Connect with Us

Përgjimet-Si ra në kurth shefi i krimit të organizuar/ Pseudonimi i tij në rrjetin e trafikantëve të drogës

Kronika

Përgjimet-Si ra në kurth shefi i krimit të organizuar/ Pseudonimi i tij në rrjetin e trafikantëve të drogës

Publikuar

-

/
cna lajme kronike

Ish-shefi i Sektorit të Luftës Kundër Krimit të Organizuar në Drejtorinë e Policisë së Vlorës, Gjergji Kohila, është dënuar  nga Gjykata e Posaçme për Korrupsionin dhe Krimin e Organizuar me 8 vite burg.

Ai u dënua për trafik të lëndëve narkotike në kuadër të grupit të strukturuar kriminal të Habilajve në Vlorë.

Hetimet janë bazuar edhe në disa përgjime që dolën në dritë në vitin 2017, dhe ky dyshohej se Gjergji Kohila kishte pseudonimin  “Fiati”

Përgjimet

Mesazhet e shkëmbyera ndërmjet komunikuesve “Agushi” dhe “Fiati” ky i fundit dyshohet se përdorej nga Gjergj Kohilla, njoftojnë dhënien e informacioneve, nga ky i fundit, për hetimet e kryera, konkretisht:

 “Agushi: O vlla si je, ça bëhet? Po lëviz, vllai, nëpër Vlorë, po thjesh me familjen, s’bëj asgjë, të dal normalisht vlla… se jan hap llafe, jan prer ca urdhër arresti, vlla, për mua, atë kusurin tim, e ca çuna të tjerë… apo llafe Vlore?

 Fiati: unë s’di gjë vëlla. Por duhet të ket prova që të priten urdhra arresti. Ju kan kapur gjë?! Po s’kan prova, s’ka urdhër arresti. Njerëzit ju din në burg. Po me këto intriga që bëre ti me atë timin, çuditen kur ju shohin jashtë.

Agushi: Ça intriga bëra un, o vlla?! Vetëm un s’bëj intriga. Të përshëndeta qëpar, s’më pe. Mua ma bën intrigën, më morën në qaf, po varja o vlla, po të jet ndonjë gjë, më thuaj të ndërhyj. Në Tiranë kam njerëz. Po ç’ne na din në burg, ne ça kemi bër apo baçja jon, ne përball i kishim, dhe është me 100 mijë rrënjë, nuk i shikojn, kjo jona dukej! Hahahaha.

Fiati: Hahahahaha.

Agushi: O vlla, të rri vllai i qet në shtëpi, se vetëm te llafi jot kam besim.

Fiati: Ri o vëlla. Unë kam sjell atë timin në punë. Po nuk është se dukej baçja. Dukeshit ju më shum se baçja. Sikur kishit 200 mijë.

Agushi: Ok vlla, ore të pyes ty un, pa atë s’e pyes më un, varja iku ajo, rëndësi ka të jemi të qetë tani, vlla”.

Bisedë e datës 28 shtator 2016

“Fiati: Ça bëre, mirë? Si ke qënë?

Agushi: Mir vlla si je ti, tani e pashë.

Fiati: Bëj kujdes nga nesër!

Agushi: S’po e kuptoj vlla?

Fiati: Se do kesh grupe nga nesër, nga pas!

Agushi: Ça ka ndodh?

Fiati: Kan ardhur këta të vëzhgimit, për atë që kishit…

Agushi: Ka ndonjë rrezik se un asgjë s’bëj më. Ça do vëzhgojnë ata!? Kur çoj djalin në kopsht, vlla.

Fiati: Po s’bën gjë. Rri në shtëpi, mos e vra mendjen.

Agushi: Po vlla, asgjë s’po bëj më, i kam bër stop gjithçka.

Fiati: Shko porosit ata djemtë që kishit lart, të ken kujdes, se do jen dhe ata në vëzhgim. Hiqu numrat e tel… Mos harro!

Agushi: Ok vlla, sa do zgjas kjo, po ata s’merren me asgjë, një punon kamerier, një në pik llotoje, jan me pak llafe, hallexhinj, vlla…

Fiati: E di, por thuaj të bëjn kujdes, s’ka problem. Kanë shkruajtur prap ata të Shikut.

Agushi: Po un të dal nesër, vlla, normalisht jetën e përditshme?

Fiati: Do keni ndonjë spiun brenda!

Agushi: Po për ça do spiunoj tani, o vlla, as me asnjë nuk po takohem, më…

Fiati: Ok, mos u thuaj me kë flet ti, se flasin në tel ata, e s’na thon më gjë neve ata.

Agushi: Të dal normal nesër un, vlla, jetën e përditshme apo të fshihem? Ok, pa merak, jo vlla, jo si e do i them.

Fiati: Dil normalisht, mos e vra mendjen, po s’bën gjë. Porositëm ata djemtë të rrinë mirë! Hë, mos e vra mendjen fare.

Agushi: Ok vlla, jo jo vlla asgjë, po të bëja do ishe i pari do të thoja, vlla dhe, do të pyes kur të filloj pun.

 Fiati: Ok”.

Bisedë e datës 2 tetor 2016.

“Agushi: Ç’ishte ky lajmi, po lexoja s’më pëlqeu, apo s’ka lidhje?

 Fiati: S’ka lidhje vëlla, ky për baxhanakët….

Agushi: Ok vlla, për merak të pyeta vlla. Po vlla”.

LEXO EDHE:  U kap me drogë në Zvicër/ I riu shqiptar shpërtheu në lot para Gjykatës

Bisedë e datës 19 shtator 2016

“Agushi: O vlla, më ka bër merak ai… më jan shqetësuar ata në shpi, nusja rrezik dështimi… A mund ta di ça kam?… O vlla se ku s’kam pyet, s’ke gjë më thon.

Fiati: Ka një procedim… Tek Krimet e Rënda … Keni qënë në përgjim.

Agushi: Po për ça o vlla… Për atë baçën?

Fiati: Jo për atë.

Agushi: Po ç’ne un për gjëra të tjera!

Fiati: Ai është çelur për disa persona nga Vlora… Për kultivim… Nga këta persona që unë akoma s’e di kush janë, keni dalë dhe ju.

Agushi: Dmth për kultivim… Jam.

Fiati: Nuk është ndonjë gjë serioze… Por për siguri pasi nuk dim gjë tjetër.

Agushi: O vlla, jam për kultivim, se ai më tha për vrasje… C’ne vllai!

Fiati: Se këtu ka grupe vëzhgimi.

Agushi: Me këto gjëra, qajnë natë-ditë në shpi, i ka pataks.

Fiati: Jo mor vlla, ça vrasje!

Agushi: O vllai im!

 Fiati: S’ka lidhje, asnjë vrasje vëlla… Hajde në shtëpi rri, mos e vra mendjen!

Agushi: Po si i bëhet, o vlla?… Un jam bër si barbon!

Fiati: Unë i thash vetëm të pastrojë shtëpinë… Dhe tele… S’i kam thën gjë tjetër.

Agushi: Rrugëve do vin të t’marrin, është prer fleta, nusja shtruar në spital… Më ka ik mendja.

Fiati: Jo mor vëlla, s’ka flet… Flitet që do arrestohen nja tre policë… Ngaqë të kan bër një foto me të kur i ke dhën lekët… I thash të të lajmëronte… Të bëjë kujdes…

 Agushi: Mir o të keqen vllai dhe i thash jo këto lekët, s’ka gjë tha.

Fiati: Ktheu në shtëpi vëlla.

 Agushi: Po mos na marrin, o vlla!

Fiati: Po sikur i hoqëm të gjitha provat… Tek lekët… Vetëm aty mund të kapen.

Agushi: Po i dhash për makinën…

Fiati: Do ta justifikoni se keni shitur makin njëri-tjetrit.

Agushi: Po ore, vlla… Pse do na pyesin?

Fiati: Në tel keni folur… Apo keni qen të kujdesshëm?

Agushi: Ça të kujdesshëm… Ai ma lëshonte…

Fiati: Kshu ashu… po ça t’u them unë vëlla?!… Ju sikur jeni 5 vjeç. Mir ai që është budalla po dhe ti pas atij!

Agushi: Po un s’kam fol. Isha i rezervuar se kam një jet, o vlla. S’jam djeg njëherë. Këtij do ja ken bër kastile, hapej shum.

Fiati: Po më zuri goja lesh me të. S’kam ç’i bëj vëlla!

 Fiati: Po përpiqem tani mos i mbyll…

Agushi: Po si i bëhet ku duhet të ndërhyj… Të vete në shpi, se ngela rrugëve…

Fiati: Shko në shtëpi!

Agushi: Po ça thua o vlla, ai të merr në qaf.

Fiati: I hoqe tel?

Agushi: Po vlla.

Fiati: As mos i fol më!

Agushi: Po ça thua, o vlla.

Fiati: As mos kontakto më me të.

Agushi: Lash fëmijët rrugëve, isha mir…

Fiati: Po as këtë tel s’ja mësove dot, idiotit?!

Agushi: Po ku mer vesh ai, o vlla… Na mori lumi.

Fiati: Flet sikur ka mbjell domate… Qetësohuni! Kishe folur në fb me Fjorin? Ke bër gabim… Po ty të kan ngatruar me ato grupet e vëzhgimit…

Agushi: Dmth, në vend të atij, kan ruajt mua.

Fiati: Ka mundësi mos t’i flasësh më atij.

Agushi: Dmth, mos të ndërhy në asnjë vend?

Fiati: Jo vëlla, prit se do të them unë… S’jeni vetëm ju të dy. Jan disa persona. Kan ndërhyr ata.

Agushi: Ok vlla, mos të dal fare.

Fiati: të presim.

 Agushi: Të rri dhe ca dit kshu deri sa të më thush ti!

 Fiati: Po mir është të rrish dhe ca dit.

Agushi: Ok vlla… Po me Xhekun ke fol, vlla?

Fiati: Po, e porosisja çdo ditë. Ku dija unë që ishte kalama ai. Po kam fol, ka ardhur në Tiran me punë…

Agushi: Po duhet gjë për të ndërhyr, më thuaj…

Fiati: Kujdes me tel…

Agushi: S’kam tel më, vetëm këtë kam, vlla.

 Fiati: Hahahaha! Mir vëlla”./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kronika

‘Lufta’ e drogës në Ekuador/ Gazetari tregon emrin, kush është shqiptari i vetëm që doli i gjallë

Publikuar

-

Nga

“Shkrodra bombë me sahat”/ Gazetari: E kanë nën kontroll grupet kriminale

Gazetari Julian Kasapi ka zbuluar emrin e të vetmit shqiptar të mbetur gjallë nga lufta e drogës në Ekuador.

I ftuar në ‘Open’, ai tha se shqiptarët kanë zgjedhur tregun latin për shkak të pasurimit të shpejtë, ama rreziku është më i madh.

“Është mënyra më e mirë për të bërë para sa më shpejt, e ku ka më mirë se në vendet e origjinës sic është Amerika Latine. Duke pasur parasysh çmimin, por ka një kosto të madhe.



LEXO EDHE:  9 vite nga 21 janari/ Vajza e Ziver Veizit kërkon drejtësi: Kam besim te SPAK

LEXO EDHE:  U zgjodh në krye të SPAK/ Kush është Arben Kraja, si ka ndryshuar pasuria e tij ndër vite

Rreziku është i madh atje. Mbesin gjithmonë viktima. Remzi Azemi është i vetmi shqiptar që ka shpëtuar gjallë, dhe është shfaqur atje si investitor,” tha Kasapi./CNA.al

 

LEXO TE PLOTE

Kronika

Ekzekutimi i Ergys Dashit/ Qyno tregon rolin që kishte në bandë, pse nuk guxon policia të merret me ta

Publikuar

-

Nga

Gazetari i dosjes “Shpirti”/ Prerja me gërshërë e rrëfimit të penditos, standardi i provave, dhe 1 dosje me emër burgu me Nr.313

Gazetari Elton Qyno, ka zbardhur detaje të reja lidhur me vrasjen e Ergys Dashit në Ekuador.

I ftuar në ‘Open’, Qyno, e ka cilësuar atë një koordinator të një grupi të organizuar droge dhe jo thjesht një ushtar.

“ Të gjithë vrasjet në Ekuador kanë mbetur pa autor. Asnjë vrasës nuk është identifikuar për vrasjen e shqiptarëve, a janë ekuadorianë, a janë kolumbianë që veprojnë atje, apo çfarë janë. Këto janë raste deja-vu, të para dhe më herët. Përsëriten në mënyrë të përsosur. Ergys Dashi, njihet në shoqëri me emrin “Pikja” në Shqipëri.



Njeri i besuar i Eldi Dizdarit, i arrestuar në Dubai, si pjesë e grupit kriminal të “Los Blanco-s” në Itali. Është një nga personat kryesorë të qarkullimit të drogës nga Amerika Latine në Europë. Të gjithë i dinë bizneset e tij, e ku vepron, po nuk guxon as policía të merret me të. Se merren me ushtarët dhe jo me bosët. Lidhja e tyre me politikën, lidhja me shefat e komisariateve e drejtorët e policive, i bëjnë të paprekshëm.

Dashi ka lidhje të forta me njerëz të biznesit të drogës. Nuk cilësohej si ushtar, po si kordinator. Qëndronte në Ekuador, për të lidhur marrëveshjet sipas udhëzimeve që i japin bosët e tij në Dubai. Kontrollonte të gjitha ngarkesat për transportimin nga Am. Latine në Roterdam të Holandës.

Ose nuk ka shkuar sasia e parave në destinación, ose ka shkuar droga atje, dhe është cilësuar si e vjedhur. Në Roterdam janë zhdukur rreth 5000 pako kokainë. Kjo sasi dyshohet se ka qenë e shqiptarëve. Është zhdukur dhe një maroken. Gjë që ka rritur shumë dyshimet. Po nuk u zbatuan marrëveshjet fillon ligji i ekzekutimit,” tha Qyno./CNA.al

LEXO TE PLOTE

Kronika

Shqiptarët e vrarë në Ekuador

Publikuar

-

Nga

Gjashtë shqiptarë janë vrarë në Amerikën Latine gjatë 5 viteve të fundit.

Porti i Guajakilit është epiqendra e përplasjeve të shqiptarëve për trafikun e drogës. Në Durrës gjatë 4 viteve të fundit janë sekuestruar më shumë se 1 ton kokainë.

Prania a e shqiptarëve në Amerikën Latine dhe veçanërisht në Ekuador daton në fillim të viteve 2010.

Në dekadën e fundit ata kanë krijuar familje në këtë shtet dhe po luajnë një rol kyç në trafikun e kokainës.

Ergys Dashi është viktima e katërt e përplasjeve të bandave në qytetin port, Gyajakil.

Ekzekutimet mafioze nisën në vitin 2017 me Ilir Hidrin, për të vijuar me shqiptaro malazezin Fadil Kacanic dhe Adriatik Tresën në 2020-ën, i cili u ekzekutua në një resort luksoz.

160 shqiptarë ishin të regjistruar në Ekuador në vitin 2018 ndërsa numri i tyre besohet se është rritur vitet e fundit.

Të integruar me komunitet edhe falë lidhjeve martesore ata bashkëpunojnë me grupe kriminale vendase për të ngarkuar kokainën në kontejnerë me fruta ekzotike.



LEXO EDHE:  Afera korruptive e shekullit/ Kur do zgjohet SPAK për inceneratorët?

LEXO EDHE:  Denoncimi i fortë/ Zyrtarët e lartë të Rilindjes nxisin fshatarët në Vlorë të mbjellin drogë

Ekuadori nuk është një vend prodhues i kokainës por rëndësinë në trafikun ndërkombëtar ja jep porti i Guajakilit.

Droga vjen kryesisht nga Peruja dhe Venezuela por edhe vende të tjera prodhuese ku gjithashtu shqiptarët luajnë rol kyç si ndërmjetës të dorës së parë.

2 shqiptarë të tjerë janë ekzekutuar gjatë 4 viteve të fundit në Kolumbi dhe Brazil.

Influenca e shqiptarëve në Amerikën latine përkthehet edhe në ngarkesat e kapura në portin e Durrësit.

Nga viti 2018 e deri më tani janë sekuestruar mbi 1 ton kokainë në kontejnerë me banane në disa aksione të ndryshme.

Një pjesë e shqiptarëve të Ekuadorit, synojnë të trafikojnë kokainën edhe në Holandë e Belgjikë në portin e Roterdamit dhe Antverpit./euronews 

 

LEXO TE PLOTE