LEXO PA REKLAMA!

SHKARKO APP

E fundit!

x

128 milionë euro për një incenerator që nuk ekziston/ Kontrata PPP, që i vuri prangat Lefter Kokës

14 Dhjetor 2021, 12:22, Politikë CNA

Ish-ministri i Mjedisit gjatë bashkëqeverisjes PS-LSI, Lefter Koka është vënë në pranga sot, pas një hetimi të SPAK në lidhje me një ndër dosjet më të akuzuara në Shqipëri, atë të inceneratorëve.

Historia e koncesionit të inceneratorëve, e quajtur nga opozita edhe si afera e shekullit, filloi pikërisht në kohën që Ministria e Mjedisit drejtohej nga Lefter Koka.

CNA.al ka publikuar një investigim të plotë në lidhje me skemën e incenetarorëve në Shqipëri.

Të gjitha kanë provuar me fakte dhe dokumente aferën korruptive të inceneratorëve, milionat e eurove që paguhen nga taksat e shqiptarëve, për llogari të Stela Gugallës, Klodian Zotos apo Mirel Mërtirit.

Janë këta pronarë inceneratorësh, të cilët më pas kanë lidhur ortakëri me pronarë dhe drejtues mediash. (Lexo këtu)

Një skemë e qartë e disa bizneseve që marrin para nga qeveria dhe më pas krijojnë ortakëri me mediat, apo drejtuesit e tyre.

Nga ana tjetër në lidhje me inceneratorët në Shqipëri ka pasur akuza të forta edhe nga politika. Për më tepër ka pasur edhe një denoncim ndaj ish-ministrit Lefter Koka, i cili sot është vënë në pranga.

Kontrata që prangosi Lefter Kokën

Historia e inceneratorëve në Shqipëri, fillon me një koncesion 22 milionë euro në Elbasan, 28 milionë euro në Fier, ndërsa shton oreksin në Tiranë, me një koncesion 128 milionë euro.

Bëhet fjalë për një kontratë koncesionare, ku ajo që bie në sy është fakt se është firmosur nga zoti Lefter Koka, pak ditë para se ai të linte detyrën si Ministër i Mjedisit, si përfaqësues i LSI-së. Kontrata është firmosur nga ministri Lefter Koka dhe nga koncesionari Integreted Energy BV SPV, nga përfaqësuesi i saj Giuseppe Ciaffaglione, në gusht të vitit 2017.

Ashtu sikurse shikohet edhe në faqen zyrtare të OpenCorporates Albania, ?Më datë 20.04.2017 është bërë shpallja e njoftimit për dhënien me konçesion të ndërtimit të Landfillit, Inceneratorit dhe rehabilitimin e venddepozitimeve ekzistuese Tiranë. Më datë 12.06.2017 u mbajt proçedura konkurruese e konçesionit, në të cilën kanë qenë pjesëmarrës operatorë ekonomikë me ofertat përkatëse:

Shoqëria “”Integrated Energy B.V.”” Vlera 128 248 330 (njëqind e njëzetë e tetë milion e dyqind e dyzetë e tetë mijë e treqind e tridhjetë) Euro pa T.V.Sh, ose 17 139 106 821 (shtatëmbëdhjetë milliard e njëqind e tridhjetë e nëntë milion e njëqind e gjashtë mijë e tetëqind e njëzetë e një) lekë pa T.V.Sh

Më datë 17.08.2017, Ministria e Mjedisit ka njoftuar shpalljen e fituesit të konçesionit duke lajmëruar se oferta e paraqitur më datë 12.06.2017 nga shoqëria “”Integrated Energy B.V.”” për Ndërtimin e Landfillit, Inceneratorit dhe Rehabilitimi i Venddepozitimeve Ekzistuese Tiranë është pranuar.?

Pra, për rreth katër muaj, nga shpallja e njoftimit për dhënien me koncesion, është firmosur edhe kontrata koncesionare./CNA.al

Dokumentet ekskluzive-Skandali me tenderin e inceneratorit/ Kompania fituese pa asnjë aktivitet biznesi, shkeljet proceduriale

Dokumentet ekskluzive-Si u garantuan 128 milion euro/ Skema korruptive e inceneratorit të Tiranës, emrat dhe kompanitë e përfshira

Dokumentet ekskluzive-Skandali me inceneratorin e Fierit/ Si u zhvatën dhjetëra milion euro nga taksat e shqiptarëve

Skandali-Nga pronarët e mediave tek kompanitë off shore/ Skema e plotë e koncesionit të inceneratorëve, emrat e përfshirë

Ish-ministri Ramës në duar të SPAK/ Si tentoi të largohej pa zhurmë nga politika

Arrestohet ish-ministri Lefter Koka

Afera e shekullit/ Dosja e inceneratorëve prangos ish-ministrin e Ramës

Inceneratorët, histori krimi dhe korrupsioni/ Si Rama tenton të ?fshihet? nga afera e shekullit

Lajmet e fundit nga