Politikë
Çështja Toyota Yaris/ Manjani: Ku ka çështje parash është Basha, politikani më i akuzuar
Hetimet nga ana e drejtësisë belge për çështjen Toyota Yaris janë komentuar mbrëmjen e sotme nga Ylli Manjani.
Në një intervistë për media, Manjani u shpreh se dokumentet e publikuara janë autentike, ndërsa shtoi se kryetari aktual i PD është i detyruar të dëshmojë përpara autoriteteve belge.
Duke iu referuar çështjeve penale në ngarkim të Lulzim Bashës, Manjani shtoi se kudo ku ka histori parash, gjendet i përfshirë Lulzim Basha.
“Lulzim Basha është politikani që është shfaqur më shumë në derën e Prokurorisë dhe i akuzuar më shumë se kushdo tjetër. Ka dy akuza penale të ngritura nga Prokuroria për këtë zotëri. E ka akuzar për rrugën Durrës-Kukës, u akuzua për pastrim parash për dosjen e Nik Muzin, tjetër gjë si u mbyll. Por është me akuzë. Asnjë politikan tjetër nuk ka dy akuza zyrtare të ngritura në kurriz. Dhe kudo ku ka muhabete lekesh, gjendet ky njeri. Si është e mundur?”, u shpreh Manjani.
Dokumentet e nxjerra janë autentike. Ajo që prezantohet në media është pjesë e një kronologjie që përpilohet në zyra jashtë prokurorisë, nuk është pjesë e sekretit të prokurorisë, nuk është dosje hetimore. Po të ishte dëshmia e Bashës kjo po që mund të ishte pjesë e dosjes hetimore. Pra, erdhi kjo letër, u dërgua kjo.
Unë si ish-ministër kujtoj që për çështjen e Klemend Balilit vetëm kam bërë publike kronologjinë ku erdhi, ku shkoi, por pa parë brenda brendinë e dokumenteve. Thelbi i gjithçkaje është që drejtësia belge kërkon dëshminë e Lulzim Bashës dhe këtë ai do ta japë në vertikale, kryetar partie, jo kryetar partie, i dorëhequr, i shkarkuar ose jo, me Kongres, pa Kongres. Të qenit kryetar i PD mund t’i shkojë ngarkesë në agjendë, por që do dëshmojë nuk shpëton. Pyetja që kam është pse ka frikë Lulzim Basha të dëshmojë“, tha Manjani./CNA.al
Politikë
“Në PD ka një pakicë uzurpuese”/ Kaso: Përjashtimet e Bashës janë nul, është shkarkuar
Anëtari i Komisionit të Rithemelimit Ivi Kaso u shpreh se selia e PD është uzurpuar nga një pakicë.
Kaso komentoi përjashtimet e deputetëve që janë pjesë e këtij komisioni, ndërsa i ka cilësuar nul këto vendime, pasi sipas tij që nga 11 dhjetori nuk ka një kryesi legjitime.
“Është në vijim të veprimeve të paligjshme që një pakicë uzurpuese vijon të kryejë me qëllim që të ushqejë opinionin publik me gjëra që sikur po ndodhin në PD. Ka patur një Kuvend legjitim të thirrur nga anëtarësia në 11 dhjetor”, u shpreh ai në ABC News.
Kaso thotë me tej se sipas rregullores së Kuvendit deputetët organizohen sipas përkatësisë partiake ose orientimit politik. Ai thotë se përjashtimet nuk mund të vijnë nga një shkresë e ish-kryetarit të partisë, duke iu referuar shkarkimit të Lulzim Bashës.
“Kryesia në thonjëza e PD është konsideruar nga Kuvendi Kombëtar si e pakonstituar. Që nga data 11 dhjetor e kemi të pamundur të kemi një kryesi legjitime. Të gjithë aspektet e tjera kanë të bëjnë me pjesën ekstraligjore. Pjesa që i takon Kuvendit është që ka vetëm një parashikim në rregullore, neni 15, që parashikon që grupet parlamentare përbëhen nga deputetët që organizohen në dy mënyra, sipas përkatësisë partiake ose orientimit politik.
Është rregullorja e parlamentit që e normon një gjë të tillë. është grupi parlamentar që zgjedh kryetarin. Është Kuvendi që i vë në dispozicion ambientin e Kuvendit. E njeh deputetin si personalitet juridik dhe organizëm të gjallë. Përjashtimi nuk vjen nga një shkresë e ish-kryetarit të partisë”, u shpreh Kaso./CNA.al
Politikë
“Të dorëzojë detyrën e Presidentit”/ Manjani akuza të forta Metës: Është kompromentuar
Ish-ministri i Drejtësisë, Ylli Manjani ka hedhur akuza ndaj Presidentin Meta.
I ftuatr në A shoë, Manjani tha se Meta është kompromentuar në detyrën e kreut të shtetit, kur deklaroi se shtyu zgjedhjet e 30 qershorit me kërkesë të Lulzim Bashës.
“Ilir Meta ka shumë burrni dhe duhet t’i qëndrojë burrnisë së një fjale. Nëse do t’i rrish tezës që nuk do t’i dekretosh zgjedhjet…qëndrimi në raport me zghjedhjet lokale ka qenë i sforcuar. Argumenti që dha së fundmi se kishte qarë Lulzim Basha që të shtynte zgjedhjet, e kompromenton. Cili është qëndrimi? Ky argument ishte nga më të ultit, më i pavlerë. Zhdekretova zgjedhjet se qau Lulzim Basha. Në këtë kuptim presidenti merr përgjegjësi, është institucion.
Së treti, a duhen dekretuar apo jo? Unë mendoj që ky president nuk ka më kredo publike për ta çuar dhe mbyllur këtë mandat dhe këto muaj, rruga më e drejtë do të ishte dorëzimi i detyrës dhe lejimi i një presidenti tjetër që të dekretonte zgjedhjet në kushte normale. Kjo është në raport të presidentit me zgjedhjet. Kjo pikëpamje duhet të qëndrojë në raport me publikun, në raport me detyrën.
Kjo sjellje e kompromenton detyrën e presidentit. Unë nuk mendoj se duhet shkarkuar për këtë fakt. Unë pres që kushtetuesja të shprehet jo vetëm në raport me Ilir Metën, por të shprehet se kush janë kriteret kushtetuese si duhet të sillet një president që të quhet kushtetues. Pra, të përkufizohet roli kushtetues i presidentit. Kjo do të ishte më e drejta, Ilir Meta të hapte rrugën dhe t’ia linte dikujt tjetër”, u shpreh Manjani./CNA.al
Politikë
“Ne e bëmë Bashën kryetar partie dhe bashkie”/ Bylykbashi: Do ndërtohet demokracia e brendshme në PD
Zhvillimet e fundit në Partinë Demokratike kanë qenë në fokus të diskutimit të deputetit Oerd Bylykbashi, i cili ka kundërshtuar veprimet e Lulzim Bashës.
Në një intervistë televizive, ai tha se Basha ka dështuar vazhdimisht, duke shtuar se do të ndërtohet demokracia e brendshme në PD.
“Duam të rindërtojmë demokracinë në PD. Nëse do ketë sukses, do ketë ndikim edhe më gjerë se Partia Demokratike. Basha premton diçka që nuk është përcaktuar në të ardhmen. Basha është si film me seri, që përsëritjet i ngjajnë njëra-tjetrën. Basha ka dështuar në mënyrë të vazhduar në politikë. Basha sot është i ri, por është i plakur në atë vend, duke mos ndryshuar dot as veten dhe as gjendjen për PD-në dhe vendin.
U kuptua se kush është Basha dhe ai zhgënjeu demokratët. Me Berishën, demokratët janë mësuar që të sulmojnë dhe kanë fituar. Partia janë njerëzit e baza. Rama ndihmon qartësisht Bashën. Ne e bëmë Bashën kryetar partie, me ndihmën tonë absolutisht, fituam ne demokratët Bashkinë e Tiranës. Duhet të shkëputemi nga e shkuara dhe të vazhdojmë përpara”, deklaroi Bylykbashi./CNA.al
