Connect with Us

Të shkarkuarit e drejtësisë nuk i shpëton dot më Strasburgu/ Ish gjyqtarja e Kushtetueses, legjitimoi Vettingun

Vetingu

Të shkarkuarit e drejtësisë nuk i shpëton dot më Strasburgu/ Ish gjyqtarja e Kushtetueses, legjitimoi Vettingun

Publikuar

-

/
Në Shkurt të këtij viti, Gjykata e Strasburgut ka dhënë vendimin e parë për Vettingun në Shqipëri duke i dhënë të drejtë procesit.
Trupa në Strasburg ka rrëzuar me shumicë votash padinë e ish-gjyqtares të Gjykatës Kushtetuese, Altina Xhoxhaj e cila u shkarkua në vitin 2018. Ajo ngriti padi në Gjykatën e Të Drejtave të Njeriut në Strasburg duke e cilësuar vendimin nga trupa e Vettingut në Shqipëri si të papajtueshëm.
Ndërkohë prej vendimit të 2018 ajo është përjashtuar nga sistemi i drejtësisë për 15 vite për shkak të problemeve me pasurinë dhe aftësive profesionale. Por, si e komenton Kolegji i Posaçëm i Apelimit këtë rast, ndërsa është pyetur nga CNA.al edhe për sfidat me të cilat përballet?
Për KPA-në, rasti Xhoxhaj, do të thotë legjitim i procesit të Vettingut dhe se të shkarkuarit e drejtësisë nuk mund t’i shpëtojë më as Strasburgu.

“Që nga fillimi i funksionimit të institucionit në korrik 2017, Kolegji i Posaçëm i Apelimit ka ushtruar funksionin e tij, duke u fokusuar në garantimin e zbatimit të parimit të procesit të rregullt ligjor dhe konsolidimin e jurisprudencës së tij lidhur me specifika në interpretimin e Kushtetutës dhe ligjit.
Sipas raporteve të ekspertëve që kanë analizuar vendimet e KPA-së, Kolegji ia ka dalë “të ndihmojë në orientimin më të mirë të praktikës së vettingut, duke kontribuuar në konsolidimin dhe qartësimin e çështjeve të diskutueshme,
si psh sa i takon zbatimit parimit të proporcionalitetit në drejtim të vlerësimit tre kritereve dhe veçanërisht të pasurisë”. Me vendimin e Gjykatës Evropiane për të Drejtat e Njeriut në çështjen “Xhoxhaj kundër Shqipërisë” rrëzohen pretendimet e ngritura kundër procesit të rivlerësimit dhe legjitimohet procesi i vettingut i zhvilluar nga KPA”, nënvizon KPA. Ndërsa sfidë kryesore e Kolegjit të Posaçëm të Apelimit, si gjykata e procesit, mbetet zhvillimi i gjykimeve bazuar në parimin për një proces të rregullt ligjor, duke garantuar standarde të qëndrueshme sipas Kushtetutës dhe ligjit për të gjithë subjektet e rivlerësimit, si dhe duke përshpejtuar ritmet e gjykimit për një përfundim të çështjeve brenda mandatit kushtetues të Kolegjit.
“Në përgjigje edhe të rekomandimeve të Opinionit të Venecias, si dhe rekomandimeve të Komisionit Europian për gjykime të shpejta, Kolegji ka përmirësuar rregullat procedurale të funksionimit të tij, sidomos sa i përket përgatitjes së çështjeve dhe gjykimit të atyre që zhvillohen në seancë publike.
Gjithashtu, Kolegji është përpjekur të gjejë modalitetet e duhura në aspektin organizativ nëpërmjet harmonizimit më të mirë të proceseve që kryhen brenda strukturave të tij, duke përzgjedhur si pjesë të personelit më të mirët profesionalisht, si dhe duke kërkuar shtimin e personelit të Njësisë së Shërbimit Ligjor dhe stafit administrativ mbështetës për gjykimet.
Sikurse ka arritur të konsolidojë jurisprudencën e tij sa i përket juridiksionit të rivlerësimit, mbetet sfidë për Kolegjin konsolidimi i praktikave gjyqësore edhe në çështjet e juridiksionit disiplinor”, thekson më tej KPA.
Më tej KPA, njofton se po punon për miratimin e rregullave te brendshme dhe bazuar në legjislacionin në fuqi për shkeljet dhe procedimet disiplinore, si dhe jurisprudencën e GJEDNJ-së.
“Kolegji i Apelimit ka juridiksion të shqyrtojë shkeljet disiplinore të anëtarëve të Gjykatës Kushtetuese, të Këshillit të Lartë Gjyqësor, Këshillit të Lartë të Prokurorisë, Prokurorit të Përgjithshëm dhe Inspektorit të Lartë të Drejtësisë, si dhe shqyrton ankimet kundër vendimeve të Këshillit të Lartë Gjyqësor, Këshillit të Lartë të Prokurorisë dhe Inspektoratit të Lartë të Drejtësisë për vendosjen e masave disiplinore ndaj gjyqtarëve, prokurorëve dhe inspektorëve të tjerë. Në kuadër të këtij juridiksioni, po punohet për miratimin e rregullave te brendshme dhe bazuar në legjislacionin në fuqi për shkeljet dhe procedimet disiplinore, si dhe jurisprudencën e GJEDNJ-së”, evideon më tej KPA, në një përgjigje për CNA.al./E.S-CNA.al
Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Vetingu

“Përplasja” mes komisioneve të Vettingut/ KPK: Kemi hetuar në mënyrë të paanshme

Publikuar

-

Nga

cna lajme vetting

Kolegji i posaçëm i Apelimit ka rrëzuar disa nga vendimet që KPK  ka marrë për subjekte të caktuara.

Të paktën në 18 vendime, 1 që i përket vitit 2018, 8 vendime që i përkasin vitit 2019, 5 vendime të vitit 2020 dhe 4 vendime të viti 2021, KPA ka rrëzuar vendimin e KPK-së, duke vendosur për shkarkimin e subjekteve të rivlerësimit.

Lidhur me këto raste CNA.al ka pyetur KPK-në, se çfarë ka ndodhur?

KPK nuk ka pasur informacionet e duhura, nuk janë bërë hetime të thelluara, që KPA, ka ndryshuar vendime të KPK-së?

Por, sipas Komisionit të Pavarur të Kualifikimit, këto nuk kanë ndodhur nga neglizhenca e tyre, apo mungesa e një hetimi të detajuar.

“Ju sigurojmë se Komisioni kryen hetim të thelluar, të gjithanshëm dhe të paanshëm për çdo subjekt rivlerësimi, duke garantuar një proces të rregullt ligjor.

 Vendimet e Komisionit nuk janë të formës së prerë dhe mund të ankimohen nga Institucioni i Komisionerit Publik (IKP) apo subjektet e rivlerësimit.



Shkaqet për të cilat bëhet ankim, si dhe vendimmarrja e Komisionit shqyrtohen dhe janë në kompetencë të Kolegjit të Posaçëm të Apelimit (KPA).

 Si një nga Kolegjet e Gjykatës Kushtetuese, KPA-ja po, ashtu, orienton KPK-në përmes jurisprudencës së saj lidhur me zgjidhjen e rasteve të njëjta apo të ngjashme me objekt rivlerësimi.

Për këtë arsye, ligjvënësi është kujdesur të zbatojë parimin e kontrollit gjyqésor duke parashikuar dy shkallë gjykimi, si shkallë të parë rivlerësimi KPK-në dhe si shkallë të dytë rivlerësimi KPA-në.

 Vendimet e Kolegjit janë përfundimtare, megjithatë subjektet gëzojnë të drejtën e ankimimit edhe në Gjykatën Evropiane të të Drejtave të Njeriut (GJEDNJ) dhe, kjo, në mënyrë që atyre t’u garantohet një proces sa më i drejtë”, thuhet në përgjigjen e KPK, fimosur nga sekretari i përgjithshëm Edmond Verçani për CNA.al

Nga ana tjetër KPK, teksa evidenton sfidat me të cilat janë prballur, shprehet se nëse do t;ju zgjatet mandati do të vijojnë punën me të njëjtin angazhim dhe seriozitet.

“Vettingu i gjyqtarëve dhe prokurorëve në Republikën e Shqipërisë është një proces kompleks dhe i vështirë, për pasojë, Komisioni është përballur me sfida nga më të ndryshmet, por zbatimi i ligjit, përkushtimi dhe përvoja e këtyre viteve ka bërë që ato të tejkalohen me sukses.

Aktualisht, Komisioni është në pritje të vendimit të Kuvendit të Republikës së Shqipërisë për zgjatjen ose jo të mandatit kushtetues. Nëse ky mandat do të zgjatet, Komisioni do të vijojë punën me të njëjtin angazhim dhe seriozitet për të rivlerësuar sipas ligjit të gjithë subjektet”, thuhet në përgjigjen e KPK-së./E.S-CNA.al

LEXO TE PLOTE

Vetingu

Gjyqtarët dhe prokurorët “mbysin” Kolegjin e Apelimit/ 225 ankimime për KPK-në

Publikuar

-

Nga

cna lajme vetting

Kolegji i Posaçëm i Apelimit ka zbardhur për CNA.al, numrin e rasteve dhe vendimet që ka marrë përgjatë tre viteve që nga viti 2018 deri në vitin 2021.

Deri më 31.10.2021, në Kolegjin e Posaçëm të Apelimit janë regjistruar 225 çështje të juridiksionit të rivlerësimit.

Sipas KPA 40 çështje janë regjistruar gjatë vitit 2018, 62 çështje gjatë vitit 2019, 63 çështje gjatë vitit 2020 dhe 60 çështje deri më datë 31.10.2021. Nga 40 çështje gjatë vitit 2018, 16 janë ankimuar nga Komisioneri Publik dhe 24 nga subjektet e rivlerësimit.

Nga 62 çështjet e regjistruara gjatë vitit 2019, 11 janë ankimuar nga Komisoneri Publik, 50 nga subjektet e rivlerësimit dhe një çështje është ankimuar edhe nga subjekti i rivlerësimit, edhe nga Komisioneri Publik.

Nga 63 çështjet e regjistruara gjatë vitit 2020, 16 janë ankimuar nga Komisioneri Publik dhe 47 nga subjektet e rivlerësimit; Nga 60 çështjet e regjistruara deri më datë 31.10.2021, 13 janë ankimuar nga Komisioneri Publik, 46 nga subjektet e rivlerësimit dhe një çështje është ankimuar edhe nga subjekti i rivlerësimit, edhe nga Komisioneri Publik.

Sipas KPA, aktualisht, janë duke u shqyrtuar 105 çështje, nga të cilat 5 çështje janë nën gjykim (3 seanca publike dhe 2 dhoma këshillimi), ndërsa 100 çështje janë me status përgatitje për gjykim.

Deri në datën 31.10.2021, Kolegji i Posaçëm i Apelimit ka shpallur 120 vendime të Juridiksionit të Rivlerësimit, nga të cilat, 12 janë shpallur në vitin 2018, 34 janë shpallur gjatë vitit 2019, 42 janë shpallur gjatë vitit 2020 dhe 32 vendime janë shpallur deri në datën 31.11,002”, saktëson KPA për CNA.al.



Vendimet e KPA

Nga 120 çështje të cilat kanë përfunduar, Kolegji i Posaçëm i Apelimit ka vendosur, lënien në fuqi të Vendimit të Komisionit të Pavarur të Kualifikimit, në 88 vendime (8 janë të vitit 2018) dhe (23 janë të vitit 2019) dhe (32 vendime i përkasin vitit 2020) dhe (25 vendime i përkasin vitit 2021).

Ndryshimin e vendimit të Komisionit të Pavarur të Kualifikimit, lidhur me përmbajtjen në dispozitiv për, ndalimin e subjekteve të rivlerësimit të emërohen gjyqtarë apo prokurorë të çdo niveli, anëtar i KLGJ ose KLP, Inspektor i Lartë i Drejtësisë ose Prokuror i Përgjithshëm për një periudhë 15-vjeçare në 3 vendime (2 janë të vitit 2018) dhe (1 është i vitit 2019).

Ndryshimin e vendimit të Komisionit të Pavarur të Kualifikimit, ndërprerjen e procesit të ri verësimit dhe ndalimin e subjekteve të rivlerësimit të emërohen gjyqtarë apo prokurorë të çdo niveli, anëtar i KLGJ ose KLP, Inspektor i Lartë i Drejtësisë ose Prokuror i Përgjithshëm për një periudhë 15-vjeçare, në 1 vendim (vendimi është i vitit 2021).

LEXO EDHE:  Vettingu i politikanëve sot për votim në Kuvend

LEXO EDHE:  Sot vdiq Vettingu/ Demokracia në rrezik

Ndryshimin e vendimit të Komisionit të Pavarur të Kualifikimit, duke vendosur shkarkimin nga detyra të subjektit të rivlerësimit në 18 vendime (1 vendim është i vitit 2018), (8 vendime janë të vitit 2019), (5 vendime janë të vitit 2020) dhe (4 vendime janë të vitit 2021). Ndryshimin e vendimit të Komisionit të Pavarur të Kualifikimit, duke vendosur konfirmimin në detyrë të subjektit të rivlerësimit – 3 vendime (vendimet janë të vitit 2020).

Prishjen e vendimit të Komisionit të Pavarur të Kualifikimit dhe shkarkimin nga detyra – në 1 vendim (1 vendim i përket vitit 2019), prishjen e vendimit të Komisionit të Pavarur të Kualifikimit, ndërprerjen e procesit të rivlerësimit dhe ndalimin e subjekteve të rivlerësimit të emërohen gjyqtarë apo prokurorë të çdo niveli, anëtar i KLGJ ose KLP, Inspektor i Lartë i Drejtësisë ose Prokuror i Përgjithshëm për një periudhë 15-vjeçare , 1 vendim ( vendimi i përket vitit 2020).

Prishjen e vendimit të Komisionit të Pavarur të Kualifikimit, duke urdhëruar Komisionin e Pavarur të Kualifikimit të vazhdojë kryerjen e procesit të rivlerësimit, 1 vendim (vendimi i përket vitit 2021), prishje e vendimit të Komisionit të Pavarur të Kualifikimit, 1 vendim (vendimi i përket vitit 2021).

Pushimin e shqyrtimit të çështjes për shkak të tërheqjes së ankimit nga ankuesi – në 3 vendime (1 vendim i përket vitit 2018), (1 vendim i përket vitit 2019) dhe (1 vendim i përket vitit 2020)/ E.S-CNA.al

LEXO TE PLOTE

Vetingu

111 gjyqtarë dhe 63 prokurorë të shkarkuar/ Ne 3 vite Vettingu boshatis drejtësinë

Publikuar

-

Nga

cna lajme vetting

Vettingu në drejtësia ka nisur që në vitin 2017 si process në tërësi për të vijuar më tej në vitin 2018 kur është thirrur subjekti i parë rivlerësimit nga Komisioni i Pavarur i Kualifikimit.

Kujtojmë se subjekti i parë i rivlerësimit ka qenë Fatos Lulo nga Gjykata Kushtetuese, i cili në Mars të vitit 2018 edhe u shkarkua.

Fatos Lulo ish-gjyqtari i Kushtetuese

Dhe që nga Marsi i vitit 2018 dhe deri më sot, Komisioni i Pavarur i Kualifikimit ka rivlerësuar edhe qindra subjekte të tjera.

Në një përgjigje për CNA.al, Komisioni i Pavarur i Kualifikimit, saktëson se ka dhënë 185 vendime për konfirmimin në detyrë për 95 gjyqtarë, 79 prokurorë, 1 ish-inspektor në KLD/kandidat për Gjykatë Apeli, 1 inspektore e komanduar në ILD dhe 9 ndihmës/këshilltarë ligjorë. 

Ndërsa ka dhënë 177 vendime për shkarkimin nga detyra për 111 gjyqtarë, 63 prokurorë, 1 inspektorë në ILD dhe 2 ndihmës ligjorë.

69 vendime janë dhënë për ndërprerje të procesit për 44 gjyqtarë, 17 prokurorë, 1 ish-inspektor në KLD dhe 7 ndihmës ligjorë (neni G i Aneksit tö Kushtetutës).

8 vendime janë marrë nga KPK  për pushimin e procesit për 3 gjyqtarë, 1 prokuror dhe 4 ndihmës ligjorë në Gjykatën e Lartë (neni 56 i ligjit nr. 84/2016).

Gjithashtu janë dhënë edhe 28 vendime për përfundimin e procesit pa vendim përfundimtar për 16 gjyqtarë, 9 prokurorë dhe 1 (ish-Kryeinspektor i KLD-së dhe 2 ish-inspektorë në ILD (neni 95 i Kodit të Procedurave Administrative dhe neni 64 i ligjit nr. 96/2016).

LEXO EDHE:  Vettingu i politikanëve sot për votim në Kuvend

LEXO EDHE:  Basha në Astir/ Vettingu në politikë ndodhi, këta persona janë në krahë krimit



Ndërsa 2 vendime janë dhënë për pezullimin nga detyra të 2 prokurorëve.

Komisionit i mbeten për t’u rivlerësuar edhe 332 subjekte të tjera, bazuar nä Kushtetutën e Republikës së Shqipërisë dhe në ligjin nr. 84/2016”, thuhet në përgjigjen e KPK-së për CNA.al.

E pyetur për rastet kur janë rrëzuar raportet e Inspektoriatit të Deklarimit të Pasurisë apo Drejtorisë së Informacionit të Klasifikuar, KPK argumenton se gjithçka ndodh pasi kryehen hetime më të thelluara.

“KPK-ja nuk “rrëzon” raporte të institucioneve ndihmëse për procesin. Komisioni administron dhe u referohet raporteve dhe të dhënave të deklaruara nga subjektet në formularët e posaçm “Vetting’, të cilat përcillen nga institucionet ndihmëse si lLDKPK1-ja, DSIK-ja, si dhe nga KLGJ-ja dhe KLP-ja.

 Por nga ana tjetër, KPK-ja kryen hetimin e tij në mënyrë të pavarur dhe të thelluar pavarësisht këtyre raporteve”, thuhet më tej në përgjigjen e KPK-së.

Sa i përket pyetjes se kur mund të përfundojë ky process, ndërkohë që janë për t’u rivlerësuar edhe 332 subjekte, KPK, nuk ka një përgjigje konkrete.

Ju informojmë se mandati kushtetues 5-vjeçar i këtij organi rivlerësimi përfundon në qershor të vitit 2022, por ky, si proces, përfundon kur të rivlerësohet subjekti i fundit i listës ex-officio”,  përgjigjet KPK./E.S-CNA.al

LEXO TE PLOTE
Lajme të Rekomanduara: