Disa prej banorëve në lagjen “5 Maji” në Tiranë të cilat preken nga aksioni i IKMT për të shembur godina në kuadër të procesit të rindërtimit e kanë kaluar jashtë mbrëmjen e djeshme.

Ata thonë se nuk do të largohen derisa të marrin banesë me të drejta të plota pronësie dhe refuzojnë të futen në banesa sociale.

“Jashtë kemi fjetur. Se ku i kanë gjetur nuk e di. Mos të marr çantën time apo teshat personale të mia. Unë do protestoj prapë. Unë nuk dal pa më gjetur strehim të vërtetë.  Nuk dua banesë sociale. Unë dua shtëpinë time me legalizime me të gjitha. Unë në pallat social nuk hyj. Dua shtëpinë time me letra dhe vulë. Më kanë nxjerrë zvarrë”, tha për abcnews, një prej banorëve.

Mbrëmjen e djeshme nënkryetarja e Bashkisë së Tiranës, Anisa Ruseti, tha se janë 58 familje që kanë nënshkruar marrëveshje me bashkinë dhe janë dakord me procesin e projektit. Ndërkohë sipas Rusetit, 44 familje përfitojnë bonus qiraje.

Vendi ynë do të karakterizohet nga mot me kthjellime dhe vranësira të cilat pritet të shpeshtohen në orët e vona të pasdites duke sjellë edhe reshje shiu.

Ultësira perëndimore paraqitet me kthjellime dhe vranësira të lehta, ndërsa zonat përgjatë kufirit lindor do të vijojnë në ndikimin e ngricave dhe temperaturave të ulëta.

Mesdita dhe orët vijuese sjellin shpeshtim të vranësirave në të gjithë vendin duke bërë që orët e vona të pasdites të sjellin reshje të pakta shiu e dëbore në veri dhe qendër.

Gjatë natës vranësirat dhe reshjet përfshijnë gjithë vendin.

Sipas MeteoAlb, temperaturat e ajrit rriten lehtë në mëngjes por edhe në mesditë duke luhatur vlerat ditore nga –4°C deri në 15°C.

Era do të fryjë e lehtë dhe mesatare me shpejtësi 45 km/h nga drejtimi Jugor, kjo do të bëjë që në brigjet detare të gjenerohet dallgëzim 3-4 Ballë./CNA.al

Ditën e enjte gradualisht mbi vendin tonë do të fillojë depërtimi i masave ajrore të paqëndrueshme.

Sipas SHMU moti do të nis i kthjellët në pjesën më të madhe të vendit e prej mesdite pritet një shtim i vranësirave deri të dendura.

Reshjet e shiut pritet të bëhën prezente në orët e mesditës fillimisht në veriperëndim e pasdite reshjet e shiut do të shtrihen edhe në pjesën tjetër të vendit me intensitet të ulët e mesatar.

Në orët e mbrëmjes në lartësinë mbi 300 metra në verilindje dhe në lartësinë mbi 600 metra në juglindje reshje bore me intensitet deri mesatar.

Era do të fryjë nga kuadrati i jugut me shpejtësi deri në 10m/sek shoqëruar me një valëzim i forcës 2-3 ballë.

Temperaturat parashikohen:

Në zona malore -3 deri 9°C

Në zona e ulëta -1 deri 15°C

Në zona bregdetare 5 deri 15°C