Vazhdojnë rastet me Covid-19 në Serie A. Së fundmi klubi i Venezias ka bërë të ditur nëpërmjet një komunikate zyrtare se katër lojtarë të saj kanë rezultuar pozitivë.

Gjithashtu, një tjetër lojtar i infektuar më parë, tashmë është shëruar dhe ka rezultuar negativ në testet e kryera. “Në kuadër të ndeshjes së vlefshme për javën e 24-të të kampionatit të Serie A 2021/2022, e cila do ta shohë Venezia FC të angazhuar kundër Napolit në një ndeshje që do të luhet në stadiumin Pier Luigi Penzo, kompania njofton se katër anëtarë të klubit rezultuan pozitivë me Covid-19 pas provës molekulare të kryer ditën e djeshme.

Klubi gjithashtu ka informuar organet kompetente shëndetësore. Anëtarët janë vendosur menjëherë në izolim në përputhje me procedurat e parashikuara nga protokolli shëndetësor .

Në të njëjtën kohë, kompania komunikon negativizimin e një prej anëtarëve të saj, i cili kishte rezultuar pozitiv në javët e mëparshme.  Ai tashmë do t’i nënshtrohet kontrolleve të nevojshme mjekësore të gjendjes fizike për t’u ribashkuar me grupin e ekipit”, thuhej në komunikatën e klubit.

Bregu i Fildishtë dhe Egjipti u përballën mes tyre në Kupën e Kombeve të Afrikës, sfidë e cila për 120 minuta nuk solli asnjë gol, por “ruleta ruse” nxori fitues faraonët që kaluan edhe në fazën çerekfinale.

Një ndeshje e fortë kjo mes dy kombëtareve të cilat provuan të shënonin por pa mundur të dërgonin topin në fundin e rrjetës në minutat e rregullta, edhe shtesa prej 30 minutash nuk solli ndryshim të shifrave me rrjetat respective që mbetën të paprekura.

Duheshin penalltitë për të vendosur edhe fituesin e kësaj sfidë, ku lojtarët e Egjiptit u treguan më të saktë ndërsa Mohamed Salah shënoi penalltinë vendimtare për kombëtaren e tij.

Ivory Coast and Egypt take it to extra time 😬 #AFCON2021 pic.twitter.com/erjMllSTVb

— GOAL (@goal) January 26, 2022

Ish-trajneri i Beshiktashit, Sergen Yalçin shihet si kandidati më i mundshëm për ta marrë drejtimin e e Kosovës.

Këto janë zhvillimet e fundit që vijnë nga Turqia. Mediat turke kanë raportuar së fundmi se drejtuesit e Federatës së Futbollit të Kosovës (FFK) kanë zhvilluar bisedime me Yalçinin në Turqi. “Takvim.com.tr” shkruan se shpejtë do të merret vendimi për selektorin e ri.

“Pritet me kuriozitet të mësohet se di do t’i përgjigjet ofertës Yalçin, i cili së fundi u nda nga Beshiktashi. Thuhet se takimi i krerëve të FFK-së me Ersun Yanal ka qenë mjaft pozitiv. FFK-ja do të marrë vendimin përfundimtar shpejtë dhe me shumë gjasë do të sjellë në krye të skuadrës njërin nga dy trajnerët turq”, shkruan  “takvim.com.tr”.

Yalçin sezonin e kaluar me Beshiktashin fitoi titullin dhe kupën e Turqisë. Vlen të theksohet se ditët e fundit ka qarkulluar edhe emri i trajnerit gjerman Magath. Gjasat janë të mëdha që “dardanët” të zgjedhin një mes Yanaj dhe Yalçin. Ditët e ardhshme do të jenë vendimtare për sa i përket trajnerit të ri të Kosovës. Janë drejtuesit e FFK-së ata që do të vendosin për “timonierin” e ri që do të zëvendësoje Beranard Shalandin e shkarkuar.