Presidenti Ilir Meta ka folur rreth akuzave të Gazment Bardhi, i cili akuzon Metën se ka dekretuar zgjedhjet e 6 Marsit për të ndihmuar ish kryeministrin Sali Berisha.

I ftuar në emisionin Now me Erla Mëhillin, në Euronews, meta është shprehur se Bardhi nuk e meriton vëmendjen e tij, por do të sqarojë demokratët për gënjeshtrat e qëllimshme.

“Deputeti Bardhi nuk e meriton këtë vëmendje nga ana ime, por unë kam qenë detyruara të sqaroj demokratët e ndershëm që dëgjojnë gënjeshtra të qëllimshme.

E ka thënë disa herë që Gjykata Kushtetuese vërtetë që nuk e ka bërë detyrën e saj, por ai thotë që ka thënë Gjykata Kushtetuese që nuk duhet të na vinte në lëvizje ne shoqata e bashkive që kryesohej nga zonja Voltana Ademi, por ka thënë Gjykata që duhet të na vinte presidenti. Ka qenë mashtrim. Gjykata Kushtetuese në asnjë rresht të saj nuk e ka thënë dhe nuk mund të thoshte këtë gjë dhe se presidenti nuk mund të shkonte në Gjykatën Kushtetuese për dekretet e veta se nuk ka sens. Duhet të shkonte qeveria ose partitë e prekura për dekretet e presidentit, për çfarë do shkoj unë te Gjykata Kushtetuese për ti thënë Gjykatës Kushtetuese a janë dekretet e mia”, tha Meta./A.E-CNA.al

Presidenti Ilir Meta, i ftuar në emisionin “Noë” me moderatoren Erla Mëhilli në Euroneës, është shprehur se ka qenë ai që e ka paralajmëruar opozitën të mos lërë mandatet dhe të mos bojkotojë parlamentin.

“Opozita ka qenë e paralajmëruar prej meje as të mos lërë mandatet, as për të bojkutuar parlamentin.

E kam kthyer unë opozitën kur ishte lëvizja studentore. Ju kam thënë të LSi çfarë dreq partie jeni ju, që nuk shkoni në parlament  të mbështesni studentët.

Nëse jeni të rinisë dhe të studentëve paraqisnëi amendamente në mbështetje të studentëve”, tha Meta.

Ndërkaq ka theksuar edhe një herë se 25 prilli është një ndeshje e shitur dhe e trukuar.

“Unë kisha problem në 25 prill, Gjykata do shkarkojë Metën se ka dhënë intervistë tek Cim Peka.

Ndeshja ishte shitur pa filluar.

Nuk ka njeri që nuk e di që kjo ndeshje ka qenë e shitur dhe e trukuar, si zgjedhjet e viteve të 2017, publiku i di të tëra tani. I di populli të gjitha”, është shprehur Meta./A.E- CNA.al

Socialistët nuk e përjashtojnë si mundësi që në krye të shtetit të vendosin për herë të parë një grua.

Këtë e ka konfirmuar edhe kryeparlamentarja Lindita Nikolla. Ajo është shprehur se nuk përjashtohet si mundësi, por e rëndësishme është që të jetë një person me integritet moral dhe profesional.

Pyetjes nëse ka marrë një propozim për të qenë ajo presidente, në rast se Gjykata Kushtetuese shkarkon Metën, Nikolla përgjigjet:

“Jo asnjë propozim, jam duke ushtruar funksionet që më janë besuar si kryetare e Kuvendit. Jam e angazhuar për të përmbushur këtë besim të dhënë nga Partia Socialiste dhe deputetët e Kuvendit të Shqipërisë”, tha Nikolla.

Gjithashtu Nikolla ka folur për zgjedhjet e pjesshme vendore në 6 Mars, si dhe ka treguar se ku socialistët do të kenë përballjen më të fortë.

“Ju iu referuat Shkodrës, duke e evidentuar si bastion, patjetër Durrësi i cili është një qytet i madh me shumë kontribute dhe problematika”.

Përveç Lulzim Bashës, shumica socialiste do të ketë kundërshtar në zgjedhje dhe ish-kryeministrin Sali Berisha.

“Janë zgjedhje të lira, sa kohë që këto zgjedhje janë sipas ligjit patjetër janë të mirëkuptuar në atë që janë pjesë e konkurencës politike edhe në zgjedhjet lokale”, tha Nikolla.

“KQZ njeh ato parti që njeh dhe gjykata. Sot dhe gjithë ditën është i qartë spektri politik në vend sepse kjo është një normë që vendoset nga Gjykatat”, thekson Nikolla./A.E- CNA.al