LEXO PA REKLAMA!

SHKARKO APP

Epiqendër diplomacie dhe atraksion kulturor/ Florenc Spaho: Rama zgjedh Elbasanin për takime zyrtare

20 Dhjetor 2021, 21:06, Politikë CNA
Epiqendër diplomacie dhe atraksion kulturor/ Florenc Spaho: Rama zgjedh

Deputeti Florenc Spaho ka deklaruar se vizitat e kryeministrit me zyrtarë të huaj dhe ambasadorë në qytetin e Elbasanit, e kanë kthyer këtë të fundit në një epiqendër të rëndësishme të diplomacisë.

Më tej ai përmend edhe takimin e sotëm të Ramës me Vuçiç dhe Zaev, për të cilin thekson  se sërish u zgjodh Elbasani për të darkuar dhe për të diskutuar mbi projektet e bashkëpunimit mes vendeve të rajonit.

?Qyteti i Elbasanit këto dy muajt e fundit është përfshirë nga vizita të shumta të Kreut të Qeverisë ,  nga Ambasadorët rezidentë në Republikën e Shqipërisë, po ashtu edhe ngjarja e madhe e  takimit  dypalësh midis qeverive të  Shqipërisë dhe asaj të Kosovës ku u firmosën marreveshje të rëndësisë së veçantë.

Sonte mysafirët janë  Kryeministrat e tre shteteve të Ballkanit Perëndimor.  Fqinjët tanë janë në këtë  darkë pune në kuadër të  projektit ?Open Ballkan?, një projekt i ideuar  për të parë  së bashku për të ardhmen e përbashkët. Përsëri u  përzgjodh Elbasani dhe  qyteza e saj me e re  Fish City , e cila ndodhet shume prane qytetit.

Një qytezë model për ideimin dhe multifuksionalitetin e saj. Tërë keto vizita historike e kanë kthyer qytetin tonë në një epiqendër të rëndësishme të diplomacisë ekonomike dhe atraksion kulturor për tërë Shqiptarët e trojeve Shqiptare. Qyteti ynë  është kthyer tashmë në një pikë strategjike për t’u vizituar.

Me këto lloj mundësish të larmishme  është shumë e rëndësishme  që të krijohen pika të tjera tërheqëse,  në të cilat të zhvillohen mundësi dhe hapësira , për t’u kthyer në një burim alternativ në dobi të qytetarëve Elbasanas.

Tashme  ne kemi nje zonë ekonomike  të miratuar nga qeveria , kjo është arritje e madhe për zhvillimin e zonës. Një projekt kombëtar i përmasave rajonale do të zhvillohet së shpejti,projekti i automotoparkut i nisur dhe i marrë përsipër nga Bashkia dhe Qeveria Shqiptare do të shërbejë  për automotorizimin Shqiptar dhe aktivitetet ndërkombëtare automobilistike.

Sipas Kryeministrit, është një ëndërr e madhe e projektuar në bashkëpunim me FIA-n dhe sipas standardeve të FIM dhe CIK. Ky është Elbasani ynë , për të cilin duhet të jemi krenar dhe të përkushtohemi gjithnjë e më shumë?, shkruan Spaho në rrjetin social facebook./CNA.al

Lajmet e fundit nga