Politikë
Largimi i Bodes nga PD/ Berisha zbardh debatin me Bashën
“Bashizmin do e quajmë Boshizëm”. Kështu është shprehur ish-kryeministri Sali Berisha në foltoren e Devollit, duke theksuar se Basha ka larguar me pusi nga PD ish-ministra dhe demokratë me investim të gjatë në parti.
Duke iu referuar largimit të ish ministrit Ridvan Bode, Berisha ka zbardhur edhe diskutimin që ka bërë me Bashën, duke i kërkuar që të mos e përjashtonte nga partia, pasi ai ishte njohësi më i mirë i financave.
“Hoqi Ridvan Boden, që është nga një fshat i këtij rrethi. Te ai nuk ekziston respekti për kontributin e tij. E hoqi nga lista dhe i them si e bëre ti këtë? Unë i them ai është një nga njohësit më të shkëlqyer të financave në këtë vend. Ai ishte një gardian jashtëzakonisht i çmuar i parave publike. Nuk vinte interes tjetër më të madh se ruajtjen e tyre. Sikur dhe në opozitë të jemi, na duhej ky ne në parlament. Sikur nuk ekzistonte.
Me radhë kështu veproi me tjerët. Kërkoi të krijonte bashizmin, por ta quajmë më mire boshizmin. E konceptoi si një shkëputje nga PD. Po ti nga PD s’ke si shkëputesh. Ti mund të aplikosh parime të reja por jo të shkëputesh, sepse ne jemi parti tradicionale. Ne nuk mund të largojmë ata që kanë kontrinuar. 8 vite bashizëm janë 8 vite boshizëm, humbje dhe disfatë. Asnjë minutë nuk mund të qëndrojë më në postin që ka”, tha Berisha./CNA.al
Politikë
Zgjedhjet e pjesshme vendore/ Dashamir Shehi “këshillon” Bashën dhe Berishën
Zgjedhjet e pjesshme vendore në 6 bashkitë e vendit janë një test i rëndësishëm. Kështu është shprehur kreu i LZHK Dashamir Shehi.
Në një intervistë televizive, ai ka “këshilluar” Berishën dhe Bashën duke theksuar se PD duhet të gjejë forcën dhe kurajën për të diskutuar në mënyrë që në 6 mars të ketë vetëm një kandidat nën siglën e saj
“Janë 6 bashki dhe 3 janë të mëdha se unë i lidh me numrin e votuesve. Pastaj është Shkodra që ka qenë gjithmonë e opozitës. Unë po i ofroj mendimin tim që është i thjeshtë dhe racional, të vënë një kandidat dhe ta kapërcejnë vetveten nuk ka rëndësi nëse është i Berishës apo i Bashës. Nëse me gjithë mend duam të mundim Edi Ramën, por nëse duam të mundim njëri-tjetrin dhe unë kam frikë se është kjo e dyta atëherë le të vënë 2 kandidatë, ky është teatër dhe tallje me qytetarët”, tha ai./E.K-CNA.al
Politikë
Paloka plas skandalin/ Manipuluam votat që të bëhej Basha kryetar
Anëtari i Koisionit të Rithemelimit dhe deputeti i PD Edi Paloka ka bërë një deklaratë të fortë sa i takon zgjedhjes së Lulzim Bashës si kryetar i selisë blu.
Në një intervistë për media, Paloka u shpreh se ai është përgjegjës për situatën në PD, pasi u ka kërkuar strukturave që të manipulojnë votat për Bashën.
Kjo është edhe arsyeja që Paloka nuk është angazhuar më shumë me punimet e Komisionit, pasi vetë ai theksoi se nuk u del dot para demokratëve.
“Më vjen zorë të shkoj dhe të përballem me demokratët pasi do më thonë, ti po na thua tani për Bashën, kur më parë na the të manipulonim votat për të?
E kanë bërë të gjitha strukturat e PD-së Nisida dhe prandaj nuk mund të angazhohem më shumë me Komisionin e Rithemelimit. Jam përgjegjës i kësaj situate të rëndë që ndodhet PD-ja”, tha ai./E.K-CNA.al
Politikë
VIDEO-Reshjet e dendura të dëborës/ ARRSH apel shoferëve: Kujdes në këtë zonë!
Temperaturat e ulëta dhe reshjet e dëborës kanë mbërthyer të gjithë vendin tonë.
Autoriteti Rrugor Shqiptar ka udhëzuar drejtuesit e automjeteve të bëjnë kujdes në lëvizje duke respektuar sinjalistikën rrugore duke reduktuar shpejtësinë dhe të pajisen me zinxhirë dhe goma dimërore.
ARRSH bën me dije se mjetet borëpastruese dhe grupet e punës janë në terren për pastrimin dhe trajtimin me kripë qarkullimi kryhet pa probleme.
“Në Llogara kanë filluar reshje të dëborës mjetet borëpastruese dhe grupet e punës janë në terren për pastrimin dhe trajtimin me kripë qarkullimi kryhet pa probleme.
Drejtuesit e mjeteve duhet të bëjnë kujdes në lëvizje dhe të respektojnë sinjalistikën rrugore të reduktojnë shpejtësinë, të pajisen me zinxhirë dhe goma dimërore të ndjekin udhëzimet e Policisë Rrugore”, apelon ARRSH./CNA.al
