Connect with Us

Si duhet të sillet Amerika ndaj Kinës gjatë vitit 2022?

Politikë

Si duhet të sillet Amerika ndaj Kinës gjatë vitit 2022?

Publikuar

-

/
cna lajme blog

Nga Gordon G. Chang “Fox News”

Regjimi komunist në Kinë e sulmon Amerikën çdo ditë, dhe po çdo ditë udhëheqësit politikë të SHBA-së, dhe veçanërisht presidenti i saj, refuzojnë që të reagojnë. Po pse ndodh kjo?

“Administrata e Xho Bajden beson se ndryshimi i klimës, dhe jo Kina komuniste, përbën kërcënimin më të madh për sigurinë kombëtare të SHBA-së”- më tha në fund të muajit të kaluar Len Kodorkovski, ish-zëvendës ndihmëssekretar i Shtetit në administratën Trump.

Prandaj, presidenti Bajden ka qenë i gatshëm që t’i japë Pekinit leje për sulme të tilla, për sa kohë që zyrtarët kinezë thonë gjërat e duhura mbi neutralitetin e karbonit. Mjerisht, administrata Bajden e keqkupton tërësisht natyrën e marrëdhënieve me regjimin kinez.

Në fillim të shkurtit 2021, në fjalimin e tij kryesor mbi politikën e jashtme, Bajden tha se Kina është “rivalja jonë më serioze”. Por nuk është kjo mënyra sesi e sheh raportin dypalësh Partia Komuniste e Kinës.

Për shembull në majin e vitit 2019, “People’s Daily”, gazeta zyrtare më me peshë e regjimit, botoi një artikull që i shpallte Amerikës një ”luftë popullore”. Fatkeqësisht ajo sjellje armiqësore ka vazhduar deri në ditët e sotme.

Po përse amerikanët duhet të shqetësohen nga propaganda e Pekinit? Sepse me promovimin e vazhdueshëm të një antiamerikanizmi të ashpër, Partia Komuniste Kineze po krijon një justifikim për të goditur Amerikën.

Administrata e Bajdenit ka ngecur në politikat e dështuara të “angazhimit”, të një epoke që ka mbaruar prej kohësh. Fatkeqësisht, Bajden nuk po e vë re armiqësinë kineze. Përkundrazi ai është bërë një ”mjeshtër” i gjysmë-masave të marra në momentin e fundit.

Padyshim që ai nuk dëshiron t’i kundërvihet regjimit në Kinë. “Marrëdhënia jonë me Kinën do të jetë konkurruese kur duhet, bashkëpunuese kur ka mundësi që të jetë, dhe kundërshtare kur nevojitet”- deklaroi në marsin e vitit të shkuar Sekretari i Shtetit, Entoni Blinken gjatë një fjalimi me titull “Një politikë e jashtme për popullin amerikan”.

Sipas tij “emëruesi i përbashkët është nevoja për t’u angazhuar me Kinën nga një pozitë e fortë”. Por nga ana e tij sundimtari kinez Xi Jinping, nuk mendon se Amerika është e fortë, dhe Shtëpia e Bardhë po i përforcon sjelljet e tij të rrezikshme.

“Politika e Bajden mbi Kinën, tradhtohet nga një butësi e rrezikshme. Presidenti po ia lëshon të ardhmen Pekinit”- thotë Brendon Uajshert nga “The Ëeichert Report”. Sipas tij, ky vit është shumë me rëndësi mbi raportet SHBA-Kinë, pasi “balanca e fuqisë mund të ndryshojë në favor të Pekinit.

LEXO EDHE:  Si duhet të sillet Perëndimi ndaj bllofeve të Kinës dhe Rusisë

“Dhe sapo të ndodhë kjo, lëvizja drejt një rendi botëror të dominuar nga kinezët, mund të jetë shumë e vështirë që të ndalet nga çdo lloj lideri amerikan”- theksoi Uajshert. Por paradoksalisht, shteti kinez në dukje i pandalshëm, është shumë i brishtë kohët e fundit.

Ndër shumë probleme të tjera, ky vend po hyn në krizën e borxheve, ekonomia është në stanjacion, ka gjithnjë e më shumë mungesa në ushqime, mjedisi është i varfëruar dhe toksik, ndërsa regjimi nuk po mundet që ta kontrollojë më përhapjen e Covid-19.

Dhe si për t’i përkeqësuar gjërat, Kina është në prag të rënies më të madhe demografike të historisë në mungesë të luftës apo sëmundjeve epidemike. Deri në vitin 2065, ky vend pritet të humbasë gjysmën e popullsisë së tij.

“Arma më e fuqishme që ka Amerika për të sprapsur marshimin e Xi Jinping drejt dominimit global është ajo ekonomike”- thotë Kodorkovski. Partia Komuniste mund ta kërcënojë Amerikën vetëm me konsensusin e Uashingtonit.

Prandaj, mënyra për t’i dhënë fund kërcënimit kinez, është ndalimi i fluksit të parave nga Perëndimit drejt Kinës. Për shembull, kjo do të thotë të ndalen investimet në tregjet e Kinës dhe kapacitetet e saj industriale, diçka që Bajden mund ta bëjë duke iu referuar Aktit Ndërkombëtar të Kompetencave Ekonomike Emergjente të vitit 1977.

Për më tepër, ai mund të inkurajojë prodhimin me kosto të ulët për të stimuluar zhvillimin në vendet e Amerikës Qendrore, duke liberalizuar dispozitat e Marrëveshjes së Tregtisë së Lirë të Amerikës Qendrore, e cila hyri në fuqi në vitin 2006, dhe që përfshin edhe Guatemalën, një vend aleat i SHBA-së.

Presidentët amerikanë e kanë shpëtuar 3 herë përgjatë historisë Partinë Komuniste:Nikson në vitin 1972 gjatë Revolucionit Kulturor, Bush në vitin 1989 pas masakrës së tmerrshme të Sheshit Tiananmen, dhe Klinton në 1999 gjatë një rënieje të ekonomisë kineze.

Uashingtoni duhet të sigurohet që të mos ketë më shpëtime të tilla. Përkundrazi, administrata aktuale duhet të ndjekë shembullin dhe strategjinë e Reganit që e dërrmoi dikur ekonominë sovjetike, dhe çoi në shembjen e Bashkimit Sovjetik 30 vjet më parë.

Siç pyet më të drejtë Kodorkovski:”Pse amerikanët duhet të financojnë aeroplanmbajtësen kineze të radhës, të pranojnë gjenocidin ndaj ujgurëve, apo të investojnë në pandeminë e ardhshme?”.

Shënim:Gordon G.Chang, ekspert mbi Azinë në Institutin Gejtstoun, dhe autor i disa librave duke përfshirë “Rënia e pritshme e Kinës”.

Përkthyer dhe përshtatur nga CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Aktualitet

Trondit Spartak Braho: Një deputet rrezikon të vritet nesër në protestën e PD!/ Tregon inicialet

Publikuar

-

Nga

Ish-deputeti Spartak Braho ka bërë një deklaratë të fortë lidhur me protestën që pritet të zhvillohet nesër në selinë e PD.

 

Në një studio televizive, Braho ka paralajmëruar se nesër me datën 8 janar do të ketë dhunë duke theksuar se sipas informacioneve që ka, do të vritet një deputet i PD-së.

 

“Mos keni asnjë iluzion që nuk do të ketë dhunë, ka ardhur nga dhuna, ka jetuar me dhunën, e do ta mbullë se ku e di ai, po përsëri me dhunë. Është dhuna e ushtruar mbi të përndjekurit politik, në zgjedhjet 96, grushti shtetit ’98, e ky njeri është mësuar me dhunën. Unë kam thënë se PD është deshtament i lindur nga dhuna, ka taborrin e vet të dhunës, është ushqyer nga teoria e Berishës se me anë të hunës mund të arrihet gjithçka”, tha Braho,

 



Ish-deputeti socialist deklaroi se mund të ketë skenare vrasje, që mund të përfshijnë edhe një deputet, ndërsa dha inicialet e deputetit që mund të jetë viktimë.

LEXO EDHE:  Biden do “normalitet” me Evropën, por ajo është e dashuruar me Kinën

LEXO EDHE:  Kina “pushton” Europën/ KE pritet të marrë vendimin drastik

“Mos të keni iluzion se nuk do të ketë dhunë. Do të ketë nga këta që edhe nuk përmbahen, nga të dhënat që kam unë mund të ketë edh vrasje. Një personalitet deputet, me inicialet…, rrezikon të vritet nesër. Berisha nuk bën dot pa gjak. E.A, të ruhet, këtë këshilli i jap të ruhet nesër. Janë situata që dalin nga kontrolli që dalin nga jashtë një shenjë duhet e dalin jashtë, edhe ai nuk e ka problem se e thotë si me Azem Hajdarin që nuk e vrava unë, por Izet Haxhia”, tha ai.

Braho nuk dha me shumë detaje, por paralajmëroi deputetin që të ruajë krahët.

 

“Mos kenë iluzione, ore do të kenë dhunë, ata që do të rrethojnë Sali Beirshën nuk mbahen, do të ketë dhunë, nuk mbahen ata, i ka karikuar njerëzit, në këtë konteskt unë parashikoj që do të ketë viktima. Nga burimet e mia unë parashikoj që një E.A do të ketë një goditje pas shpine”, theksoi Braho./CNA.al

LEXO TE PLOTE

Politikë

Grupimi “Dhjetori 90″ thirrje Bashës/ “Mos guxo të përsëritësh 21 Janarin”

Publikuar

-

Nga

cna politike

Kreu i grupimit “Dhjetor 90”, Bislim Ahmetaj i është drejtuar me një letër Lulzim Bashës, ku i kërkon që të hapë dyert e PD dhe të ulet në bisedime.

Jam i bindur që asnjë demokrat apo demokrate nuk do ta dëshironte këtë situatë sa absurde, aq edhe groteske, por mbi të gjitha dramatike dhe tragjike për fatin e qindra mijera anëtarëve dhe mbështetësve të familjes së tyre politike që shëmbi diktaturën komuniste dhe ndërmori reforma të jashtëzakonshme për ndërtimin e shtetit demokratik”, shkruan Ahmetaj.

Më tej Ahmetaj është ndalur tek humbjet që kanë pësuar demokratët në këto 8 vite dhe apelon Bashën që të japë dorëheqjen se nuk është fundi i botës.

Është po kaq e vërtetë që përgjatë këtyre gati 9 viteve të drejtimin të PD-s nga ju, demokratët edhe pse janë cfilitur në përkushtim dhe sakrifica nuk kanë njohur asnjë fitore.

 Vendi ka shkuar keq e më keq dhe nga kriza në krizë.

Kjo sigurisht që tek anëtarët dhe mbështetësit e opozitës ka shkaktuar zhgënjime të mëdha, por ky nuk do të thotë që është fundi i botës as për ju , as për demokratët ndaj gjej fuqi dhe jep dorëheqje”, shkruan Ahmetaj.

Letrën, Ahmetaj e mbyll duke ripërsëritur thirrjen për bisedime me grupin për rithemelimin e PD-së.

“Ulu në bisedime me Grupin për Rithemelimin e PD-s, ulu siç je ulur me Edi Ramën, siç je ulur me Ilir Metën, siç je ulur me aleatët e tu.  

Siç je ulur me ndërkombëtarët.

Por ama ulu me qëllimin e mirë që Partia Demokratike ta rimarrë rolin e vërtetë të opozitës.

Që PDSH të frymëzojë dhe të shndërrohet në parti fituese të zgjedhjeve dhe jo më si bisht i mazhorancës socialiste.

Kjo sjellje do të tregonte që nuk je peng i askujt, kjo sjellje do të tregonte që mund të vazhdosh të kontribosh në politik, ndoshta jo si kryetar, por për aq sa mund ta rifitosh besimin e demokratëve”, shkruan ndër të tjera Ahmetaj.

Letra e plotë:

Partia Demokratike siç po e përjetoni edhe ju po kalon një situatë të jashtëzakonshme, të paparë ndonjëherrë në historinë e egzistencës së saj 31 vjecare.

Jam i bindur që asnjë demokrat apo demokrate nuk do ta dëshironte këtë situatë sa absurde, aq edhe groteske, por mbi të gjitha dramatike dhe tragjike për fatin e qindra mijera anëtarëve dhe mbështetësve të familjes së tyre politike që shëmbi diktaturën komuniste dhe ndërmori reforma të jashtëzakonshme për ndërtimin e shtetit demokratik.

Ndër vite jemi përballur me sfida dhe situata të rënda sic ka qënë ajo e vitit 1997, kur falangat e komunizmit rrëzuan rendin kushtetues me armë, por megjithatë kemi qënë më të bashkuar dhe më me besim tek forca jonë politike.

Na është vrarë në prag të derës së Selisë së PDSH, Prijësi i Lëvizjes Studentore, Kryetari i parë i PDSH, i ndritshmi Azem Hajdari dhe kemi mundur ta sfidojmë dhimbjen dhe të ringrihemi për tu shndërruar në parti qeverisëse me rezultate historike pjesë e së cilës keni qënë edhe ju.

LEXO EDHE:  Përplasja SHBA-Kinë për origjinën e Covid-19/ Trump bën një tjetër paralajmërim të fortë

LEXO EDHE:  Nga Kreshnik Spahiu/ Amerika foli troç: Mbështesim revolucionin, por jo rotacionin

Është po kaq e vërtetë që përgjatë këtyre gati 9 viteve të drejtimin të PD-s nga ju, demokratët edhe pse janë cfilitur në përkushtim dhe sakrifica nuk kanë njohur asnjë fitore.

Vendi ka shkuar keq e më keq dhe nga kriza në krizë.



Kjo sigurisht që tek anëtarët dhe mbështetësit e opozitës ka shkaktuar zhgënjime të mëdha, por ky nuk do të thotë që është fundi i botës as për ju , as për demokratët ndaj gjej fuqi dhe jep dorëheqje.

Është pikërisht koha që të tregosh që je udhëheqës i stilit liberal perendimor.

Të jesh kryetar i opozitës dhe të pretendosh të bëhesh Kryeministër i vendit nuk është aspiratë e ndaluar në një vend demokratik, por në këto rrethana kjo ambicje e juaja duket një iluzion në sirtarë, sepse jeni ju vet që e keni shuar dhe djegur këtë ëndërr tuajën dhe të demokratëve përkohësisht.

Por e përseris s’është fundi i botës as për jua as për Partinë Demokratike, as për Shqipërinë.

Ndaj si një prej drejtuesve kryesor të lëvizjes studentore, themelues i pluralizmit politik po të drejtohem me zemër në dorë, me sinqeritetin e një njëriu që është krijuar për të kontribuar dhe jo për të përfituar të ftoj që qysh sot dhe jo nesër ti ndërmarrësh disa hapa krejt të mundshëm:

Së pari: Çeli dyert e Partisë Demokratike, jo vetëm kryesoren, por që të tria.

Së dyti: Hiqi bravat nga dyert e zyrave që ju përkasin kundërshtarëve tuaj të përkohshmë në parti.

Dhe së treti: Ulu në bisedime me Grupin për Rithemelimin e PD-s, ulu siç je ulur me Edi Ramën, siç je ulur me Ilir Metën, siç je ulur me aleatët e tu.

Siç je ulur me ndërkombëtarët.

Por ama ulu me qëllimin e mirë që Partia Demokratike ta rimarrë rolin e vërtetë të opozitës.

Që PDSH të frymëzojë dhe të shndërrohet në parti fituese të zgjedhjeve dhe jo më si bisht i mazhorancës socialiste.

Kjo sjellje do të tregonte që nuk je peng i askujt, kjo sjellje do të tregonte që mund të vazhdosh të kontribosh në politik, ndoshta jo si kryetar, por për aq sa mund ta rifitosh besimin e demokratëve.

Kjo sjellje do të justifikonte formimin tuaj të pretenduar si perëndimor.

Kjo sjellje do t’ju rifarmatonte ju, por edhe politikën shqiptare për një fillim të ri.

Kjo sjellje do të tregonte se je njeri dhe për pasoj edhe mund të gabosh por njeriu normal reflekton dhe di të kërkoj falje.

Në qoftë se nuk i ndërmerr këta hapa sonte , apo përgjatë natës do ta bësh vetën përgjegjës për gjithçka do të ketë gjasa të ndodhë nesër në shtëpinë e demokratëve.

Jo vetëm përgjegjës moral por edhe penal.

Mos guxo ta përsëritësh përvojën tënde të 21 Janarit të 2011-ës si Ministër i Brendshëm, sepse jo vetëm do të përfundosh para drejtësisë por historia do të shënjoj si Luli i Zi i Shekullit të XXI-të./CNA.al

LEXO TE PLOTE

Aktualitet

Grida Duma, Rushaj, Salianji dhe Gjekmarkaj braktisin Lulzim Bashën

Publikuar

-

Nga

Dy nënkryetarët e partisë dhe dy deputetë duket se janë braktisjet e fundit të Lulzim Bashës, i thanë burime zyrtare nga PD, CNA.al. Ajo që bie në sy është se prej shumë ditësh Ervin Salianji nuk del në media të bëjë avokatinë e Lulzim Bashës, por në tavolinat miqësore thotë se ai e ka kryer misionin e tij dhe duhet të dalin të tjerët të marrin përgjegjësi.

Gjekmarkaj gjithashtu e ka braktisur mbrojtjen publike të Lulzim Bashës kur ka parë qartazi se shumica e demokratëve, anëtarësia e PD është kundër Lulit. Ajo që bie në sy është fakti se prej shumë ditësh Alfred Rushaj, nënkryetar i PD dhe kryetar i Grupit Parlamentar nuk është parë të hyjë në selinë e PD.

 

Gjithashtu Grida Duma, nënkryetarja tjetër e PD e cila e ka braktisur Lulzim Bashën. Mësohet se për t’ju shmangur çdo lloj përplasje, apo për të mos qenë aktiive në mbrojtje të Lulzim Bashës, Duma ka zgjedhur të udhetojë jashtë shtetit. Këta janë katër emrat që kanë braktisur se fundmi Lulzim Bashën.

 

Por midis tyre, pra drejtuesve dhe kryesisë ka edhe emra të tjerë të cilët nuk po flasim, dhe janë tërhequr duke bërë një hap pas, përfshirë edhe Jorida Tabakun, nënkryetaren tjetër të PD.

LEXO EDHE:  Beteja me Covid-19/ Kina dhe SHBA në garë për vaksinën

LEXO EDHE:  Beteja me Covid-19/ Kina dhe SHBA në garë për vaksinën

 



 

Janë të paktë emrat qe tashmë po e mbështesin Lulzim Bashën, përjashto ndonjë periferik dhe të papeshë në PD si rasti i Roland Bejkos apo grupi i analistëve politik turq, mbështetësit e Erdoganit siç janë Fitim Zekthi, Vehab Kola e disa të tjerë. Pesha e tyre politike është thuajse zero në PD.

 

Janë mbetjet e fundit në krah të Lulzim Bashës të cilët po përpiqen t’i japin kurajo së bashkui me Gaz Bardhin që të qendrojë i mbyllur në bunker dhe të mos e lëshojë selinë e PD sikur ta kishte pronë të tijën personale. Gjithësesi tashmë, qartazi të gjithë po e kuptojnë: Koha e Bashës ka mbaruar!

 

Nesër PD e marrin demokratët dhe këtë e ka kuptuar edhe Grida Duma, Alfred Rrushaj por edhe deputetët Salianji dhe Gjekmarkaj që kanë zgjedhur të heshtin përpara furtunës./CNA.al

LEXO TE PLOTE