Kuvendi Kombëtar/ Qindra delegatë nisen nga Korça, iu bashkohen Saranda dhe Elbasani

11 Dhjetor 2021, 08:41, Politikë CNA
Kuvendi Kombëtar/ Qindra delegatë nisen nga Korça, iu bashkohen

Sot në orën 10:00 në stadiumin Air Albania, do të mbahet Kuvendi Kombëtar i Partisë Demokratike.

Mësohet se nga Korça janë nisur delegatët që do të marrin pjesë në Kuvend. Nisja e tyre ka filluar që mbrëmjen e kaluar por edhe në orët e para të mëngjesit.

Në qarkun Korçë, nga 628 delegatë kanë firmosur dhe do jenë pjesë e Kuvendit Kombëtar të PD-së 402 delegatë , pra afro 70 % e tyre.

Ndërkohë edhe nga qyteti i Elbasanit dhe Sarandës janë nisur delegatët për në Kuvendin Kombëtar.

Bledi Himçi Sekretar i PD në Elbasan, në një dalje për mediat i është përgjigjur sekretarit të Përgjithshëm të PD, Gazment Bardhi, duke thënë se nuk merren me fiktivitete letrash po po merren me njerëz që sot janë prezentë në kuvendin e PD, ku do të jenë të gjithë delegatët për të bërë ndryshimet stature të PD.

Ndërsa delegatët e Sarandës për në Kuvendin Kombëtar janë nisur drejt Tiranës që paraditen e djeshme, të së premtes. Sipas sekretares së degës së Sarandës, Matilda Qurku janë rreth 90 delegatë./ A.E-CNA.al

Lajmet e fundit nga