Aktualitet
Foto-Rama merr dozën e tretë/ Thirrje qytetarëve: Vaksinohuni
Në vendin tonë ka nisur sot zyrtarisht vaksinimi me dozën e tretë të vaksinës anti-covid, të personave mbi 60 vjeç.
Ndërkohë, sot edhe kryeministri Edi Rama ka marrë dozën e tretë të vaksinës.
Kreu i qeverisë i ka drejtuar edhe një mesazh të fortë qytetarëve, të cilëve iu bën thirrje që të vaksinohen.
“Është e pabesueshme sesi nuk i besohet shkencës, por iu besohet disa sharlatanvëve dhe delirantëve që shpërndajnë teori konspirative.
Iu bëj thirrje të gjithë punonjësve të institucioneve shtetërore të vaksinohen sepse do vijë momenti që nuk do lejohen të vinë në punë të pavaksinuar.
E nëse nuk vinë në punë, nuk do të paguhen nga taksat e qytetarëve.
Iu them të gjithë atyre që kanë të bëjnë në veprimtarinë e tyre publike, të vaksinohen. Sepse mund të vijë momenti që nuk do lejohen të hyjnë nëpër merkato nëse nuk janë vaksinuar.”-tha ndër të tjera Rama.
Po ashtu Rama tha se mund të vijë dita që në Shqipëri nuk do të lejohet të futen njerëz që nuk janë vaksinuar. As për pushime./CNA.al
Politikë
“Ndajmë bashkë gëzimet dhe hidhërimet”/ Ministri turk në Laç: T’i gëzoni banesat e reja
Ministri i Mjedisit dhe Planifikimit Urban i Turqisë, Murat Kurum gjatë vizitës së tij në Laç, në ceremoninë e dorëzimit të çelësave të shtëpive të 522 banesave qytetarëve ka vlerësuar marrëdhëniet e ngushta mes Turqisë dhe Shqipërisë.
Ministri turk tha se lidhjet rrënjësore që ekzistojnë mes dy vendeve kemi ndarë gëzimet dhe telashet e pikëllimet.
‘Shpreh ngushëllimet për familjet e pikëlluara që kanë humbur familjarë dhe uroj që zoti t’i shërojë ata. Sot jemi këtu për ceremoninë e inaugurimit që kemi ndërtuar këtu pas tërmetit të 26 nëntorit 2019. Vëllezër dhe motra të prekura nga tërmeti uroj të jetojnë të lumtur në strehat e tyre të reja dhe të ngrohta. Duke u nisur nga lidhjet rrënjësore që ekzistojnë mes nesh kemi ndarë gëzimet dhe telashet e pikëllimet. Me atë mobilizimi që ne vepruam në vendin tona gatë tërmetit, përmbytjeve dhe zjarreve, me të njëjtën ndjeshmëri vepruam edhe për Shqipërinë dhe qytetin e Laçit. Ne do të vijojmë të jemi pranë jush edhe në të ardhmen”, tha ministri.
Politikë
544 banesa të rindërtuara në Laç/ Kryebashkiakja, mirënjohje Turqisë
Presidenti i Turqisë, Recep Tayyip Erdogan po zhvillon një vizitë në Shqipëri, ku është pritur me një ceremoni zyrtare nga kryeministri Edi Rama.
Vizita ka nisur nga qyteti i Laçit, aty ku është finalizuar projekti i rindërtimit të lagjes se re me 524 apartamente, financim i qeverisë turke.
Në ceremoninë e dorëzimit të çelësave të shtëpive të 544 banesave qytetarëve në Laç, kryetarja e Bashkisë së Kurbinit, Majlinda Cara, falënderoi Presidentin Erdogan dhe popullin turk për ndihmën e jashtëzakonshme.
“Është nder të mirëpres Presidentin Erdogan në këtë kompleks të rindërtuar nga gërmadhat që la pas tërmeti i 26 nëntorit 2019. Nuk di nëse do të gjej dot fjalët për t’i thënë falënderimet e duhura popullit turk, Presidentit Erdogan dhe të gjithëve. Në emër të qytetarëve dhe banorëve të kësaj lagje të re ju falënderoj nga zemra për bujarinë dhe solidaritetin e treguar në ditët tona më të vështira. Ka pasur një bashkëpunim të shkëlqyer të kompanive shqiptare të angazhuara në ndërtimin e kësaj lagjeje kaq cilësore me kompaninë turke që dua t’i falënderoj për profesionalizmin e saj. Jam shumë i lumtur për të gjitha ato familje që iu riktheu shpresa dhe buzëqeshja dhe do të kenë mundësi të banojnë në këto shtëpi të pakrahasueshme me më parë”, tha Cara./CNA.al
Kronika
Aksident i rëndë/ Humb jetën një person
Një aksident i rëndë me pasojë humbjen e jetës së një personi, ka ndodhur paraditen e sotme në Divjakë.
Mësohet se aksidenti ka ndodhur rreth orës 11:00, në fshatin Këmishtaj, ku shtetasi A. D., 29 vjeç, banues në Divjakë, duke drejtuar automjetin tip “Audi” është përplasur me motomjetin tip “Yamaha” me drejtues shtetasin K. Xh., 29 vjeç, dhe për pasojë ka ndërruar jetë drejtuesi i motomjetit.
Grupi hetimor po punon për zbardhjen e plotë të rrethanave të aksidentit./CNA.al
