Analisti Mentor Kikia ka komentuar situatën në Partinë Demokratike.

Kikia deklaroi se PD sot për sot është e ndarë në dy pjesë që nuk mund të bashkohen dhe nuk mund të vijnë në pushtet të ndara.

“Basha mund të marrë selinë e PD si pasuri të patundshme. Ajo seli ka një vlerë shumë të madhe në treg se aty mund të dalin dy kulla. Dy palët janë shumë koshiente. PD është ndarë. Thirrjet që bëhen tani të ulemi apo të bisedojmë nga aktorë të dorës së parë apo të dorës së dytë. Bash aka përjashtuar të gjithë. PD është ndarë. Lufta për selinë është luftë për zyrat. Jo më për simbolikë. PD është ndarë dhe secila gjysmë nuk vjen kurrë në pushtet. Të dy kanë fituar. Basha fitoi sepse nuk doli nga zyra.

Ai shtoi se Basha duhet të shkojë përpara një procesi zgjedhor për të provuar pozitën e tij pasi herën e fundit e fitoi postin e kryetarit në sajë të mbështetjes së Berishës, që sot nuk e ka më.

“Situata në PD duhet parë në raport me faktorët që ka njëra apo tjetra palë. Basha fshihet pas asaj që quhet kryetari legjitim. Lulzim Basha dihet nga ne që nuk jemi pjesë e asaj partie, se çfarë ka përfituar nga suporti i Berishës. Basha duhet të riprovojë veten në raport me votën. Nuk mund të rrijë me idenë se jam votuar njëherë. Të gjithë e dinë kush e suportoi. Ai njeri sot ta ka hequr mbështetjen. Është kjo barrë mbi kurriz që sot ngarkon me një forcë të madhe fërkimi pjesën e Sali Berishës. Mund të mos kenë më dëshirë që partinë ta drejtojë një njeri që ka 30 e ca vite që e bën. Ndaj nëse Berisha do të hapë krahun në atë që është procesi zgjedhor brenda partisë së tij, ku është i detyruar të lejojë një parti të demokratizohet, kjo mund të çojë në një zgjidhje demokratike”, u shpreh ai./CNA.al

Më datë 6 janar në komisariatin dixhital të policisë  ka mbërritur një foto që tregonte se në godinën e PD-së qëndrojnë njerëz të armatosur.

Komisariati nr. 1 ka nisur hetimet duke mundur të identifikojë 2 nga tetë personat që shfaqeshin në foto, mes tyre sanitarja e Partisë Demokratike dhe shtetasi Rafael Kurti.

Agjentët në terren nuk kanë mundur të zbulojnë armë apo sende të tjera të jashtëligjshme.

Edhe policia në rrethe ka njoftuar se grupime të ndryshme do të kryenin akte të dhunshme në protestën e datës 8 janar, që ishte thirrur nga ish-kryeministri Sali Berisha dhe grupi i rithemelimit të Partisë Demokratike.

Sulmi i protestuesve në drejtim të selisë së Partisë Demokratike ka nisur rreth orës 11 e 15 minuta. Në dosjen e Prokurorisë thuhet se rreth orës 12 e 50 minuta, një person brenda godinës së partisë ka kërkuar ndihmën e uniformave blu me argumentin se po i rrezikohej jeta.

Pas 10 minutash, deputetet që gjendeshin në godinë kanë njoftuar sërish policinë e cila mori vendimin për të ndërhyrë.

Në total janë arrestuar 34 persona, 23 prej të cilëve kanë qëndruar jashtë godinës së selisë blu dhe 11 të tjerë në ambientet e brendshme.

Burime nga grupi hetimit thanë për Euronews Albania se shtetasit kosovarë të arrestuar me mbiemër Dervishaj kanë deklaruar se nuk kanë qenë në protestë, por pranë një lokali në afërsi të selisë të PD. Megjithatë, raporti i shërbimit të policisë thotë se këta individë kanë qëlluar me sende të forta nga jashtë selinë blu.

Në tjetër i arrestuar, nga Maqedonia e Veriut, Xhevair Georgev rezulton në dosjen e prokurorisë si i deportuar nga Belgjika për drogë.

Po sipas dosjes hetimore personat që kanë qenë brenda selisë dhe janë arrestuar si mbështetës së Bashës, si Vendim Demaj, Sokol Ndreu dhe Afrim Deda kanë deklaruar se janë përpjekur të mbrohen, por nga ana tjetër kanë mohuar të kenë dijeni mbi lëndët plasëse që u hodhën nga brenda në drejtim të protestuese.

Brenda godinës janë arrestuar magazinieri Arjan Mezini bashkë me dy persona të tjerë të identifikuar si Alban Peti dhe Stivi Luku. Ata kanë deklaruar se nuk lëviznin dot nga godina pasi kishin frikë. Ardian Myrto, një tjetër nga të arrestuarit, ka deklaruar se ka hedhur vetëm bidonë me ujë ndaj protestuesve.

Në kërkesën e dërguar në gjykatë, prokuroria ka kërkuar masën detyrim paraqitje për 30 të arrestuar dhe arrest në shtëpi për vetëm 4 prej tyre./euronews

Një aksident i rëndë ka ndodhur mbrëmjen e sotme.

Një makinë e paidentifikuar ka përplasur për vdekje një shtetas rreth moshës 60-65 vjeç.

Policia bën me dije se po punojnë për identifikimin dhe kapjen e autorit.

“Elbasan/Informacion paraprak

Më datë 11.01.2022, në aksin rrugor, Elbasan – Cërrik, një mjet ende i paidentifikuar, ka përplasur një shtetas të moshës rreth 60-65 vjeç, i cili ka humbur jetën.

Grupi hetimor po punon për zbardhjen e plotë të rrethanave të aksidentit, identifikimin dhe kapjen e drejtuesit të mjetit si dhe identifikimin e shtetasit që humbi jetën”, thuhet në njoftimin e policisë./CNA.al