Protesta e 8 Janarit/ Gaz Bardhi: Berisha kërkon gjakderdhje

7 Janar 2022, 13:55, Politikë CNA

Protesta e 8 Janarit/ Gaz Bardhi: Berisha kërkon gjakderdhje

Sekretari i shkarkuar, Gazment Bardhi në një deklaratë për mediat është shprehur se me protestën e 8 Janarit, ish kryeministri Sali Berisha kërkon gjakderdhje.

Gaz Bardhi thotë se ka marrë masa për të shmangur çdo përplasje mes demokratëve. Sipas tij protesta e 8 Janari është një skenar që do të ketë akte dhune.

“PD ka marrë çdo masë teknike organizative për të shmangur çmendurinë në të cilën ka arritur Sali Berisha për të përplasur demokratët me demokratët.Është përgjegjësia jonë të mbrojmë demokratët, që kjo seli mos kthehet në një arenë ku përplasen demokratët me demokratër për t’u bërë dhurata më e cmuar e Ramës.

Ky është qëllim i protestës që ka thirrur nesër Sali Berisha e përgjegjësia jonë është të bëjmë maksimumin që kjo të mos ndodhë.

Sali Berisha kërkon sic thonë njerëzit e tij nesër gjakderdhje në selinë qendrore të PD-së. E keni lexuar deklaratën e një prej 29 anëtarëve të famshëm të atij që quhet komiteti i Rithemelimit?

Ka folur e flet për gjakderdhje në selinë qendrore të PD-së.Berisha ka provuar më shumë se një herë se tjetër gjë thotë e tjetër gjë bën.

Qartësisht sot nuk mohoi që ka skenarë dhune që pakica e udhehequr prej tij t’u imponohet shumices se demokrateve.

Ky skenar dhune ka për të dështuar se demokratët kanë betejë me regjimin e Edi Ramës”, u shpreh për mediat Gazment Bardhi./A.E-CNA.al