Politikë
Luli nga ortakët e inceneratorëve, sonte shfaqet tek Irfani
Lulzim Basha duket se ka zgjedhur që turin e tij mediatik ta ketë shumë afër qeverisë, apo klientelës së saj. Sa tek ortakët e inceneratorëve në Top Channel, tek Ben Blushi, ku pati edhe një incident, sot ka zgjedhur një tjetër televizion, atë të mikut të tij Irfan Hysenbelliu. Njeriu që ndërtoi tetë kate pallat pa leje dhe iu legalizua. Njeriu që Lulin e quan “vëlla Luke”. Por do jetë nën moderimin e Sokol Ballës.
Çështja është sa i qartë do jetë Sokoli si gazetar, apo edhe ai do pranojë “lugën me çorbë” të gatuar në paradhomën e Irfanit, për shkak të miqësisë dhe “dashurisë”, me Lulzim Bashën?
Pra, është mjaft e thjeshtë. Lulzim Basha shpesh i blen oraret televizive, studiot ku shfaqet. Gjithçka duket të jetë, me gjoja pyetje që do të vërtiten rreth të njëjtës situatë.
Pra, pse Luli përjashtoi Doktorin? Si e përjashtoi Doktorin? Nga e përjashtoi Doktorin? Dhe pse Doktori është i “keqi”, në përfundim të analizës që do të bëhet nga Sokol Balla dhe Lulzim Basha.
Kjo, sepse Sokol Balla përtej miqësisë së Irfanit me Lulzim Bashën është edhe njeriu që ka pasur përplasje të ashpra me Sali Berishën.
Balla njihet edhe si gazetar, shërbëtor i kryeministrit dhe shumë afër Edi Ramës. Por, një nga “armiqtë” mediatik të Sali Berishës. Për më tepër kanë pasur së bashku edhe debate dhe përplasje publike.
Tashmë Sokol Balla do të ketë në tryezë Lulzim Bashën, i cili nga “benjamin” i Sali Berishës, tani është “armiku” i tij kryesor në krye të PD-së. Dhe si i tillë, Sokol Balla duhet t’i shërbejë për të mbajtur sa më gjatë Lulin në krye të PD-së, që normalisht Irfani ta ketë mirë, dhe Edi Rama të zgjasë pushtetin e tij./CNA.al
Ajo që nuk u pa në Top Channel/ Basha dhe Desada sherr me gazetarët
Politikë
Paratë e drogës “kapin” ekonominë/ Manjani vë alarmin, politika po shitet dhe blihet
“Droga more drogaaaaaaa”. Kështu shkruan ish-Ministri i Drejtësisë, Ylli Manjani në rrjete sociale, ndërsa jep alarmin për këtë fenomen.
Sipas Manjanit, e keqja më e madhe që na ka kapluar të gjithëve si shoqëri është droga.
“Tashmë droga është çështje e shoqërisë. Jo thjesht e disa trafikantëve apo përdoruesve të saj. E gjithë shoqëria shqiptare është e prekur nga kjo e keqe.
Droga vret!
Vret përdoruesin e trafikantin, por vret edhe një shoqëri të tërë që bashkjeton me ngjarje të rënda vrasjesh të rinjsh e të rejash. Dhe shoqëria që varros rininë dhe pjesën tjetër të saj e çon jashtë për ta shpëtuar, quhet e vdekur.
Droga është iluzion!
Iluzion për përdoruesit, iluzion për ata që bëjnë para me këtë gjë por është iluzion për gjithë shoqërinë që bashkjeton me këtë fenomen. Një shoqëri që gëzon se po ndërtohen kulla dhe ndërkohë jeton në informalitet, dmth pasiguri, është e gjitha në iluzionin se vendi po zhvillohet.
Është një iluzion i patrajtuar që çon shumë kollaj në depression”, shkruan Manjani.
I njëjti është ndalur dhe tek përdorimi i parave të drogës në ekononomi.
“Droga nuk është liri! Përkundrazi është varësi. Përdoruesit në rritje janë të varur por e gjithë shoqëria informale varet nga droga. Duhen para që të furnizohen kanalet informale. Kjo para informale vret çdo liri, por edhe çdo nismë të lirë për bisnes.
Droga nuk bën ekonomi!
Në shoqërinë informale konkurrenca është thellësisht e pandershme. Mund të kesh ide biznesi dhe pak para për ta filluar atë, por të thy n’mes një anonim që sdi ku të çojë paratë. Ky i fundit paguan më shumë, vajos më mirë korrupsionin dhe ecën.
Droga nuk lejon as ligj e as shtet!
Kudo ku lulzon droga shteti dhe ligji nuk vlejnë. Kjo e bën shoqërinë vulnerabël ndaj çdo akti dhune. Për pasojë shoqëria hesht. Shet lirinë për të blerë sigurinë.
Ligji e shteti i shërbejnë drogës. Droga sjell vetëm pushtet/sundim”, shhkruan më tej Manjani.
Ish ministri, ndër të tjerë shkruan se aty ku droga është biznes kombëtar, pushteti është ekstremisht i fortë.
“Politika shitet e blihet. Opozitat janë fiktive. Pushteti lejon shtimin e drogës që të shtojë iluzionin bollëkut dhe të qënit mirë. Shoqëria nën këtë iluzion voton pushtetin. Dhe kështu mbyllet rrethi vicioz. A nuk jemi dhe ne në këtë derexhe?!
Droga është fatkeqësia jonë më e madhe. Vrasësja e heshtur e një shoqërie.
Kam keqardhje ulëritëse sa herë shoh që shoqëria shqiptare e sotme nuk e sheh këtë fenomen si të keqen më të madhe që e ka kapluar.
Padyshim qeveria dhe politika që e bën këtë gjë është më e keqja e mundshme. Por disi shoqëria duhet të reagojë që të ndahet pushteti e politika (përfshi opozitën) e keqe nga shoqëria. Nëse nuk e bën këtë ndarje shoqëria bashkjeton me të.
Bashkjetesa me këtë të keqe të madhe është mbytëse e çdo fije shprese.
Nuk është asgjë tjetër më e keqe se droga dhe bashkjetesa me të”, përfundon reagimin Manjani./CNA.al
Politikë
“Të shitur, karrige-thyer, hajdutë”/ Kulluri: Si u fsheh e vërteta e madhe në PD
Ish anëtari i Këshillit Kombëtar Edvin Kulluri, ka dalë me një analizë të gjatë mbi situatë aktuale në PD, duke u u ritkhyer edhe pas në kohë.
Kulluri ka risjellë në vëmendje, kur ai dhe disa të tjerë , filsinin për të vërtat që ndodhnin në PD, duke nxjerrë zbuluar Lulzim Bashën, por që u etiketuan prej tij, si të shitur dhe hajdutë.
“Me 26 prill opozita e paralajmëruar humbi zgjedhjet e përgjithshme për herë të dytë! Domethënë: 12 vite opozite, sa asnjëherë tjetër!
Po tani?! Tani na thuhet “na falni”! Po na thuhet se “do fitojmë si njëherë e një kohe”! Po këtë të shkuar Lulzim Polici e shkeli, e përdhosi dhe e flaku si leckë duke e quajtur “republikë të vjetër”! Dhe ata që sot bërtasin “Luli ik”, ulnin kokën dhe heshtin!
“Fajin” e kishim ne: kritikët! Çfarë s’na thane! “Të shitur, karrigethyer, hajdutë” e lloj-lloj gënjeshtrash që fshihnin të vërtetën e madhe! PD e drejtuar nga një autokrat i pafytyrë që sot ka mbyllur PD me dyer të blinduara, e denoncuam dhe e rivalizuam në zgjedhjet e 13 qershorit 4 vite pa pushim”, shkruan Kulluri.
Analiza e plotë:
Të dashur miq! Kriza e PD është sa krize demokracie aq edhe krizë politike. Demokracie pasi në PD prej shume vitesh procedura e zgjedhjes së lirë është kthyer ne kujtim të largët dhe pushtetit ushtrohet nga një person i vetëm pa asnjë kufizim!
Por është po aq politike pasi arsyet që na mbajnë bashkë në të njëjtën parti janë pothuaj zero përveç një historie të përbashkët dhe asgjë me shume.
Biles për kryetarin aktual por edhe ish kryetarin as historia nuk na qenka më e përbashkët pas 9 shtatorit!
Fakti që Berisha nga “lider historik” u shndërrua ne “llum të tranzicionit” bashkë me të gjithë politikanët e PD që janë rreshtuar kundër Bashes është i qartë! Po ashtu Basha në krahun tjetër nga “ministri më i suksesshëm” që medemek kishte liberalizuar vizat, hapur negociatat me BE dhe futur Shqipërinë në NATO tashme është veçse Lul Nuli, tregon po ashtu të njëjtin qëndrim mohues ndaj historisë së qeverisjes së PD!
Fakti është se Berisha përfaqëson me uljet e ngritjet e veta një histori që anon më shume nga suksesi sesa nga dështimet, ndërsa Bashës i dhamë mundësinë për t’u bere lideri që nuk u bë kurrë!
Atëherë çfarë na mbante bashke apo me saktë çfarë i mbante bashkë ata që tashmë edhe të shkuarën e mohojnë si arsye e bashkimit nën siglën e Partisë Demokratike? Mesa duket vetëm interesa pushteti dhe një pragmatizëm i zhveshur nga morali! Dhe pa moral nuk ka bashkëjetesë!
Ne na mungon një kontratë bashkëjetese ndërtuar mbi vlera, besime, histori dhe idesh e vizioni të përbashkët!
A munden palët që po mohojnë historinë e vetes dhe kundërshtarëve në parti e vetë partisë të ndërtojnë të ardhmen? JO! Çdo projekt që nis gabim do përfundojë gabim!
Lul Basha është i vdekur politikisht dhe kjo çështje është e sigurt! Shumica e anëtarëve te PD nuk e duan për kryetar dhe pike! Por në krahun tjetër Berisha dhe shume prej anëtarëve të Komisionit te Rithemelimit kanë qëndruar pasiv ndaj përdhosjes së votës, mendimit dhe veprimit të lirë gjatë viteve të fundit, deri më 9 shtator!
Statuti që prezantova me zonjën Harxhi në Kuvendin Kombëtar të vitit 2018 u votua kundër në Këshillin Kombëtar dhe Kuvend nga të gjithë ata që ndryshuan mendim në shtatorin e vjetshëm! Nuk kuptonin, nuk dëgjonin apo s’kishin kurajë se u prishej rehatia e konformizmit? Po demokratët ku përfunduan pas refuzimit të një projekti demokratizues dhe konservator?
Me 26 prill opozita e paralajmëruar humbi zgjedhjet e përgjithshme për herë të dytë! Domethënë: 12 vite opozite, sa asnjëherë tjetër!
Po tani?! Tani na thuhet “na falni”! Po na thuhet se “do fitojmë si njëherë e një kohe”! Po këtë të shkuar Lulzim Polici e shkeli, e përdhosi dhe e flaku si leckë duke e quajtur “republikë të vjetër”! Dhe ata që sot bërtasin “Luli ik”, ulnin kokën dhe heshtin!
“Fajin” e kishim ne: kritikët! Çfarë s’na thane! “Të shitur, karrigethyer, hajdutë” e lloj-lloj gënjeshtrash që fshihnin të vërtetën e madhe! PD e drejtuar nga një autokrat i pafytyrë që sot ka mbyllur PD me dyer të blinduara, e denoncuam dhe e rivalizuam në zgjedhjet e 13 qershorit 4 vite pa pushim!
Por më keq akoma edhe sot ka ende deputete qe “s’janë me asnjë” e bëjnë si mjeshtra duke kërkuar hapësirë për veten e tyre në mes!
Në mes qëndrojnë vetëm njerëz te vegjël në kohë krizash të mëdha! Frikacaket dhe dallkaukët që duan të bëjnë pazar mbi krizën më të rëndë të historisë së PD!
Ata qe hyjnë në garë “po iku Berisha”, përndryshe qëndrojnë në cepin e ngrohte të llogarive të një partie që edhe mund të ndahet përfundimisht!
Te dashur miq!
Partia Demokratike nuk ka pse dhe nuk duhet të ndahet pse u ndanë disa ortake në hipokrizi! PD është e demokrateve ose përndryshe nuk ka arsye të mbijetoje!
Ndaj unë do të qëndroj deri ne fund me parimet e mia për një parti që mund të shpëtojë vetëm me zgjedhje të lira dhe debat të hapur në çdo strukturë! Dhe me një projekt konservator për të cilin kam folur që në 2016 dhe luftuar me statutin e 2018!
Mos u shtyni për një karrige në salla që të ndarë do na çojnë në humbje të sigurt në zgjedhjet e ardhshme! Kur ishin bashke nuk fituan dot as në 2017 e as 2021, e jo me tani që janë ndarë!
Ndaj e vetmja zgjidhje është të rikthehemi tek vlerat që mund të na bashkojnë por jo përmes hipokrizisë që na sollën në këtë ditë! Por duke besuar me përulësi e vërtetësi dhe vendosmëri!/CNA.al
Politikë
Pas humbjeve dhe dështimeve radhazi/ Basha ëndërron të ardhmen në PD
Lulzim Basha, i shkarkuar nga detyra e kryetarit të PD, flet për një të ardhme të çliruar nga e kaluara.
Ndërkohë që e kaluara e tij është humbje dhe dështime, që vetëm të ardhme më të mirë për demokratët nuk solli.
Me anë të një postimi në rrjete sociale, Basha shkruan se demokratët janë të vendosurtë sjellin një të ardhme më të mirë për të gjithë, të çliruar përfundimisht nga e kaluara, dhuna dhe gjuha e urrejtjes./CNA.al
