Shkodra në krah të ish-kryeministrit/ 70% e delegatëve firmosin për 11 Dhjetorin

4 Dhjetor 2021, 11:37, Politikë CNA
Shkodra në krah të ish-kryeministrit/ 70% e delegatëve firmosin

Ndërsa vetëm pak ditë na ndajnë nga Kuvendi i 11 Dhjetorit, edhe sot ka vijuar prezantimi i emrave të delegatëve që kanë firmosur.

Kështu, sot ishin degët e PD-së së Shkodrës, së Pukës, së Malësisë së Madhe dhe të Vaut të Dejës që janë duke lexuar emrat e delegatëve të tyre një për për një përpara selisë së PD-së.

Irena Shala, nënkryetare PD-së në Shkodër tha para mediave së për qarkun e Shkodrës kanë firmosur për mbledhjen e Kuvendit 70% e delegatëve.

“Shkodër, Pukë, Malësi e Madhe, Vau i Dejës, jemi në masën 70% të delegatëve që kanë firmosur formularin me bindje dhe me kënaqësi për mbledhjen e Kuvendit. Por kemi një problem, pasi duke u nisur nga situata ku ndodhemi 10% e anëtarëve janë jashtë, të cilët shprehin dëshirën, por nuk kanë pasur mundësi të plotësojnë formularin. Unë kam bindjen se do të jemi më shumë më 11 dhjetor. Sicc e thashë po bëjmë transparencë.”- tha Shala.

Po ashtu, paraditen e sotme ka qënë edhe dega e PD-së së Fierit që i ka shpallur publikisht emrat e delegatëve të saj për në 11 Dhjetor./CNA.al

Lajmet e fundit nga