Ka një sërë cilësimesh që mund të ndryshoni në aplikacion për ta bërë atë pak më privat, si nga kompania ashtu edhe nga njerëzit e tjerë që ju ndjekin apo ndiqni.

Dëshirat tuaja për privatësinë e TikTok do të ndryshojnë në varësi të mënyrës se si po përdorni aplikacionin e ndarjes së videove të shkurtra. Nëse po shpërndani përmbajtje publike, duke shpresuar të bëheni virale ose thjesht të merrni disa pelqime, të qenit i dukshëm mund të ndihmojë. Por nëse je një person që nuk kërkon shumë vëmendjen, mund të qëndroni privat.

Aplikacioni i mediave sociale përdor pothuajse gjithçka që mëson për ju për të përcaktuar se cilat video  dhe reklama, mendon se dëshironi të shihni. Si shumica e shërbimeve të mediave sociale, nuk ka asnjë mënyrë për ta bllokuar plotësisht atë nga të mësuarit informacion për ju, përveç fshirjes së aplikacionit. Megjithatë, ju mund të kufizoni informacionet tuaja apo të dhënat private.

Aplikacioni do t’ju kërkojë vazhdimisht të ndani kontaktet tuaja të smartfonit ose të lidheni me llogarinë tuaj në Facebook. Ky informacion mund të zbulojë gjëra për ju dhe njerëzit e ruajtur në pajisjen tuaj. Nëse mundeni, provoni të gjeni miq duke kërkuar në vend që të dorëzoni të gjithë rrethin tuaj shoqëror.

Ju gjithashtu mund të bllokoni qasjen në kontaktet tuaja në cilësimet e privatësisë së Android ose iOS . Nëse doni të kufizoni se sa kompania dhe reklamuesit e jashtëm janë në gjendje t’ju synojnë, TikTok ka një opsion që mund ta ndryshoni.

Shkoni te Cilësimet dhe Privatësia → Privatësia → Personalizimi i Reklamave dhe sigurohuni që çelësi për “Përdorimi i Aktivitetit Off-TikTok për shënjestrimin e reklamave” të jetë i çaktivizuar dhe gri. Kjo nuk e ndalon TikTok të synojë reklamat, por kufizon informacionin që mund të përdorë për ta bërë këtë.

Mbajeni profilin tuaj anonim

Këta hapa nuk janë vetëm për njerëzit që përdorin  TikTok. Përdoruesit duhet të jenë gjithashtu të kujdesshëm se sa informacione të identifikueshme ndajnë në aplikacion për të parandaluar probleme si ndjekja ose ngacmimi. Mos e vendosni emrin tuaj të plotë në profilin tuaj nëse ky informacion nuk është tashmë i lidhur me praninë tuaj në internet.

Bëjeni llogarinë tuaj private

Bëni llogarinë tuaj “Private” në mënyrë që të mund të miratoni se kush ju ndjek. Shkoni te Settings and Privacy → Privacy dhe aktivizoni çelësin “Private Account” në mënyrë që të jetë jeshile./ CNA.al

Nëse mikrofoni juaj i iPhone nuk funksionon, ka hapa që mund të ndërmerrni për të zgjidhur problemin.

iPhone juaj ka tre mikrofona, prandaj sigurohuni që të tre të mos jenë të bllokuar në asnjë mënyrë.

Ja disa mënyra se si të rregulloni problemin:

Sigurohuni që mikrofonët të jenë të pastër

Është e lehtë që mikrofonat e iPhone tuaj të bllokohen pjesërisht ose plotësisht nga të gjitha llojet e gjërave, duke përfshirë papastërtitë, pluhurin apo mbrojtësit e ekranit. iPhone juaj duhet të ketë tre mikrofona, ndaj kontrolloni secilin për çdo bllokim të mundshëm. Nëse është e nevojshme, hiqni kutinë ose mbrojtësin e ekranit nëse ju pengon.

Testoni mikrofonin

Është e lehtë të testosh mikrofonët për të parë nëse ato funksionojnë normalisht:

Testoni mikrofonin për telefonata. Hapni aplikacionin “Voice Memos” dhe regjistroni një memo të shkurtër, duke folur në mikrofonin në fund. Luaje përsëri dhe shiko nëse zëri është i qartë.

Provoni mikrofonin e altoparlantit. Hapni aplikacionin “Kamera” dhe regjistroni një video ndërsa flisni në mikrofonin në krye të iPhone. Luaje përsëri dhe shiko nëse tingëllon qartë.

Nëse audioja është e paqartë, ka të ngjarë të keni një problem harduerik me iPhone-in tuaj.

Çaktivizoni Bluetooth-in

Tërhiqeni Qendrën e Kontrollit nga pjesa e sipërme e ekranit dhe më pas trokitni lehtë mbi ikonën Bluetooth për të çaktivizuar përkohësisht radion Bluetooth në iPhone tuaj.

Rindizni telefonin

IPhone është një kompjuter i vogël dhe ju mund të zgjidhni shumë defekte duke e fikur dhe pastaj duke e ndezur përsëri. Kjo do të pastrojë çdo të dhënë ose softuer me probleme që mund të shkaktojnë probleme në mikrofonin e telefonit tuaj. Rindizni iPhone-in dhe më pas provoni përsëri mikrofonin.

Sigurohuni që aplikacioni juaj të ketë leje

Nëse mikrofoni funksionon në përgjithësi dhe duket se është problem vetëm në një aplikacion specifik, është e mundur që aplikacioni të mos ketë leje për të përdorur mikrofonin. Mund ta korrigjoni këtë problem duke zgjedhur aplikacionin “Cilësimet” dhe më pas duke shtypur “Privatësia”. Zgjidhni Mikrofon. Lëvizni poshtë listën e aplikacioneve dhe sigurohuni që çdo aplikacion që ka nevojë për mikrofonin të ketë leje, duke e rrëshqitur butonin e duhur djathtas./ CNA.al

Mendoni se ka ardhur momenti që të ndryshoni telefonin tuaj, apo po shihni për mundësinë për ta shitur? Patjetër që nuk duhet të bëni asnjë veprim, pa u siguruar që keni fshirë apo keni hequr gjithçka që ju përket ju nga ai smartphone.

Ja disa gjëra që duhet të bëni para të shisni apo ndërroni telefonin tuaj.

Dilni nga të gjitha llogaritë

Kjo është shumë e rëndësishme që ju duhet të dilni nga të gjitha llogaritë dhe t’i fshini këto llogari. Kjo do të heqë të gjitha kredencialet. Në këtë mënyrë, askush që përfundon me telefonin tuaj nuk do të jetë në gjendje të përdorë faturat tuaja ose informacionin e kartës së kreditit.

Para kësaj, bëni një listë të të gjitha fjalëkalimeve në mënyrë që të mund të regjistroheni për gjithçka që ju nevojitet në telefonin tuaj të ri.

Ndryshoni fjalëkalimet

Për të mbrojtur më tej veten, ndryshoni fjalëkalimet e ruajtura. Rikthimi i telefonit në cilësimet e fabrikës duhet të fshijë të gjitha fjalëkalimet dhe të dhënat. Duhet gjithashtu të siguroheni që telefoni juaj i vjetër të jetë shkëputur nga një shërbim si “Gjej telefonin tim” ose një autorizim me dy hapa për t’u identifikuar në Google.

Shkëputeni nga pajisjet e vjetra

Shkëputni çdo aksesor që lidhet me bluetooth nga telefoni i vjetër. Kjo vlen për kufjet, altoparlantët, televizorët inteligjentë dhe të ngjashme.

Hiqni kartat SIM dhe të kujtesës

Pasi të keni arkivuar, shkëputur dhe asgjësuar gjithçka, mund të hiqni me siguri kartën SIM dhe kartën e kujtesës nëse keni një të tillë. Jo vetëm që do të ruhen disa të dhëna në to, por mund t’i përdorni edhe në telefonin tuaj të ri. Nëse nuk ju nevojitet më ajo kartë SIM, thjesht mund ta prisni përgjysmë.

Bëni një kopje të atyre që dëshironi të ruani

Nëse keni një telefon për një kohë, ka të ngjarë të jetë plot me foto, regjistrime, muzikë dhe dokumente që nuk dëshironi t’i humbni. Prandaj, bëni një kopje rezervë. Ruani gjithçka që dëshironi të ruani në një kartë memorie ose në cloud. Nëse është më e lehtë për ju, mund të dërgoni gjithçka edhe me e-mail./ CNA.al