Gjermania paralajmëron "pasoja të rënda" për Rusinë nëse sulmon Ukrainën

19 Dhjetor 2021, 11:53, Kosova & Bota CNA
Gjermania paralajmëron "pasoja të rënda" për

Ministri gjerman i Çështjeve Ekonomike, Robert Habeck paralajmëroi, në një intervistë të publikuar të shtunën, për “pasoja të rënda” për tubacionin e gazit ?Nord Stream 2? nga Rusia në Gjermani nëse Moska sulmon Ukrainën.

Tubacioni i Detit Baltik do të dyfishojë furnizimet me gaz natyror të lirë nga Rusia në Gjermani, për të cilin ekonomia kryesore e Bashkimit Evropian thotë se është e nevojshme për ta ndihmuar atë të kalojë nga qymyri dhe energjia bërthamore.

Por projekti prej 10 miliardë eurosh (12 miliardë dollarë) ka qenë prej vitesh i ndjekur nga vonesa dhe ka tërhequr kritika të ashpra nga aleatët lindorë të Gjermanisë në BE, si Polonia dhe nga Shtetet e Bashkuara.

Kritikët thonë se projekti do të rrisë varësinë e Evropës nga gazi rus dhe Ukraina e ka përshkruar atë si një “armë gjeopolitike”.

?Çdo veprim i ri ushtarak nuk mund të mbetet pa pasoja të rënda?, tha ministri për Frankfurter Allgemeine Zeitung, duke iu referuar një dislokimi të trupave ruse në kufirin me Ukrainën.

Ai paralajmëroi se “asgjë nuk mund të përjashtohet” nëse “ka një shkelje të integritetit territorial” të Ukrainës.

Qeveria e re gjermane kërcënoi se do të bllokojë funksionimin e tubacionit nëse Rusia pushton Ukrainën.

“Në rast të përshkallëzimit të mëtejshëm, ky tubacion gazi nuk mund të hyjë në shërbim,” tha Ministrja e Jashtme Annalena Baerbock.

Habeck tha: “Nga pikëpamja gjeopolitike, gazsjellësi është një gabim”, duke shtuar: “Të gjitha vendet ishin kundër tij, përveç Gjermanisë dhe Austrisë”.

Ai shtoi: “Megjithatë, gazsjellësi është ndërtuar. Dhe çështja e vënies në shërbim të tij mbetet e hapur dhe duhet të vendoset sipas ligjit evropian dhe gjerman.”

Autoritetet gjermane janë duke pritur që kompania operuese e gazsjellësit me bazë në Zvicër “Nord Stream 2 AG” të dorëzojë dokumente për të rifilluar procesin e certifikimit.

Tubacioni më pas do të duhet gjithashtu të miratohet nga Komisioni Evropian  një proces që nuk ka gjasa të përfundojë në gjysmën e parë të vitit të ardhshëm./ A.E-CNA.al

Lajmet e fundit nga