Nga Fjoralba Dizdari/ Ndarja e pushteteve, pse është e nevojshme?!

27 Dhjetor 2021, 18:35, Opinione CNA
Nga Fjoralba Dizdari/ Ndarja e pushteteve, pse është e nevojshme?!

Në Kushtetutën Amerikane kur flitet për ndarjen e pushteteve, sipas James Madison, i cili ka qënë Presidenti i 4-të i Shteteve të Bashkuara të Amerikës dhe pjesë e “Etërit Themelues” të SHBA-ve.

Madison thekson se: “Akumulimi i të gjitha degëve të pushtetetit, legjislativit, ekzekutivit dhe gjyqësorit, në të njëjtat duar, qofshin të njërit, të disave apo të shumë, qoftë të trashëguar, të vetë-emëruar apo të zgjedhur, mund të jetë me të drejtë e cilësuar në përkufizimin e tiranisë.

Parimi ndarjes së pushteteve u mishërua në Kushtetutën Amerikane, të vitit 1787, ku të treja degët e pushtetit, pra legjislativ, eksekutiv dhe gjygjësor janë të ndara dhe kontrollojnë njëri-tjetrin sipas sistemit të kontrollit dhe balancimit. Këto 3 pushtete janë zyrtarisht dhe të pavarura nga njëri-tjetri.

Secila nga këto, ka kompetenca për të kontrolluar dhe kufizuar degët e tjera që të mos bëhen shumë të fuqishme.
Doktrina e ndarjes së pushteteve ka të bëjë pra pikërishtë që pushteti i qeverisë duhet të ndahet në legjislativ, eksekutiv dhe gjygjësor.

Ndarja e pushteteve – Pse është e nevojshme?

Ndarja e pushteteve në një demokraci, ndodh për të parandaluar abuzimin e pushtetit dhe për të mbrojtur lirinë për të gjithë.
Historia ka treguar vazhdimisht se pushteti i pakufizuar në duart e një personi ose grupi, në shumicën e rasteve do të thotë që të tjerët shtypen, ose fuqitë e tyre kufizohen.

Pra, vendimi per çentralizim të pushteteve vjen si rezultat i zgjedhjeve strategjike të bëra nga politikanët sipas përfitimeve të tyre.
Kur pushteti është i çentralizuar, siç është duke shkuar në atë drejtim vëndi ynë, ndodhin abuzime të ndryshme, ashtu siç kanë qënë të shumtë këto kohë, për të cilat ne kemi dy mundësi: ose të heshtim përballë represioneve politike, ose të reagojmë në kuadër të këtyre problematikave.

Një formë reagimi mund të jenë protestat sigurisht demokratike, por gjithsesi duhet patjetër të jemi një zë i fortë i të drejtave që na takojnë, siç është e drejta e ruajtjes së privatësisë, të dhënave personale dhe abuzimeve me fondet e shtetit.

Nëse do të vazhdojmë të heshtim do të ketë skandale apo abuzime të tjera në të ardhme, zgjedhjet i bëjmë ne!
Nuk ka avokat më të mirë se zëri jonë!/CNA.al

Lajmet e fundit nga