Sport
Fair Play Financiar/ Ndëshkohen 8 klube, nga gjobat deri tek përjashtimi
Tetë klube janë ndëshkuar nga UEFA, sepse kanë shkelur “fair-play”-in financiar. Në seksionin e parë të mbledhjes së institucionit që kontrollon financiarisht klubet (Cfcb) është deklaruar se Astana (Kazakistan), Cluj (Rumani), Cska Sofia (Bullgari), Mons Calpe (Gjibraltar), Porto (Portugali), Real Betis (Spanjë), Santa Clara (Portugali) dhe Sporting Lisbona (Portugali) nuk kanë respektuar dispozitën “asnjë borxh i skaduar”.
Astana dhe Cluj janë gjobitur respektivisht me 150 mijë dhe 200 mijë euro, ndërsa klubet e tjera janë ndëshkuar me një kontribut financiar të pakushtëzuar dhe përjashtimin e mundshëm nga kompeticionet e Uefa-s për tre sezonet e ardhshme (nëse kualifikohen), nëse nuk vërtetojnë deri në 31 janar të vitit 2022, që i kanë bërë pagesat që duhen kryer.
Është kërkuar gjobë 75 mijë euro për Cska Sofia dhe Santa Clara, 15 mijë euro për Mons Calpe, 300 mijë euro për Porton dhe 250 mijë euro për Betis dhe Sportingun.
Cfcb ka zbuluar se AEK-u i Athinës nuk ka respektuar dispozitat në lidhje me licensimin dhe Fair Play financiar dhe ka arritur një marrëveshje me klubin grek. Aek ka pranuar të paguajë 1.5 milion euro dhe do ti mbahet edhe 10% e shpërblimit që jep UEFA, nëse kualifikohet në Kupat e Europës.
Shpëton Besiktasi që ka plotësuar kërkesat që i janë vendosur verën e kaluar dhe ndaj tij nuk do të merret asnjë masë.
Sport
“Ngjarje që trondit Shqipërinë si shtet”, Agim Ademi: Duka nuk është vetëm presidenti i FSHF, është edhe anëtari i KE në UEFA
Presidenti i Federatës Kosovare të Futbollit, Agim Ademi, ka reaguar menjëherë pas vendosjes së tritolit në shtëpinë e Armand Dukës. Kështu, Ademi është shprehur se kjo është ngjarje e rëndë për Shqipërinë si shtet pasi Duka nuk është vetëm president i FSHF, por edhe anëtar i KE në UEFA.
“I tronditur me lajmin që mbrëmë vonë është sulmuar me tritol shtëpia e presidentit të FSHF-së, Armand Duka në Durrës. Akti i tillë kriminal e i shëmtuar përveç se ka shkaktuar frikë e tronditje në familjen Duka, pa dyshim është një ngjarje e rëndë edhe për futbollin shqiptar dhe Shqipërinë si shtet në përgjithësi, veçmas duke pasur parasysh faktin se z. Duka është edhe anëtar i KE të UEFA-s”, shkruan Ademi.
Seria A
“S’fitohet respekti me gola, gungaç m**i”: Ultrasit tërbohen me Vlahovic
Firence nuk i përjeton mirë këto lëvizje. Në të shkuarën e kanë provuar edhe Roberto Baggio, Federico Bernardeschi dhe Federico Chiesa. Tani të njëjtin fat ka edhe Dusan Vlahovic, i cili është pranë kalimit te Juventusi.
Lajmi i dalë në orët e vona të mbrëmjes së djeshme i ka tërbuar tifozët e Fiorentinës, që rreth stadiumit “Artemio Franchi” kanë shpallur parulla kundër sulmuesit serb.
“Respekti nuk fitohet me gola, Vlahovic, një gungaç m**i”, shkruhet në një prej pankartave të ultrasve të klubit italian, që janë të zhgënjyer nga lajmet që e çojnë sulmuesin e tyre kryesor të bardhezinjtë e Juventusit.
Ajo pankartë nuk është e vetmja për Vlahovic, pasi në një tjetër ultrasit shkruajnë: “Rojet nuk ta shpëtojnë jetën, cigan mbaroi gjithçka edhe për ty”.
Mediat në Itali raportojnë se Vlahovic është drejt Juves për 67 milion euro dhe pritet të nënshkruajë për 5 vite, një kontratë prej të cilës do të përfitojë 7 milion euro në sezon.
Premier Liga
Kapiteni i Liverpul i zemëruar, një tifoz i “vjedh” fanellën që po i jepej një tjetër tifozeje
Liverpul arriti një fitore 3-1 në fushën e Kristal Palas të dielën, e cila e ndihmoi atë t’i mbante gjallë shpresat për titull. Por kapitenit Henderson, i ndodhi një ngjarje e pakëndshme pas fundit të takimit.
Mesfushori shkoi drejt tifozëve të tij dhe hoqi fanellën, të cilën do t’ia jepte një gruaje që ndodhej mes tyre. Por papritur një tjetër fans me fëmijën e tij mbi supe e kapi fanellën përpara gruas dhe më pas u largua me vrap.
Në përpjekjen për t’u larguar më shumë, fëmija i ra nga supet. Henderson u mundua ta ngushëllonte gruan në fjalë dhe i mori një tjetër fanellë dhe ja dha asaj.
