dhunë dhe gjak mbi demokratët sepse pengu duhet mbatjur aty i burgosur në bunker. Demokratët duhen ndaluar të jenë opozitë sipas tij. Nuk kishte gjë më të dhimbshme për këta demokratë që janë mbrapa hekurave, kur kanë parë shtëpinë e tyre të shndërruar nga pengu dhe Edi Rama në bunker. Revolta ka bërë që ata të bëjnë gjithcka për të hyrë në shtëpinë e tyre. Nuk ka regjim Ramë apo peng të tij që të mund të ndalojë demokratët të hyjnë në shtëpinë e tyre. Rama sot me veprimin kriminal që bëri tentoi të tregojë se është edhe kryeministër edhe kryetar i opozitës.
I bëj thirrje të ndalojë lojrat me arrestimet e demokratëve”, tha Noka./CNA.al

Policia e Shtetit i është përgjigjur deklaratave të Sekretarit të Përgjithshëm të Partisë Demokratike Gazment Bardhi, i cili tha se efektivët po terrorizojnë demokratët.

Policia thotë se ajo po bën detyrën dhe personat e shoqëruar nga selia e PD është vetëm për t’u marrë në pyetje për të dëshmuar mbi dhunën në protestë.

Në reagimin e policisë theksohet se në vijim të veprimeve procedurale të kryera nën drejtimin e Prokurorisë së Rrethit Gjyqësor Tiranë, në selinë e Partisë Demokratike janë pyetur vetëm deputetët e Partisë Demokratike, ndërsa personat e tjerë që janë konstatuar brenda selisë janë shoqëruar në ambientet e Policisë se Shtetit, për t’u marrë në pyetje.

“Policia e Shtetit do të vijojë me profesionalizëm dhe vendosmëri, veprimet ligjore, për të dokumentuar të gjitha veprimet e kundërligjshme gjatë protestës së sotme dhe për të vënë para përgjegjësisë ligjore të gjithë personat përgjegjës.
Njëkohësisht, Policia e Shtetit garanton qytetarët se shërbimet e Policisë janë në terren dhe janë të angazhuara maksimalisht për të garantuar rendin dhe sigurinë”, thuhet më tej në njoftim.

Aktivistja Evi Kokalari ka komentuar deklaratat e deputetit Tomor Alizoti, i cili është shprehur se për krizën në të cilën ndodhet sot PD si Basha dhe Berisha janë bashkëfajtorë.

Pas kësaj deklarate, ka regauar Evi Kokalari, e cila përmes një statusi në rrjetet sociale shkruan se ky qëndrim i Alizotit  është i planifikuar.

Aktivistja shkruan se ai nuk e ngriti zërin javën e fundit kur pa që PD po blindohej, ndërsa sot i nxjerr të gjithë fajtorë.

“Ky momenti i daljes së Tomor Alizotit s’më pëlqen fare. Është e qartë që është i planifikuar. Pse nuk e ngriti zëri javën e fundit kur pa që PD-ja blindohej? Tha gjë t’i sjellim palët të bëjnë kompromis apo çfarëdo tjetër që mund të donte të thoshte?

E pra, sonte doli dhe i nxorri të gjithë fajtor. Tomor vetë na del hero!! Me kë tallet ky?”, shkruan Kokalari./CNA.al