Varianti i ri Covid/ Rritje rekord e infektimeve në Francë

27 Dhjetor 2021, 09:40, Kosova & Bota CNA

Varianti i ri Covid/ Rritje rekord e infektimeve në Francë

Saktësisht 104.611 raste të reja të infektimeve me virusin Corona janë regjistruar në Francë brenda vetëm 24 orësh në fundjavë ? që është shifra më e lartë që nga fillimi i pandemisë, njoftuan autoritetet franceze. Një rekord i ri infektimeve u regjistrua për të tretën ditë radhazi.

Me 4 dhjetor në Francë janë raportuar më shumë se 50.000 infeksione të reja për herë të parë. Brenda tre javësh ky numër është dyfishuar.

Incidenca shtatë ditore mbarëkombëtare tani është rreth 700.Sa për krahasim: Në Gjermani, numri i infeksioneve të reja për 100.000 banorë brenda një jave të dielën në mëngjes ishte rreth 220 – megjithëse shkalla e vaksinimit në Gjermani është më e ulët sesa në Francë.

Franca tashmë po përjeton valën e pestë të Coronës, varianti më ngjitës Omikron po përhapet në Francë, sikur edhe në shumë vende të tjera evropiane gjithnjë e më shumë. Presidenti Emmanuel Macron caktoi një video-konferencë të këshillit kombëtar të krizës Corona për të hënën. Më pas kabineti i tij mban një mbledhje të jashtëzakonshme.

Për shkak të rritjes së fundit drastike të numrit të të infektuarve me virusin Corona, qeveria në Paris do të shtrëngojë shpejt rregullat e aksesit për restorantet dhe manifestimet kulturore, për shembull. Aktualisht atje është ende në fuqi “3G?, që do të thotë se në restorante e manifestime kulturore mund të shkojnë të gjithë ata që janë të vaksinuar, shëruar në gjashtë muajt e fundit apo testuar. Ndërsa provat për këto dëshmi shënohen në libreza shëndetësie.

Në të ardhmen, vetëm një test negativ i Coronës nuk do të mjaftojë më për të marrë pjesë në jetën publike në Francë. Ashtu si në Gjermani, vetëm personat që janë vaksinuar plotësisht ose personat e shëruar – pra grupi i ashtuquajtur “2G” – do të kenë akses në shumë vende./DW