Sport
Gol “hakmarrje” ndaj Skënderbeut, Rrapaj: Ky ishte më i bukuri që kam shënuar
Arinaldo Rrapaj ishte autori i një supergoli në sfidën e luajtur kundër Skënderbeut ku Partizani fitoi 2-1. Në përfundim të sfidës mesfushori foli për paraqitjen kundër korçareve, skuadër me të cilën u aktivizua sezonin e shkuar, por lihej vazhdimisht në stol nga Memelli. Padyshim një gol “hakmarrje’ per Rrapajn, i cili tregoi sa vlen.
Goli me i bukur i shënuar deri tani?
Besoj se se ishte goli më i bukur që kam shënuar deri tani, shënova një gol të veçantë, por më i gëzuar jam që ndihmova ekipin.
Ka pasur ngërç psikologjik tek Partizani?
Mendoj se ka ndryshuar sepse kemi bërë ndeshje te mira por nuk kemi pasur fat, rastet nuk i shfrytëzuam ne maksimum. Besoj se me këtë fitore kemi bërë kthesën dhe duhet te vazhdoj kështu.
Pse vuajtët aq shumë në pjesën e dytë?
Shpresoj që të shënoj sa me shume gola, e kemi diskutuar me çunat. Kundërshtari na mbajti shume në mbrojte, falënderoj Teqjan që beri superpritje. Do te jemi gati, e dimë që do të kemi ndeshje të ngjeshura, dhe mendojmë për të fituar ndeshjen e ardhshme në Shkodër”.
Rrapaj xholi i trajnerit?
Unë më profesorin kam qenë stërvitur tek Vlora dhe ka pasur besim tek unë. Stërvitem që tja shpërblej besimin, dhe dua të vazhdoj kështu.
Topi i humbur tek goli i Korçës?
Ka qenë një keqkuptim me Kaçen.
Sport
FIFA shpall finalistët për çminin “Futbollisti i vitit”
FIFA si çdo vit po bëhet gati për eventin gala, ku do të japë çmimet për kategori të ndryshme. Së fundmi federata ka nxjerrë emrat e finalistëve për çmimin “Lojtari i Vitit”.
Tre të nominuarit për këtë çmim janë Levandovski, Mesi dhe Muhamed Salah. Për dy të parët është e kuptueshme që të jenë në finale pasi fituan shumë në sezonin e kaluar, si nga ana individuale por dhe kolektive.
Përbën çudi fakti që nuk figuron emri i Zhorzhinjos që fitoi Champions-in me Çelsin dhe Europianin me Italinë. Gjithashtu mungojnë dhe emra si Ronaldo dhe Benzema.
Seria A
Njihuni me 3 futbollistët shqiptarë më të paguar në Serinë A
Nga vëzhgimi i bërë në rrogat e lojtarëve të Serisë A, rezulton që mbrojtësi Elseid Hysaj është lojtari shqiptar më i paguar në këtë kampionat. Te skuadra e Lacios ai paguhet me një rrogë javore prej 63 mijë paundësh, çka i sjell atij një rrogë vjetore prej 3.2 milionë paundësh ose 3.9 milionë euro.
Hysaj firmosi në vitin 2021, në fillim të këtij sezoni, dhe ka një kontratë me klubin e kryeqytetit deri në vitin 2025.
Pas tij vjen fantazisti Nedim Bajrami, i cili përfiton te Empoli në Serinë A 1.87 mln paund ose 36 mijë paund në javë. 22-vjeçari luan sezonin e tij të dytë me fanellën e ekipit toskan dhe ka një kontratë që i skadon në qershor të vitit 2024.
Emri i tretë në listim vjen po nga kampionati italian, ku Tomas Strakosha paguhet 34 mijë paund në javë nga Lacio dhe në vit arkëton nga kontrata e tij 1.76 milionë paund.
Sport
Mungon vetëm viza, Reginaldo është futbollisti i ri i Dinamos
Për sulmin Dinamo ka akord me 31-vjeçarin Rexhinaldo Artur Faife, i njohur në kampionatin tonë, pasi ka luajtur me Luftëtarin, Laçin dhe Kukësin.
Burime në klub tregojnë se ai nuk po vjen ende në Shqipëri për shkak të vonesës me procedurën e pajisjes me vizë, që në vendet afrikane është jo pak problematike.
Sulmuesi pritet të mbërrijë nga dita në ditë dhe nuk do të ketë nevojë për shumë kohë që të përshtatet me skuadrën e re.
Ajo që duhet të dinë drejtuesit e Dinamos ka të bëjë me gjendjen e tij fizike, ndërkohë që lojtari duhet të kryejë më parë edhe testet mjekësore. Koha deri në ndeshjen e parë të 2022-shit po limitohet dhe blutë do ta nisin me Çinedunë titullar.
