Shfrytëzonte bashkëshorten për prostitucion/ Në pranga 26 vjeçari dhe i moshuari që gjente klientët

19 Dhjetor 2021, 08:38, Kronika CNA

Shfrytëzonte bashkëshorten për prostitucion/ Në pranga 26

Policia e Tiranës ka vënë në pranga një shtetas 26 vjeç, i cili shfrytëzonte bashkëshorten e tij për prostitucion dhe ushtronte dhunë ndaj saj.

Gjithashtu është arrestuar edhe 70 vjeçari, i cili gjente klientët dhe kishte vënë në dispozicion banesën për të ushtruar prostitucionin.

“Zbulohet dhe goditet nga Komisariati i Policisë Nr. 4, një rast i shfrytëzimit për prostitucion.

Finalizohet operacioni policor i koduar ?EXPLOITATION?.

Shfrytëzonte bashkëshorten për prostitucion, duke ushtruar dhunë ndaj saj, vihet në pranga 26-vjeçari.

Në pranga edhe një 70-vjeçar që jetonte i vetëm, i cili gjente klientët dhe vinte banesën në dispozicion për të ushtuar prostitucionin 27-vjeçarja.

Specialistët për Hetimin e Krimeve në Komisariatin e Policisë Nr. 4, në bashkëpunim me Prokurorinë e Rrethit Gjyqësor Tiranë, pas një pune hetimore disamujore, bazuar edhe në informacionet e marra në rrugë operative, bënë të mundur zbulimin, dokumentimin dhe goditjen e një rasti të shfrytëzimit për prositucion nëpërmjet dhunës.

Bazuar në provat e grumbulluara, në kuadër të operacionit policor ?EXPLOITATION? u bë arrestimi në flagrancë për veprat penale ?Shfrytëzimi i prostitucionit?, ?Plagosja e lehtë me dashje? dhe ?Dhuna në familje?, i shtetasit V. Gj., 26 vjeç, banues në Tiranë.

Gjithashtu u bë arrestimi në flagrancë i shtetasit P. O., 70 vjeç, banues në Tiranë.

Nga veprimet e mirorganizuara operative dhe hetimore të specialistëve për Hetimin e Krimeve në Komisariatin e Policisë Nr. 4, u arrit të zbulohet dhe të dokumentohet plotësisht ngjarja, nga e cila rezulton se 27-vjeçarja shfrytëzohej për prostitucion nga bashkëshorti i saj, shtetasi V. GJ., i cili e dhunonte, si dhe nga shtetasi P. O“, njofton policia. / A.E-CNA.al