web counter

E fundit!

Tre goditje në merkato, por Skënderbeu nuk i federon dot

7 Janar 2022, 11:55, Sport CNA
Tre goditje në merkato, por Skënderbeu nuk i federon dot

Përveç Erlis Frashërit, me ekipin korçar janë bashkuar së fundmi edhe dy mesfushorë. Bëhet fjalë për 27-vjeçarin Klodian Gjino, si dhe 20-vjeçarin Skerdilajd Levendi.

Megjithatë, klubi i Skënderbeut nuk ka zyrtarizuar ende asnjë afrim dhe kjo e ka një shkak.

Ashtu si në vitin e kaluar, për shkak të detyrimeve të pashlyera ndaj ish-lojtarëve që kanë fituar gjyqe me vendim të formës së prerë, FIFA ia ka bllokuar për momentin merkaton klubit korçar.

Megjithatë, në klub janë të bindur se deri në 31 janar do të bëjnë federimet që dëshirojnë, ashtu siç vepruan edhe në sesionin e kaluar të transferimeve.

Mbetet për t’u parë nëse afrime si Frashëri, Gjino dhe Levendi do të jenë gati për ndeshjen e radhës ndaj Laçit.

Lajmet e fundit nga